Cultural Living Museum und Rock Painting

Zerscht bini ganz ide Neechi vo mim Zältplatz ines Cultural Living Museum vo de Damara People. Das isch äs Museum wos Läbe vo de Damara People nachgstellt wird, bevor sie vo Ditschland kolonialisiert worde sind, also vor eppä 100 Jahr. Die Art vo Museen dienid als Ikomme fir d Community und sellid s Adänkä a Kultuir wahrä. So hani zum Biespiel viel uber lokali Heilchritli und Elefante💩 glehrd (mä stuind fir was diä alles giod isch, genau so wie 💩 vo de Rockdassies, die wird viel ide lokale Froiäheilkund igsetzt)🤷‍♀️. Sie hend mer oi zeigt wieme Fiir machd (da wird Wisel-💩 bruicht), us Geissefäll Chleider machd, Bier braut, Schmuck us Struisseeier und Alltagsgägästend us Iisä härstellt und es Spieli spield, wo friäner dezio tiend hed Konflikt z lesä.
Nachher hani wellä ga d Rock Piantings rund um d White Lady im Brandberg ga aliogä. Hoch motiviert und uisgrischted mit gniog Wasser und Sunnäschutz bini parad gstande. Jedoch isch de Guide grad beschäftigt gsi ä frienere Bsiocher us de Schlucht uisezträgä, will er wäg de Hitz kollabiert isch. So hani de oi igseh, dass es vlt. Nid die bescht Idee isch bi 38° und praller Sunnä 2 Stund z wandere und bi halt ohni die white Lady gseh z ha witer gfahre.
D Abigstimmig am Zältplatz isch defir wieder 10/10 gsi.Read more