Atur ulang pencarian
Südostasien 2025/26
  • Anita unterwegs
Terbaru
  • Anita unterwegs

Südostasien 2025/26

Sebuah petualangan yang berakhiran terbuka oleh Anita unterwegs Baca selengkapnya
IkutiRingkasanRingkasanKalenderKalenderFotoFotoBagikanBagikanDaftar bucket
Terlama lebih dulu
  • Anita unterwegsSüdostasien 2025/26Pelancong
    1

    Cat Ba Nationalpark

    7 Desember, Vietnam ⋅ ☀️ 24 °C

    Hüt han i an Usflug zur Hospital Cave und zum na Ussichtspunkt im Nationalpark gmacht.
    Als erschts bin i mim öffentlicha Bus zur Hospital Cave gfahra. Das isch as versteckts Spitol, wo in a natürlichi Höhli inabaut worda isch zum Verletzti z behandla während am Viatnamkriag. Isch no cool gsi zums mol gseh ha, aber nit mega speziell.
    Denn bin i wiiter gloffa Richtig Nationalpark. Dia gsamti Strecki wär knapp 5 km gsi, noch knapp 10 Minuta laufa hend mi denn as Grüppli, wo i am Obig vorhär schu im Usgang troffa han, mitgno bis zum Igang vum Nationslpark.
    Mit dena bin i denn au zum Ussichtspunkt gwanderet. As isch schu kli streng gsi, vor allem wäg dr hoha Luftfüachtigkait, aber mega schön grüan durch da Dschungel und d Ussicht isch genial gsi.
    I han mi denn dem Grüppli agschlossa zum no a abglägani Beach go aluaga. Das isch au uu schön gsi, volla Fischerboot in dr Bucht und meh Iihaimischi Fischer als Touris.
    An schöna letschta Tag uf Cat Ba Island 🤩😊.    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    Blick am Morga usem Fenschter
    1ds Ruaderböötli wo üs abgholt hät

    Lan Ha Bay (Tag 2)

    5 Desember, Vietnam ⋅ ⛅ 22 °C

    ... i han super gschlofa ufem Boot, aini vu da beschta Nächt sit i do in Viatnam bin 😊. Und d Ussicht am Morga usem Fenschter isch aifach genial gsi.
    Am zwaita Tag simmer nochem Zmorga vu 2 klina Ruaderböötli abgholt worda. Miar hend denn a Höhli mit Tropfstai und nomol a versteckti Laguna könna goh aluaga - zum Glück hemmer hüt nit müassa sälber paddla, as isch nämli zimli windig gsi am Morga.
    Nochem Usflug mit em Ruaderböötli simmer zruck uf üses Cruise-Boot und denn no in a andera Tail vur Bucht gfahra, wo miar nomol hend könna bada, bevors denn laider schu wider Ziit gsi isch zum üsi Koffer etc. z packa und "uszchecka".
    Miar hend denn no andera super faina Zmittag kriagt ufem Schiff, bevor miar denn vum klinera Boot (das Boot, wo üs am erschta Tag ufs Cruise-Schiff brocht hät) abholt und zum Hafa zruckbrocht worda sind.
    Uf Hafa simmer denn alli wider in üsi Hotel resp. uf da Bus brocht worda sind.
    I han gar nüm vum Cruise-Schiff weg wella, as isch so schön gsi und i bin immerno völlig gflasht vu dära Tour mit dena viila Iidrück, Aktivitäta und vor allem vum bioluminesziarenda Plankton 🤩😍🤩    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    Schwimmends Dorf in dr Cat Ba Bucht
    ... sogar mit HuustiarVelotour durch dr Nationalpark in as FischerdorfFisch-MassageZmittag ufem Boot 😋Kajaktour in dr versteckta Lagunalangsam Ziit zum zruck ufs Cruise-Schiff für dr Znacht

    Lan Ha Bay (Tag 1)

