Wallaby Wonder

Mir mache e witere Stopp bimne Omi, wo 1977 agfange het mit verletzte Wallabys uf ds nä und die ds pflege. Hüt hetsi öppe 40 Tier, wome darf fuere und strichle und bestuune.

Vo Gheg zu Gheg kämpfe mir üs dür die Tierli, es isch wie nes Labyrinth. A jedere Türe steit, wer drinne wohnt und dases wichtig sig mit dä Tier ds rede und dasme ds Törli widr söu zue tue….

Wo d Mire ds einte Törli ufmacht, isch schwupdiwupdi eis usecho….
Shit, was mache mir itze. Mir wei jo nid tschuld si, wenns de no jungi git…..
Ruehig probiere mir das Tierli widr zrügg i sis Gheg ds bewege, ohni dass die angere vieri das mitüberchöme.
Zum Glück schaffts de der Ädu, das Tier widr übere ds bewege. Phuu, no einisch Glück gha…

Es isch e cooli Erfahrig gsi und mir hei bau chli d Zyt vergässe….Read more