Reset search
Kanada
  • Bettina Binzegger
  • Kevin Binzegger
Aug – Oct 2023

Kanada

Flitterwochen
West- & Ostkanada
Bettina & Kevin on Tour Read more
FollowInsightsCalendarShareShareBucket list
Newest first
  • Kanada

    25. Tag Revelstoke - Radium Hot Springs

    Sep 24–25, 2023 in Canada ⋅ ☁️ 14 °C

    Mir sind ufgwache ohni räge aber mit dicke Wulche. Vlt. chunt dä Sunne no. Zerst mal zmorge ässe. Nachane hämer no rasch gluegt wiemer eusi Route in Ahgriff nähmed und händ sie negste Campingplätz no buecht. Es möched scho sehr vill zue und darum sind die andere amel guet usbueched. Womer das erledigt händ simer los düsed. Leider isches eh so bewölkt gsi, dassmer gseit händ es lohnt sich ned in Mount Revelstoke zfahre. Da wär ein Wäg nur scho 40 min gsi. Und mir händ uf Radium Hot Speings scho 3h zum fahre. Es isch ganz eh schöni Strecki. Mir händ au wieder mal chli Landwirtschaft gseh und ned numme Wälder und Berge😅.
    Föteli hämer ned gross mache chöne.
    In Radium Hot Springs ahcho, hämer dä au grad euse Campingplatz ihgnoh. Guet hämer reserviert. Am Ihgang isch nur en Zädel ghange mit eusem Name. Die dünd da nümm so schaffe😉 es isch en mega schöne Platz und mir händ chöne Füürle. Sehr wahrschindlich s'letst mal, da mer in Banff ned chönd.
    Richtig guets znacht hämer gmacht. Und de Abig mit Skibo usklinge lah. Ich han gunne💪🏻😅    Read more

    See translation
  • Kanada
    12

    26. Tag Radium Hot Springs - Banff

    Sep 25–26, 2023 in Canada ⋅ ☁️ 16 °C

    Hüt morge simer bi chli bewölktem Wätter ufgstande. Zerst in aller rueh zmörgeled und eus langsam uf de Wäg gmacht. Hüt fahremer uf Banff.
    Vorane aber zerst no alles ablah und neu fülle. Während desse hämer no Beobachter gha😅.
    De Wäg uf Banff isch sehr schön gsi. De Berge und Wälder entlang. Leider händ eus scho wieder Rauchwulche begleitet. Es hät au dementsprächend gschmöckt. Mir sind dö au no dur de Kooteney Nationalpark gfahre. Richtig schön, leider hät dä au mal en zimlich grosse Waldbrand gwüetet. Ich bin dä mal go google wänn dass das gsi isch. Ja de isch im 2003 gsi. Ganz schön lang her. Und es gseht immerno so schlimm us.
    In Banff ahcho, hämer zerst mal en Parkplatz für euse Camper gsuecht. Das isch sehr eifach gange. Dä simmer chli durs Städli gloffe und sind au no öppis go ässe. Es gfallt eus so richtig guet. Es hät sogar en Wiehnachtslade gha. De Kevin hät sini freud ned so chöne zeige😅
    Spöter simer dä richtig Camping gfahre und händ eus dete ihgrichtet. Znacht gmacht und de Abig nochli usklinge lah.    Read more