    4–5 Des, Vietnam ⋅ ⛅ 22 °C

    Dia letschta 2 Täg han a Bootstour in dr Lan Ha Bay mit Übernachtig ufem Boot und ganz a huufa coola Aktivitäta gmacht.
    Als erschts simmer as schwimmends Dorf goh aluaga. Denn simmer wiiter gfahra zwüscha unzähliga Karstfelsa duura bis zum na klina Bootaleger. Döt simmer denn usgschtiiga und hend a klini Velotour durch dr Nationalpark zum na kliina Fischerdorf gmacht. D Landschaft do isch dr Hammer, alles mega grüan. Im Dorf hemmer denn no kli meh über Cat Ba Island, dr Nationalpark und dia verschidena Tiar dörfa erfahra und am Schluss au no könna a Fisch-Massage usprobiara. Also natürli hemmer nit Fisch massiart, sondern üsi Füass in as Becki mit Fisch könna inaheba, dia machen denn dia abgstorbena Huutpartikel wäg. Aber Afang rächt ungwohnt, aber mit dr Ziit rächt agnehm und liicht kützlend 😆.
    Nochär ischs mim Velo zruck zum Boot und denn wiiter in an andera Tail vur Lan Ha Bay ganga. Döt hemmer denn im Meer zwüscha all dena Karstfelsa könna bada/schwimma... und wiit und brait kai anderi Lüüt. Nochem Bada häts denn Zmittag gäh ufem Boot. Z Ässa isch unglaublich gsi - a riisa Uswahl und super fain 😋.
    Nochem Zmittag hemmer denn uf as grössers Boot mit Schlofkabina gwächslet und üsi Zimmer bezoga. Vum gröösera Boot us hemmer denn a Kajaktour gmacht durch a Höhli wo in a versteckti Laguna füart. In dära Laguna hemmer denn schön Ziit kha zum Kajak fahra und au nomol schwimma.
    Zruck ufem Boot hemmer kli tschilla könna bis es denn Znacht gäh hät. Au zum Zacht hends mega viil verschideni, mega faini Sacha uftischt.
    Nochem Znacht hemmer denn nomol a Kajaktour gmacht zum biolumineszents Plankton goh aluaga (sorry, loht sich nit so aifach fötala). Miar sind alli völlig gfläscht gsi und hend wia klini Kind mit da Händ immer Wasser umaplanscht und mit üsa Paddel Wasser umagsprützt (denn gseht mas am Beschta). Denn isch denn au schu bald Ziit gsi zum go schlofa....    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    das wär d Alternativa zur Fähra gsidia Promenada mit da Palma isch vor biz meh als am na Johr no quasi am Meer entlang gangadöt ufa will i ☺️schu kli igwachsadr Ufschtiig hät sich glohnt 🤩nomol a Retorta-Siedlig am entschtoh... wias uf Phu Quoc au schu hät

    Cat Ba

    3–8 Des, Vietnam ⋅ ⛅ 23 °C

    Bim Aschtoh für d Fähra hät mi denn aina aghaua, ob i englisch könn. Är hät mi denn gfrogt, ob i in dr Hauptort müass und ob i schu an Transport han... han denn gsait i näm dr Bus (han denkt: schu wider aina wo miar as übertüürts Taxi adräha will)... denn hät är gsait, si hend no Platz im Car, i könn gratis mitfahra, wenn i wett 😊 mega nätt 😊 han i denn natürli gära gmacht 😊...
    Noch dr Akunft im Hotel han i denn no an Spaziargang durch dr Hauptort und zum na Ussichtpunkt gmacht.
    Do im Hauptort wird grad massiv Land ufgschüttet und grossi Hotel-Resorts baut... 🙄 ächt schad... dr Grosstail vur Insla isch aber Naturschutz-Gebiat und blibt hoffentli so grüan wias jez isch.    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    3

    Akunft in Hai Phong

    1–3 Des, Vietnam ⋅ ⛅ 25 °C

    Mis Hotel für dia nöchschta 2 Nächt 🤩

    Lihat terjemahan
  • Anita unterwegsSüdostasien 2025/26Pelancong
    Banh Xeo - immer wider lecker
    Pho mit FischFrittiarti Süasshärdöpfel mit Käspulver3Zwaierlai Hackflaisch - aimol mit Lemongrass und aimol in irgendwelcha Blätter igwickletSo öppis wia BananacräckerViatnamesischi PizzaFlussschnäcka2RiiscräckerFlan mit Kaffee und roti Bohna mit Kokos und Kakao

    Streetfood-Tour

    30 November, Vietnam ⋅ ⛅ 33 °C

    An minem letschta Obig in Ho-Chi-Minh-City han i no a Scooter-Streetfoodtour gmacht. Im ganza häts 3 Hauptgricht in verschidena Strossarestaurants und 8 Snacks vu Marktständ zum Probiara gäh. Ainiges han i schu kennt, aber as hät au no ganz neui Sacha dabi kha.
    Alles isch mega fain gsi 😋    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    Ingwer und Zwibla für d Pho (traditionelli vietnamesischi Suppa)Gwürzmischig für d Phod Basis für d Dip-Sossaalles schön gmörseret bis d Zuckerkrischtall wäg sindund denn ufgfüllt

    Kochkurs

    28 November, Vietnam ⋅ ☁️ 29 °C

    nochem Markt isch es denn zum Kochkurs ganga - mega cool und spannend gsi... sicher nit min letschti Kochkurs 😋

    Afanga hemmer mit dr Suppa. Denn hemmer d Dip-Sossa und d Summer Rolls gmacht und denn au gässa. Als nöchscht isch denn d Banh Xeo dra kho und am Schluss hemmer denn d Suppa färtig gmacht und gässa.

