Banff 08.-10.08.2022

• Am 8. Ougust simer nachere länge Fahrt gege Abe in Banff ufem Campground Mountain Village acho.
•Nachem Znacht heimer no ä Spaziergang ume Camping gmacht u drbi viu Eichhörnli u Hirschchüeh (elks) mit ihrne Junge gseh.

▪︎ Am nächste Morge (09.08.2022) heimer mitere touristische Kanufahrt ufem Bowriver gstartet u si när zum Minnewanka Lake gfahre. Nach es paar hundert Meter heimer dr Wanderweg zum Canyon für üs gha u d'Flipflop-Touriste hinger üs glah.
▪︎ Womer vom See wiedr richtig Camping si gfahre, heimer dr erst Schwarzbär gseh - so coom☺️.

• Am Mittwuch isch dr Weg vo Banff uf Jasper ufem Programm gstange.
•Dr erst Stopp heimer in Lake Louis gmacht. Zersch simer churz düre Ort gloffe u när no zum See säuber. Obwou überau isch agschriebe gsy, dass aui Parkplätz bsetzt sige, heisi üs (äue wege üsem tolle Bösli😅) glich ufe Parkplatz glah. Mir si am See entlang gloffe u hei drbi dr Gletscher chönne bestuune.
• Dr nächst Zwüschehaut u o es schöns Plätzli zum Zmittag esse heimer bim Bow Lake gfunge.
• Dr nächst Haut heimer bim Columbia Icefield gmacht - sehr idrücklech!
•Gege Abe simer ufem Whistlers Campground in Jasper acho.
•Nachem Znacht simer richtig Jasper Lake gfahre u hei ungerwegs Hirsche u Bighorn Sheeps gseh.Read more