Back on the bike

Nach bisschen chillen in Taupo und enere Busfahrt spöter, bini wieder ufem Sattel. Richtung: Wellington. S Ziel isch, nöchsts Wochenend dete z'si. Wie mer aber ja weiss, chönd sich so Plän sehr schnell ändere, mal luege was mich ufem Weg det here alles erwarted.
Hüt hani eher e gemüetliche Tag gah, muss langsam wieder Back in Shape cho nach minere "unerwartete" verlängerte Pause und es paar Bierli.
Ich ha hüt recht vil Gegewind gah, defür recht wenig Verkehr, was das ganze sehr vil agnämmer gmacht hed. Mängisch heds mi zwar schier vom Velo grüert und ab und zue hani müsse trette bim durabfahre..😂 uf all Fäll au en Erfahrig.
Inere chline Bäckeri hani en Local kenneglernt und sie hed mer paar Infos über s'Dorf mitgeh und unteranderem das Nüseeland nur 5.1 Millione Iwohner hed! Krass wenig und ich ha denkt d Schwiiz hed wenig..

Ich ha eigentlich welle imene andere Dorf halt mache für zum Übernachte ha mich de aber sponti entschlosse i dere Gegend z blibe.
Challange isch immer en Campingplatz z finde. Es gid vil aber die meiste erlaubed kei Zelt, werum au immer - ich check nid werum mer zwüsche emene normale Auto und emene Zelt unterscheided.. Naja, ich bi jez hie uf emene Grundstück vomene Kiwi. Er selber isch in Wellington aber sie Brüeder isch hie, glaub lebt hie imene Campingwage. Er hed sogar gmeint ich döfi i eim vo dene Campingwäge oder im Hüsli übernachte, wie nett!? Ich ha de aber abglehnt, bi aber glich froh döfi hie i sim "Campergarte" biz chille und mich vom Wind schütze.Read more