Antelope Island State Park 12.-13.09.22

▪︎Hüt ischs vo Lava Hot Springs richtig Mormonehouptstadt - Salt Lake City - gange.
▪︎Dert simer bi warme Temperature (öpe 33 Grad) dür d'Stadt gloffe. Zersch simer iz Basketballstadion vo Utah Jazz ga ineluege. Leider sisi ds inne grad am umboue / zwäg mache für d'Saison. Drum simer när chli i Fanshop.
▪︎Witer simer richtig Gateway. Dert hets, wie o süsch ir Stadt, recht weni Lüt ungerwegs gha u es het fasch chli usgstorbe gwürkt.
▪︎Rund ume Temple Square, wo aui die historische Geböide vo de Mormone stöh, hets de chli meh Lüt gha u vorauem viu "sisters", wo üs immer grad si agumpet u hei wöue wüsse, ob si üs öpis über di Geböide u d'Mormone chöi verzeue...
▪︎Zmittag gesse heimer de im chli modernere City Creek Center, wos o viu Läde het gha.

▪︎Gege Abe simer de zu üsem Campingrichtig Antelope Island State Park gfahre. Die Insle befindet sich ufem Great Salt Lake (wo ar Stadt dr Name git). Ds isch ä richtige Gheimtipp. Dr Camping isch wunderschön gsy u uf dr Insle hets sogar Bisons gha. Im 19. Jahrhundert si dert 12 Bisons usgsetzt worde u hei sech sit denn guet vermehrt (hüt sis mehreri Hundert). O 2 Coyote u es paar pronghorn Antilope heimer gseh. Vorem Znacht heimer no es Ründeli uf dr Insle träit u si die Bisonherde ga beobachte.Read more