Los gads

Höt morge esches nach mim gschmack vill z früeh los gange...zerst hends dusched, denn de gschirrspüeler usgrum, de güsel use bracht, denn fertig packt ond zägg, scho ben ich obe im erich sim rucksack inne gläge! De huere krach am morge früeh, ond äng esches gsi i dem rucksack ich sägs üch, dass de erich au immer so grossi chopfhörer mues mitnäh 🙄
Am bahnhof han ich de ändlich dörfe usstiige ond de heds zerst mal e feine hotdog gä zum zmorge...met gönnt sich ja söscht nüd 🤷🏼‍♀️
Im zug a flughafe han ich chli chönne ziitig läse. Listerin sig schiins chräbserregend, was das 20 minute ned immer alles z brichte weiss?!
Z klote hemmer de d birgit ond de marco troffe...hei mer chönnt au meine die heiged sich es halbs jahr nöm gseh sones gschiis wie die all gmacht hend...
Im flugzüg han ichs chli chillt währeddem desi spiili gmacht, film gluegt ond gläse hend.
Die huere lehrer halt, för anderi wärs es sabbatical, för sie halt eifach summerferie, 4 wuche kanada..Naja, ich säge da nor "augen auf bei der berufswahl". Ond ich cha mich ja ned beklage, immerhin chum ich so au mal chli ume 🤭
Jetzt landemer denn bald z kanada ond de freu ich mich zerst mal druf, d tante karin ändlich weder mol z gseh. Ged secher guete apero bi ihre, wie immer 😉
Ehr ghöred bald vo mer met de neuste news vo minere reisegruppe
Peace out
Flat EricOkumaya devam et