Gila national forest

Als nächsts hämmer s wildcampe mol welle usprobiere. Mer händ i üsem camping app e parkplatz imne wald gseh, wo vill lüüt gschriebe hend mer dörfi det campe. Also simmer - zägg- det äne gfahre. Mer send churz nachem mittag acho ond i villne nische um de parkplatz hend scho lüüt ehres wohnmobil oder zält (🥶) ufgstellt. Also hämmer üs au es plätzli gsuecht. Chuum hämmer parkiert hed sich de erich as stei sueche gmacht zum üs e schöni füürstell z boue. Er esch chum me z brämse gsi ond hed lang ume bastled. Ich ha i dere ziit im warme wohnmobil üsi wiitere reiseplän probiert am wätter azpasse 😊
Aschlüssend simmer stundlang am füür ghocked, händ gluegt wies dunkel worde esch ond s eifach so rechtig gnosse. Zum znacht hämmer denn no feini brathärdöpfeli ond viiiill bohne gmacht.もっと詳しく