Grindelwald / Top of Europe

mier sind gester geg di 18.00 uhr im schöne grindelwald acho und hend es plätzli bim campingplatz „gletscherdorf“ gfunde. Es gmüetlichs stellplätzli gad nebetem fluss und mit blick uf d eigernordwand🏔
hüt hets gheisse früeh ufstah und am 7.30 isch üses reisli richtig jungfraujoch gstarted..🚋 mitem standseilbähnli isches zerscht uf di chli scheidegg gange womer es wunderschöns nebelmeer hend döfe gseh. & vo dete her witer via eigergletscher ufs jungfraujoch „top of europe“.🙂

bi wunderbarem sunneschii und sehr warme temperature hemer tour ufem jungfraujoch gmacht & sind denn nachere 45min wanderig (im sulzige schnee) bi de mönchjochshütte acho. det hemer es chlises päuseli gmacht & sind denn wieder retour gloffe. ☀️🥾

da üs de hunger langsam plaged het simer mitem zügli wieder richtig chlini scheidegg womer en feine zmittag gnosse hend🥰
nachem feine zmittag isches wieder richtig grindelwald gange.

Zruggcho wieder ufem campingplatz (mit zwei rote chöpf, da d sunnecreme leider nid mitcho isch) hemer üsi zuetate für es feins risotto na pöstelet im dörfli.

nacheme feine risotto emene guete glas wii und es bier chömer ez sicher guet schlafe,😇Read more