    Denn häts no as Zertifikat und as Kochbuach gäh.

    Chúc ngon miêng!
    (an Guata 😋)    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    21dank The Taste vu letscht Wucha han i sogar gwüsst, was das und links sind - Flügelbohna 😊BananablüataSeegurka

    Markttour

    28 November, Vietnam ⋅ ☁️ 29 °C

    Hüt morga han i a Markttour gmacht mim na lokala Koch. Mega interessant gsi... d Hälfti vu da Sacha han i vorhär weder gseh no gässa

    Lihat terjemahan
  • Anita unterwegsSüdostasien 2025/26Pelancong
    Ben Thanh Markt - dinna bin i no nit gsi 😊 - kunnt denn mora
    Schtadtverwaltig vu HCMC mit Statua vum Ho-Chi-MinhSaigon OperahuusBanh Mi zum sälber fülla

    HCMC-Sightseeing Tail 1

    27 November, Vietnam ⋅ ☁️ 25 °C

    Hüt bin i kli krüüz und quer in dr Schtadt unterwägs gsi... i wärda wohl nia meh an Fän vu Grossschtädt 🤪
    D Schtross überquera, sälbscht mit Liachtsignal bruucht au nochem x-ta Mol no rächt Muat und kli Gottvertraua... aber i han überschtanda 😆😅
    Und plötzlich zwüscha all dena Hüüser und em Verkehr und Lärm häts schöni grüani Fläckli wo ma sich ganz wo anders fühlt...    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    1
    1111

    Ho-Chi-Minh-City

    26 Nov–1 Des, Vietnam ⋅ ⛅ 31 °C

    Hüt bin i mim Bus vu Vinh Long noch Ho-Chi-Minh-City gfahra, also eher schu Limousina-Van 😅. Unterwägs han i denn no so an Laschtwaga gseh mit gschnitzter, bunt agmolter Holzverklaidig.
    Ds Hotelzimmer isch ganz ok und zimli zentral. Allgemein isch d Schtadt halt wia dia maischta Grossschtädt luut und busy...
    I han do aber as ganz schöns Plätzli in ara Rooftop Bar gfunda, was fains gässa (usnahmswiis mol nit viatnamesisch) und gnüssa min Drink und d Ussicht.    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    1

    Vinh Long Provinzmuseum

    25 November, Vietnam ⋅ ⛅ 31 °C

    Am Nomittag bin i denn no ds Provinzmuseum go aluaga. Döt häts alti Fundstück und Handwerkskunscht us dr Region usgschtellt und au ainiges zum Thema Kriag resp. Widerstandkampf in dr Provinz.
    Do in Vinh Long han i ds maischta mittlerwiila agluagt und mora gohts wiiter mitem Bus noch Ho-Chi-Minh-City - hoffentlich mit trochna Füass 🙏Baca selengkapnya

    Lihat terjemahan
  • Anita unterwegsSüdostasien 2025/26Pelancong
    Literaturtempel Vinh Long

    Chùa Long Viễn + Văn Thánh Miếu

    25 November, Vietnam ⋅ ⛅ 31 °C

    Am Vormittag bin i a Pagoda und an Tempel kli usserhalb vum Zentrum im na Vorort vu Vinh Long go aluaga.
    D Pagoda isch am Buddhismus gwidmet und wird au aktiv bsuacht vu Iihaimischa zum bätta.
    Dr Tempel stammt usem 19. Johrhundert und isch zur Förderig vum Konfuzianismus erbaut worda.

    Ufem Wäg döt hära han i am na Schtrossastand no was z ässa kauft - öppis wo usgeh hät wia igrollts Gmüas, möglicherwiis Artischocka... as isch zimli bitter gsi und z erschta wo i do gässa han, wo miar nit so gschmöckt hät. Sorry, laider kai Foti 🙈    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    Papaya-Smoothie - mmmmmhh lecker 😋Bún Bì - min Znacht 😍

