Tilbakestill søk
Newzeeland Adventure
  • IRMAundMIAD
  • IRMAundMIAD

Newzeeland Adventure

Zu viert auf den Spuren des Kakapo Les mer
FølgOversiktOversiktKalenderKalenderBilderBilderDelDelBøtteliste
OversiktKalenderBilder
  • IRMAundMIADNewzeeland AdventureReisende
    1

    Bluepools

    20. november 2023, New Zealand ⋅ ⛅ 12 °C

    Richtig Wanaka mache mir amene Wasserfau haut gmacht. Git immer paar Schritte aus guete Usglich für d Outofahrt.

    Für d Bluepools ds gseh mache mir e stündigi Wanderig. Die söue blau si wie ne Gletschersee.
    Leider isch aber de d Brügg gsperrt churz vorem Ziu….

    Aber es git doch immer e Lösig, Ädu u Mire kämpfe sech düre ischchalt, rissend Fluss. Luegit ds Video (Fiumriif😉)

    D Mire hätt ihri Flteli när tüür chönne de Japaner verchoufe, aber hetse natürlech nid usegrückt…    Les mer

    Se oversettelse
  • IRMAundMIADNewzeeland AdventureReisende
    111

    Wanaka

    20. november 2023, New Zealand ⋅ ☀️ 18 °C

    Wanaka isches härzigs, chlises Stedtli wo mir e Stopp ilege. E Spaziergang am Strand no, e Sterchig mitemne Ceasersalt, Ichoufe im New World, Muggespray und Rüggewehtablette ir Apothek poschte und der Wasserboum bestuune.

    Mir fahre no bis Cromwell, wo mir e Camp finge-isch e chli schmuddelig hie. D Chatz louft ufem Schribtisch ume und d Hüng warte vorder Reception. Hie dünkt üs der Priis vo 120 $ fasch e chli ds viu. Ligt äuä dranne, dassmer hie chli ir Wüeschti si unds ou ke Konkurrent ir Nöchi het.

    Mir ässe hinech gfüllti Brottäsche mitere Poulet/Gmüesfüllig.
    Loufe a See abe und löh der Obe gmüetlech loh usklinge.    Les mer

  • IRMAundMIADNewzeeland AdventureReisende

    Arrowtown Goudgräber

    21. november 2023, New Zealand ⋅ ☀️ 14 °C

    Hüt gö mir ids Stedtli Arrowtown, das kennt der Ädu no vo sim Sprachufenthaut und füehrt üs zure Kaffirösterei, wome ou grad cha Kaffi to Go bstelle. Mir gniesse dä fein Kafi und schlender witer. Bimene Gschäft voller Goudgräberutensilie blibe mir stoh und rüschte üs mit vier Goudgräberpfanne und zwe Schufle nach churzer Besprächig us.

    Mir luege üs ou no ds erschte chinesische Goudgräberdörfli a. Müesse aues ganz chlini Lüt gsi si.

    Mir gniesse das tolle Wätter bim Goldwäsche im Fluss. Übere Erfolg müesse mir nid diskutiere, aber es het Spass gmacht und üs hei viu Lüt agsproche. Si si natürlech gwungerig gsi, was mer hei gfunge. Zum Glück hei mir no Werthers Echte im Sack, wo glänze wie Gold….    Les mer

    Se oversettelse
  • IRMAundMIADNewzeeland AdventureReisende
    1

    Queenstown

    21. november 2023, New Zealand

    Mir sueche verzwiflet e Parkplatz. Isch nid immer so eifach mitemne 7.3 meter länge Fahrzüg.

    Ds Queenstown isch der Ädu im Sprachufenthalt gsi. Är isch überrascht wies gwachse isch und wie touristischs worde isch i dene 13 Johr. Mir merke sofort, das isch nüt für üs hie.
    Aber mir müesse ja der berüehmtisch Burger cho probiere. Warum Fergburget so bekannt wordr isch, man weiss es nicht genau?!
    Mir si am drü am Nomi dört gsi und d Schlange isch immer wie länger worde…

    Am See heimerne gnosse und müesse säge, er isch würklech fein, ömu der Original. Er Irene ire Bluecotfisch isch nid speziell guet gsi…

    So heimirs de ou scho fasch gseh hie und gönne üs none Glace für d witerfahrt.

