Calakmul

Höt hämmer en usflug uf calakmul gmacht. Aso mer, das heisst d birgit, de marco ond ich. De erich hed mal welle e tag för sich ellei gnüsse ond esch im air bnb blube.
Ganz früeh am morge simmer losgfahre ond händ de neumet üses auto parkiert ond send denn det vonere tour abgholt worde. Met dene simmer nomol 2 stond i dschungel use gfahre. Nachär esch üs allne chli schlächt gsi well de fahrer um die kurve ume gjagt esch als wäred 4800 jaguar hinder üs här. 😅
Det acho simmer de mit üsem guide i dschungel gloffe ond gli zu de erste pyramide cho. Sie esch öpe 20 meter höch gsi ond mer händ dörfe ufe chlättere. Es esch gar ned so eifach gsi, d stufe sind schmal ond höch gsi ond es hed chli überwindig brucht aber es hed sich glohnt! D ussicht esch de hammer gsi, mer hed uf die grossi pyramide vor üs gseh. Aschlüssend simmer de au no uf die gross gchlättered, 50 meter höch. Det hed üs de wirkli die allerischönst ussicht erwarted: Dschungel so wiit mer cha luege! Mer send chli k.o. gsi vom ufechlättere ond händ drum dobe als stärkig üsi sandwich gässe 🤭
Weder dunne hed üs de guide no chli erklärt was es met dene pyramidene und öberhaupt dere siedlig uf sich hed ond wohär mer das alles weiss ond so. Denn simmer no e chliineri pyramide go aluege wo anschiinend lüüt dinne gläbt händ ond denn no uf en letschti womer sogar bes uf guatemala gseh hend....hed glich usgseh wie mexiko, alles dschungel 😉😅
Ganz kaputt vo dem ville ufe ond abechlättere simmer de weder mitm büssli zrug ond denn mitm auto ganz hei - e dank a marco förs fahre 😃
Dehei hed de erich scho uf üs gwarted. Er hed sich zu üsere grosse freud a sim "freie" tag sim grosse hobby, am choche, gwittmed ond hed üs met ere feine paella überrascht 🤤 es perfekts ändi för en perfekte tag 😍Read more