Endlos lang

Um 4Uhr aufstehen, um um 8Uhr in der Stadt als erste am Schalter vom Zollamt zu stehen. Echt jetzt?! Na immerhin gibts da ne Shoppingmall mit Cafe, öffnet um 6.30. Dann muss ich nur 1.5h mit Pippa warten und kann vielleicht mal meine Spanisch-Aufgaben machen.... denkste!

Es isch 5:45 und jetzt scho 45min zuesätzlich wägem Stau id Stadt... für die letschte Kilometer zu mim Töff hocki im schäbigste Uber ever. D Reife quietsched de Berg abe, de Sitz isch nöd verankered und de Gurt funktioniert nöd...zum glück hockemer im Stau, da fühli mi wieder sicherer 🫣

Und tatsächlich, mer schaffeds pünktlich zur Öffnigsziit zum Zollamt...nach 2.5h endloser "Fahrt" id Stadt.
Und mer chömed au recht schnell wieder use. Leider ohni Zollpapier und es isch au kein Kafi und Zmorge in Sicht. Völlig usghungered giz am 10ni es typischs Zmorge us Eier, Bohnemuss und Wiissbrot vom Strassebistro. Hani ghofft, de Scheiss mussi nie meh ässe und jetzt ischs einzige wo schnell erreichbar isch. Das mit Prioritäte setze mümmer no chli besser anebringe.

Und so gahts liecht greizt und eigentlich jetzt scho nudelfertig mitm Töff ändlich los richtig Süde. Morn sölls überd Gränze gah, ohni ihri Zollpapier.Leggi altro