    Hüt campe mir ohni Komfort, derfür Gratis am Lake Wakatipu. Der Platz isch sehr begehrt und scho ziemli vou wo mir am haubi sibni achöme.

    Es het zwöi Troche Toilette mit ganz viu Mugge. Würklech nur für Notfäll-do simer wider einisch meh froh um üse SCOBY, wo üs aues bietet.    Les mer

    Se oversettelse
  • IRMAundMIADNewzeeland AdventureReisende

    Invercargill the fastest Indian

    22. november 2023, New Zealand

    Mir fahre hüt nach Invercargill, wird Invercago usgsproche hie.
    Hüt chöme d Manne uf ihri chöschte, vorallem der Ädu freut sich uf d Museum vom ‚fastest Indian‘ bekannt usem glichnamige Fium.

    Ungerwägs mache mir no Kafihalt imne usgstorbnige Dörfli, aber es feins Kafi überchöme mir hie.

    Die einte Töffe si imene Isewarehandu usgstellt, sehr cool gmacht und ou für üs Froue e Bsuech wärt. Im Lade si ou Souveniers ds finge, sowie nes Kafi.

    Im Museum lade mir de d Manne ab und mir mache üs ufne Shoppingtour.

    Aui glücklech fahre mir witer mit Zwischenstopp für ne Buechig am Fährterminal füre Sundi uf d Stewart Insle.
    Witer geits nach Riverton wo mir e tolle Camp finge für 70$. Mit Wifi, warme, heisse Duschine, a cooli Chuchi…
    Mir teile üs uf: der Marco a Grill für ds Fleisch und d Maischolbe, der Ädu id Chuchi für Brathärdöpfu ( när hets extrem grouchnet und verbrönnt gschmöckt, isch abr zum Glück nid vo ihm gsi), d Mire u Ig hei Mise en place gmacht, sowie der Salat. Hüt heimer ds zwöite mou i dene Ferie nid dusse gässe, wüus doch grad ziemli ungmüetlech isch dusse mit Wind und Räge.

    Drum spile mir u trinke Rote und plötzlech isch haubi eis, so spät simer jo gar no nie ids Bett….    Les mer

  • IRMAundMIADNewzeeland AdventureReisende
    2

    Te Waewae Bay on the Road

    23. november 2023, New Zealand ⋅ 🌧 13 °C

    Hüt isch Räge agseit, drum chöi mir guet hüt paar km meh mache und aber ou no usschlofe bis am Achti (ömu ei Teil).

    Mir fahre los, Früschwasser und Abwasser ufgfüllt und abgloh.
    Plötzlich nach paar km Fahrt ghöre d Mire und ig es komisches, üs unbekannts Grüsch.
    Achtung Stopp wird e Warnruef nach voregsändet. Shit, d Store hanget haub usse und lampet use. Im gröschte Piss und ruehige Närve (vilech nid ganz bi aune), probiere mirs beschtmöglich ds flicke und houptsach mir bringe das Materiau i dä Chaschte ine. So witerfahre isch ke Option und wit u breit nüt in Sicht. Mit chli murgse, uf freistehender Leitere und mitemne Löffu hei mir aues chönne fixiere. Fahrt geit witer.

    Mir überlege üs ärnschthaft ufem nöchschte amne anger Mauicamper d Store abdsmontiere und bi üs dra ds tue-aber das chas jo ou nid. Vilech wär d Variante B, bi aune angere Camper die Verrigwlig ds löse (was bi üs jo der Uslöser isch gsi), so dass mir das ufene Produktionsfähler chöi abwälze…

    Ufem Wäg richtig Milford Sound träffe mir viu, viu Weide a mit X Schof. So viu heimer bis jetze no nid gseh-hei ou ghört dasses viu weniger Schaf het aus vor paar Johr. Es wärdi nüme viu zaut für d Wulle-unverständlich.

    Sogar ine züglendi Rinderherde simer cho-die Puure hei aber das mit ihrne 10 Hüng tiptop im Griff gha.    Les mer

  • IRMAundMIADNewzeeland AdventureReisende
    1

    Cascade Creek

    23. november 2023, New Zealand ⋅ ☁️ 6 °C

    Wo mir üs es Plätzli hei gsuecht ufem letzte Camp vor üsem Ziu, chunnt scho d Sunne füre.