    Zruck in Vinh Long

    24 November, Vietnam ⋅ ⛅ 27 °C

    Noch dr Rückfahrt mit dr Fähra han i denn zerscht mol an Zvieri resp. a Abküalig bruucht.
    Noch dem Päusali han i denn no a klini Rundi durch Vinh Long gmacht anstatt uf direktem Wäg zum Hotel zruck z goh.
    I bin denn per Zuafall an ara Schual verbikho, wo grad Pausa gsi isch... und bin plötzlich quasi d Hauptattraktion gsi... dr halbi Schualhof hät gwunka und "Hello, hello" gruafa - d Kind sind allgemein mega härzig, winken und grüassen. Aber au dia Erwachsena sind mega fründlich, aifach kli zruckhaltender... si luagen aim aa und wenn ma fründlich lächlet, denn lächlens fründlich zruck.    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    21

    An Binh

    24 November, Vietnam ⋅ ⛅ 30 °C

    An Binh isch a Insla im Mekong mit viila Gärtnereia und Obschtgärta. As git do au as paar Homestays mit Öko-Tourismus, dia maischta Touris kömmen aber mit ara Mekong-Tour ab Ho-Chi-Minh-City.
    I han d Fähra gno ab Vinh Long für 1000 Dong (ca. 3 Rappa) und an Spaziargang über d Insla gmacht.
    As isch mega schön gsi, aber au zimli haiss 🥵    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    An Platzräga in Kombi mit Fluat.... as bizli Wasser uf dr Schtross...

    Vinh Long

    23–26 Nov, Vietnam ⋅ ☁️ 29 °C

    Nochdem i a halbi Ewigkait versuacht han usazfinda, wia ma mim öffentlicha Bus vu Can Tho noch Vinh Long kunnt, aber kai schlaui Infos gfunda han und dr Typ in dr Touri-Info au nit meh hät könna säga, als dass är dia Strecki nia mim Bus fahrt, sondern immer dr Scooter nimmt, han i mi denn entschida, das mim ÖV-Bus uf as anders Mol z verschiaba...
    Taxi fahra isch für üssi Verhältnis mega günschtig, drum han i miar denn ais buacht für dia ca. 40 km Strecki... hät super klappt...
    Jez bin i in Vinh Long akho und han au früaner ins mis Zimmer könna 😊 As hät zwar kai Fenschter, isch sus aber no hübsch und hät immerhin a separati Duschkabina, was es sus do nit so git. 😊
    Am Nomittag han i denn an klina Schtadtrundgang gmacht und was fains gässa.    Baca selengkapnya

    Lihat terjemahan
  • Anita unterwegsSüdostasien 2025/26Pelancong
    Schwimmenda Markt in Cai RangZmorga ufem BootKocha bi ara vietnamesischa FamiliaMmmhh leckerBoot vu vietnameischa Grosdhändler mit Kuchi, Schlofplatz, etc. für 4 Persona

    Usflug ufem Mekong

    22 November, Vietnam ⋅ ☁️ 28 °C

    Hüt morga am halbi 6i isch mini Mekong-Tour losganga 🙈
    Als erschts simmer mim na klina Böötli zum na schwimmenda Markt gfahra und hend döt Kaffi, frischa O-saft und Kokosnüss könna trinka und as hät a warmi Suppa zum Zmorga gäh...
    Nochem Zmorga ufem Boot isch es denn wiiterganga uf klina Näbaarma vum Mekong bis miar plötzlich nüma wiiter kho sind... wägem extrem hoha Wasserschtand hemmer nit unter dr Brugg durapasst... as hät aber soviil klini Wasserwäg, dass miar denn gliich no bi üsem nöchschta Ziil akho sind.
    Miar hend denn bi ara iihaimischa Familia dörfa zualuaga und mithälfa bim Zmittag macha und natürli denn au ässa - isch mega fain gsi.
    Ufem Rückwäg hemmer denn nomol an Stop gmacht bim schwimmenda Markt und hend dörfa bi ara Familia uf ihres Boot und luaga wia si ufem Boot läben - Schlofplätz, Kuchi, Arbeitsplatz alles uf klinschtem Ruum - das isch au mega interessant gsi zum gseh... döt hemmer denn no verschidenschti Frücht könna probiara - und irgend as kochets Gricht mit Ananas und Schwiiinnereia...
    Kurz nochem Mittag simmer denn wider zruck in Can Tho gsi, pünktlich für as Nomittags-Schlöfli 😊
    Miar sind a klina, mega luschtigi Gruppa gsi und üsa Guide isch mega gsi - sehr informativ und au luschtig, miar hend üs mehrfach krümmt vor Lacha 😆    Baca selengkapnya

    Lihat terjemahan
  • 2025© FindPenguins
  • Beranda
  • Tentang kami
  • Penelusuran Kelompok
  • Pers
  • Ketentuan
  • Privasi & Cookies
  • Pusat Bantuan
  • Jejak