Bom Dia, wei se hei soen.
Zu Coimbra hun mir eis de Moien nach bessen duech Staat geschleeft, an puer Antiquitären gestöbert an eis d'Uni ugekukt, dei - soufern een dem Guide, dem ech zoufälleg nogelauachtert hun, an engem Gebei aus dem 13jh ass an soumat suguer schon firun der Proclamatioun vum Land 'Portugal' bestanen huet! Ergötzt iech also un mengem Hallefwessen - 100% ungeprüft.
Dono hun mer eis dunn rem op den Wee gemach an hun dobei eisem neien Lieblingsmusiker, dem Dino Meira, an sengen portugiesechen Hits nogelauschtert. Zu Peniche, engem Fescherstietchen, mat enger riesen Plage, hun mir eis en Fährentickets geholl fir op eng Insel. Dobei handelt et sech em een Naturreservat mat enger Festung aus dem 17Jh. An souvill sief gesot: dat war e scheint Fleckchen Land!! Den Wee dohin war zwar turbulent, an suguer den Rezeptionist vun eisem Campingsot war iwerrascht, dass haut bei dem Wellengang Fähren fueren, mee mir sin an engem Steck ukomm!
Nodems mer dun den Reckwee ugetrueden hun, deen schon vill mei roueg war, hun mer eis dun entscheed epes iessen ze goen. Dofir sin mer un den aner Eck vun der Insel an e klengen Resto gefuer, deen direkt um Strand leit an wou een de Leit beim Surfen nokuken kann. Et war einfach just fir ze geneissen!
Well mer dunn awer bessen geriedert waren, sin mer dono nach an den Supermercado gefuer, fir eis e puer Supplies ze kafen an dann doheem zwou ronnen Qwixx ze spillen.
April 7, 2025 in Portugal ⋅ ⛅ 14 °C