    Hinech choche mir mit Gas, da mir ke Strom hei. Das git aber ou ganz feini Carbonarateigware.
    Aber Abwäsche ohni heiss Wasser löh mir loh si. Abwäschcrew het auso hüt frei.

    Mit spile und emene Glas Rote, löh mir der Tag loh usklinge.    Les mer

    Se oversettelse
  • IRMAundMIADNewzeeland AdventureReisende

    Milford Sounds

    24. november 2023, New Zealand ⋅ ⛅ 8 °C

    Am morgen am haubi Sächsi isch hüt Tagwach. Ohni ZMorge fahre mir die letschte km zum achte Wäutwunger Milford Sound.

    Hie heimer ufem Parkplatz de Zyt für ds zMörgele-bevors uf die 2 Stündigi Schifffahrt dür d Fjorde geit.

    Wunderschön u idrücklech, die steile Felswäng.
    Trotz sunnigem Wätter wärde d Froue de no plotschnass. Der Kapitän stüret zmitts ungerne Wasserfau. Mir Rägejagge.

    Widr es riise Wätterglück, hie rägnets 220 im Johr. Isch aber nötig für die Rägewälder hie.

    Mir gönne üs no es Kafi bevor mir de widr der glich Wäg zrüggfahre.
    Es paar Fotostops und die erschti Begägnig mitemne fräche KEA mache mir de.
    Dä Papegeiartig Vogu het gärn Gummi, auso springt vo Outo zu Outo und machtsech hinger d Schibewüscher oder der Gummi.    Les mer

    Se oversettelse
  • IRMAundMIADNewzeeland AdventureReisende

    Manapouri

    24. november 2023, New Zealand

    Üses hütige Nachtlager schlöh mir hie uf. Der Campbetrieber het ersch vorere Wuche übernoh und isch dämentsprächend no nid ganz parat. Er isch aber sehr nätt und das längt üs.

    Zum zNacht gits Pouletflügeli vom Grill und es Gmüesriis. Isch widr mou hervorragend gsi🙋‍♀️Les mer

    Se oversettelse
  • IRMAundMIADNewzeeland AdventureReisende
    1

    Clifden Caves

    25. november 2023, New Zealand ⋅ ☀️ 16 °C

    Üngerwägs aus Höleforscher
    Platzangscht isch nid gäbig für die Teil änge und töife Höline. Muesch ou dermit rächne das öpe e Schueh vou Wasser useziehsch.
    Aber e cooli Sach gsi.

    Witer geits zur historische Hänge Brügg. Ritiplampe isch doch ou aus Erwachsnige schön.
    Das cheibe druf u drabstige isch no tricki gsi-ömu für ei Teil vo üs…

    Es Kafi und öpis Zmorge gits imne Lieblingskafi, womer scho mou verbiigfahre si.    Les mer

    Se oversettelse
  • IRMAundMIADNewzeeland AdventureReisende
    2

    Oreti Beach

    25. november 2023, New Zealand ⋅ ☀️ 18 °C

    Hie heimer e Camping gfunge am berüehmte Oretibeach. Mitem Töff oder Outo chame do guet am Strand fahre.
    Mir waages aber nid mit üsem Camper-weine ja no einigermasse ganz abgäh….

    Für z Nacht entscheide mir üs widr mou uswärts-het es guets Restaurant näbedrah.
    Wider mou es feins Steak hets für aui gä.    Les mer

  • IRMAundMIADNewzeeland AdventureReisende

    Stewart Island

    26. november 2023, New Zealand ⋅ ⛅ 11 °C

    Hüt am morge früeh geits nach Bluff, wo mir uf d Fähre gö für uf d Insle.
    Mir zieh der autersdurchschnitt so richtig nach abe. Viu Ornitologe chöme dohäre-es het viu Vögu zum beobachte.

    Uf der Insle schlöh mir üs d Zyt um d Ohre mitemne Walk zum Overview Rock.

