Tag 3 Yellowstone Nationalpark

▪︎Hüt heimer regnerischs Wetter gha. Es het zwüsche düre immer mau wiedr meh oder weniger tröpfelet.
▪︎Uf dr Strecki simer vore Bison-Herde ufghaute worde, wo gmüetlech über d'Strass isch gloffe. So toll gsy, mir heise so vo u nach im sichere Outo chönne beonachte.
▪︎Dr Plan hüt isch dr ober Loop vom Park gsy. Womer in Mammoth Hot Springs si acho für di bekannte Terrasse azluehe, hets grad wiedr abeglah. Drum simer zersch chli i Visitorcenter, wo fasch ufbout isch wie es Museum.
▪︎Später simer zum Norris Geyser Basin - z'heissiste Bassin vom Park - gange u si dert sone Loop dür z'ganze Bassin gloffe. O dert hets üs wiedr vrregnet.
▪︎Nach dem regnerische Tag heimer üs sehr ufne heissi Duschi gfröit u hätte mau wiedr wöue wösche. Offebar hets aber teune Orte im Park chli meh gstürmt u ä Boum isch ufne Leitig gheit u wege dem heimer när im ganze Park ke Strom meh gha🙈😅.
▪︎Ir Nacht ischs iisig chaut gsy u d'Selina het für ir Nacht meh oder weniger aues agleit, wosi drbi het (inkl. Chappe u Händsche)🥶.Read more