Arches Nationalpark 13.-15.09.22

•Am Zisti heimer 4.5h Fahrzyt vor üs gha. Es isch regnerisch gsy auso perfekts Wetter fürne längi Strecki. In Moab ir nächi vom Arches Nationalpark heimer für 2 Nächt ä Camping reserviert gha. Wüus o dert immer wieder het gregnet, simer ufem Camping bliebe u hei die nächste Täg planet.

▪︎Füre Arches Nationalpark muess me es Zytfenster reserviere, wome ine cha. Mir hei zwüsche 12 u 1 ine chönne u hei somit am Morge no chli Zyt gha öpis angers z'ungernäh. Mir si i dere Zyt zum Dead Horse State Park gfahre. Nachere Legende hei dert früecher Cowboys Mustangs zäme triebe u beritte. Die Mustangs, wone nid hei passt, heisi zwüsche Klippe u emne Zuun mit Blick ufe Colorado River unger ihne la verdurste.
▪︎Ufe Mittag simer när i Arches Nationalpark. Dert hets no grad glängt fürne churze Spaziergang zum North und South Window bevors het afa rägne. Mir hei när gmüetlech Zmittag gesse im Outo u si z'hingerst i Park gfahre, womer hei wöue ä Wanderig mache im Devils Garden. Womer si dert gsy, hets ufghört regne u d'Sunne isch wiedr füre cho. Nach es paar hundert Meter simer wieder quasi allei gsy u hei ä wunderbari Wanderig über u unger dene Feuse gmacht u viu verschiedeni Arches gseh.

•Am Donnsti heimer wieder ä längi Fahrt vor üs (öpe 4h 45). Es geit richtig Bryce Canyon ufne Camping bire Ranch.Read more