    Am viertu vor eis müesse mir widr am Hafe si, wo üsi Exkursion uf d Ulva Insle startet.    Les mer

  • IRMAundMIADNewzeeland AdventureReisende
    Mir si usgrüschtetEr wird vo üs gwecktDer Seelöi winkt üs zueDer KAKAE Boum wo Löcher hetDer chlinscht Pinguin uf der WältAlbatross

    Ulva Island

    26. november 2023, New Zealand ⋅ ☁️ 13 °C

    Mit däm chline Böötli simer gstartet. E haub Stung später simer de uf Ulva gsi. Dört heimir e 1,5 h Tour düre Wald gha. Mir hei viu Vögu gseh und sogar e 450 kg Seelöii. Sehr e cooli Sach heimer do widr buechet.

    Zrügg müesse mir de glii mou-süsch isch de üsi grossi Fähre furt. Wär de die letschti für zrügg uf d Südinsle.

    Mir fahre de no witer und finge e Camping
    wo e wäuts Weiher ufemne riise Grundstück het. Leider isch aues chli verwilderet, hie sötte es paar Gärtner häre….
    Derfür teile mir ds WC nur mitemne angere Päärli.

    Der Ädu het üs de feini Gnoggi mit Schinken kochet. Der Marco der Salat derzue.    Les mer

  • IRMAundMIADNewzeeland AdventureReisende

    Waipapa Point

    27. november 2023, New Zealand ⋅ ☁️ 12 °C

    Hüt am morgen isch ds Wätter nid so ahmächelig, aber ou nid so rägnerisch wie si gmäldet hei.

    Mir fahre los und gseh bim Lüchtturm widr e Koloss vomene Seelöi und das ohni Hiuf. 🙋‍♀️

    Es si faszinierendi Tier und mi het ds Gfüehl, die sige jo so langsam.    Les mer

    Se oversettelse
  • IRMAundMIADNewzeeland AdventureReisende

    Slope Point

    27. november 2023, New Zealand ⋅ ☁️ 13 °C

    Witer geits zum südlichschte Ort vor Südinsle. (Ändlech-der Marco het eim gseit, wone gfrogt het-wo chömit der här? Vom Norde
    Und wo weiter de häre? I Süde) Der Maa häts äuä interessiert, vo welem Land das mer chöme oder so…..

    Ou bi der Wanderig hets nid grägnet und mir si troche widr zrügg gsi….    Les mer

    Se oversettelse
  • IRMAundMIADNewzeeland AdventureReisende

    New Haeven/Cannibal Beach

    27. november 2023, New Zealand ⋅ 🌧 11 °C

    Mir cämpe hinech ufemne sehr abglägnige Platz.
    Hie sötte mir ändlech widr mou dusche, aber hie muesme Sparsam umgoh mitem Wasser, drum choschte 5 Minute/2$. Das längt itze nie für Hoor ou no ds wäsche und mir hei nur no für 3 Lüt e 2 Doller Münze. Äne däne Disse, drr Ädu het bschisse….enemenemuh, d Mire und d Irene si sowieso ds fuu….Där Räscht chöit dir öich säuber dänke….Les mer

    Se oversettelse
  • IRMAundMIADNewzeeland AdventureReisende
    1
    1

    Nugget Point

    28. november 2023, New Zealand ⋅ ☁️ 17 °C

    Ou dä Platz isch es wars Juwel. Zwüschedüre längts sogar no fürne Geochache ds finge…

    Am Obe fahre mir de uf d Halbinsle vo Dunedin, wo mir am morge früeh wei Albatrosse und Pinguine beobachte. Hüt am Obe gluschtets üs grad nid, wius so luftet und grad afoht rägne.

    In Portobello finge mir de e praktische Platz für die Nacht. Mir wei im Dörfli ässe, da mir grad chli wei Zyt spare oder kene Luscht het zum abwäsche🤪 Es het vier Beize-leider hei drü dervo äuä grad Wirtesundi und ir Burgerbude chame nur Takeaway ha. De ässe mir haut am Strosserand im Camper-hei ja der Tisch derbi.

    Der Burger mit Bluecot Fisch isch fein gsi.    Les mer

    Se oversettelse
  • IRMAundMIADNewzeeland AdventureReisende

    Otago Peninsula

    29. november 2023, New Zealand ⋅ 🌬 8 °C

    Morge am Füfi isch Tagwach-hoffe mir wecke nid grad die ganze Nochbere….

    Mir fahre los, platziere üse Camper und scho geit d Sunne uf. Vo Pinguine und Albatrosse aber nüt in Sicht, derfür heimer gfüehlt tuusig Möwe gweckt, wo nis bau atackiere. Üs gfauts hie nümme. Nüt wie wäg-chli enttüscht, dass mer ke Pinguin gseh hei.

    Witer geits, zum nächschte Pinguineplätzli…    Les mer

    Se oversettelse
  • IRMAundMIADNewzeeland AdventureReisende
    1

    Taoka‘s Arches

    29. november 2023, New Zealand ⋅ ⛅ 10 °C

    Bi däm Strandwalk müesse mir de ds Meer im Oug ha-am 12.00 Uhr fohts de widr a vo höcher wärde. Ou öpis wo üs völlig fastiniert, die Gezite….

    Rächtzytig und mit viune schöne Bilder u Erinnerige, leider ou hie ohni Pinguin, schaffe mirs de widr zum SCOBY. Üse Campervan, wartet immer brav, bis aui widr zrügg si.

    Und witer geits…    Les mer

    Se oversettelse
  • IRMAundMIADNewzeeland AdventureReisende
    1

    Moeraki Boulders

    29. november 2023, New Zealand ⋅ ⛅ 14 °C

    Da me d Steine ou nur bi Ebbe gseht oder ömu de nid so nöch häre cha, fahre mir zersch dört häre.

    Die circa 50 Kuguförmigä Steine hei e Durchmässer vo 2,20 meter und wäge bis zu 7 Tonne. Die Chugele bestöh us Lehm, Schlamm und Ton, wo vom Calcit zämegha wärde. D Enstehigszyt schetztme uf 4-5 Millione Johr, Ds Alter uf zirka 60 Millione Johr.

    Mir heis gli einisch gseh, hie hets widr mou ganz viu respäktlosi Lüt, wo uf dene Steine umechlätere nur für nes Föteli. Es isch haut äuä ds weni gross agschribe gsi, dasme das nid darf….    Les mer

    Se oversettelse
  • IRMAundMIADNewzeeland AdventureReisende

    Katiki Point Lighthouse

    29. november 2023, New Zealand ⋅ ⛅ 14 °C

    Es Stückli zrüggfahre zumne witere Lüchtturm, isch ke Sach, wemer de vilech mitemne Pinguin belohnt wärde….

    Robbe, jede auters träffe mir a…und de plötzlech chunnt der säuten Gelbougepinguin usem Meer und geit i sis Näscht am Strand-schön versteckt, wo kei Mönsch oder süschtige Feind derzue cha…
    Wemer itze dä Busch gnauer beobachte mitem Fäldstächer, gseh mir no meh….
    Was fürnes Erläbnis❤️

    Gschafft vo däm früeche ufstoh und sueche, fahre mir de uf Oamaru, wo mir hüt übernachte.    Les mer

  • IRMAundMIADNewzeeland AdventureReisende
    4

    Oamaru

    29. november 2023, New Zealand ⋅ ☁️ 11 °C

    Die Dame bim ichecke seit üs de, dasses vore am Hafe es Zentrum gäbi, wo d Pinguine au Obe a Land chömi.

    D Froue gö das go uskundschafte, während däm d Männer choche.
    Mir sinis aber de glii einig, das mir do ke Itritt zahle. Gseht us wie imene Zoo und d Zueschouer chöi uf di bouti Rampi abeluege, wo d Pinguine de ufechöme. Jede het de uf däm Areal sis Chischtli. Für üs het das nüt meh mit Natur ds tüe….

    D Frou ar Rezeption het üs de no gseit, dases ou chöni si, dass bim Camping ider Nöchi ou Pinguine usem Wasser chömi und über i ihrer Näschter im Felse göii. Si heige sogar ufem Gländ mängisch Pinguine.

    Nachem zNacht loufe mir de no am Hafe entlang und luege uf ds Meer use. Uf einisch gseh mir de ä Gruppe cho adsschwümme.

    Immer meh vo dene Little Blue Penguins chöme de und mir chöi das Spektakel bestuune….    Les mer

  • 2026© FindPenguins
  • Hjem
  • Om oss
  • Gruppesporing
  • Presse
  • Vilkår
  • Personvern & Cookies
  • Hjelpesenter
  • Avtrykk