    See translation
  • Kanada

    27. Tag Banff

    Sep 26–27, 2023 in Canada ⋅ ⛅ 11 °C

    Mir händ gar ned so guet gschlafe... euse Platz isch zimli schebs und somit isch euse Camper au zimli schräg gstande. Ja eher ungmüetlich zum schlafe. Da muss hüt no eh anderi Lösig ahne, aber erst spöter. Schnäll es zmorge gnoh und dä loos. Das hüt immerno bewölkt isch und de Wätterbricht räge hät gömmer hüt nonig uf de Berg. Mir händ hüt zum Lake Minnewanka wele. Unterwägs hämer scho diversi Halt gmacht, das würkli schöni Ussicht gsi isch. Zerst simer an Two Jack Lake. Sehr schön. Dete sind sogar zwei am schwümme gsii. Ja also mir wärs definitiv z'chalt🥶😅.
    Als negst simer an Lake Minnewanka. En traum... händ eus rasch überleit obmer mit dem Böötli mit wänd, da mer ja doch scho lang nümm böötli gfahre sind. Händ dä aber de Priis gseh🫣 händ eus degäge entschide. Dä simer zum Bow Falls gfahre. Ja das isch en chliine herzige Wasserfall. Nüt spektakulärs😅. Unterwägs häts dä no ahfah rägne. En churze Stopp hämer no gmacht womer eh wahnsinns Sicht uf das bekannte Springs Hotel gha händ. Und was hämer dä da noo... en mega schöne Rägeboge.🌈
    Irgendwie hämer dä aber gfunde mir händ eus nonig gnueg bewegt. Us dem Grund hämer de Camper wie gester parkiert und sind no rasch de Fanland Trailhead gloffe. De isch schön am River nache gsi und dur de Wald. Nachane hämer eus also es Bier verdient. Es hät au wieder ahgfange Rägne. Ab is Irisch Pub. Soo cool dete gsi. 🍻
    Spöter namal durs Stettli gloffe und eus no es Dessert gönnt. Isch also fein gsii das Gebäck😋
    Zrugg zum Camping hämer das Problem mit de schebs ligge no gha. De Kevin hät dä gfunde mir gönd go Holz hole. Hämer dä gmacht und händ die Schiitli positioniert und er isch druff gfahre. Es isch scho vill besser gsi. Mir händ dä wieder Skibo gspilt und spöter znacht gmacht. Sehr schöne Tag gsii😊    Read more

    See translation
  • Kanada

    28. Tag Banff

    Sep 27–28, 2023 in Canada ⋅ ☁️ 10 °C

    Hüt morge isch s'Wätter scho einiges besser gsi trotz em Räge letst Nacht. Ja es hät die ganz Nacht grägnet. Und us dem Grund ide Berge gschneeit. Schnäll hämer zmorge gässe und sind los zude Banff Gondola. Die händ das aber gnau welle wüsse wie lang dassmer dobe bliibed😅 dä hämer mal 3 Stunde gseit. Churz ahgstande und dä isches au scho los gange ih dene chline 4er Gondeli. Ab uf de Sulphur Mountain. Dobe ahcho hämer scho eh wahnsinns Ussicht gha. Ja und au da obe häts gschneiit. Es hät so Holzstäge gha zumene Lüchtturm ufe. Die hämer natürlich grad in Ahgriff gnoh. Isch eh chli rutschig gsi dur de Schnee, aber sehr schön. Womer dä zrugg sind, simer en Kaffi go hole und händ Ussicht gnosse. Ja das mit dene 3 Std. händ sehr gnau gnoh. Mir händ es bitz vorane abe wele, aber hämer ned döffe😅 Guet dä hämer halt nochli Ussicht gnosse.
    Womer dä dunde ahcho sind simer dä au scho wieder richtig Campingplatz und händ nochli Spiili gspilt und eis zwei trunke🍻.
    Morn verlömer dä wieder Banff.    Read more

    See translation
  • Kanada

    29. Tag Banff - Calgary

    Sep 28–29, 2023 in Canada ⋅ ☁️ 14 °C

    Hüt simer ufbroche richtig Calgary. Zerst de Camper wieder abfahr bereit gmacht und natürlich no zmorge gässe. Banff isch glaub trurig gsi, dassmer gange sind. Will es hät wieder mal grägnet😅. Chum us de Rocky Mountains ehweg isch alles flach und nur no hügeli.
    Aber defür simer de Sunne entgege gfahre. Da mir de Camper am Samstig abgäbed und dä nochli Ziit für Calgary händ, simer jetzte eher usserhalb. Hüt isch no shopping ufem Plan gstane. Für das simer is Crossiron Mills gange. Läck das isch also es grosses Outlet Ihchaufscenter. Dete hämer eus sehr guet verwiile chöne und händ doch s'eint oder andere gfunde😅.
    Det ihne häts no en Bass Pro Shop gha. Das isch ja mal en geile Lade! Da häts ganz vill usgstopfti Tier, es Aquarium und bechunt eifach alles fürs Fische, Schüsse, Klättere usw. eifach ALLES!😅
    Wills dä doch scho Abig isch, hämer üs entschide mir gönd is Irisch Pub go znacht ässe. Isch also sehr fein gsi. Spöter simer uf euse Campingplatz und dä au scho gli is Bett.    Read more

    See translation
  • Kanada

    30. Tag Calgary (Ausserhalb)

    Sep 29–30, 2023 in Canada ⋅ ☀️ 9 °C

    Hüt gömer de Tag eher gmüetlich ah, das mir ned ganz eh so guet gaht. In aller rueh zmörgelet und nochli im Camper sii. Nachher simer dä euse Camper go wäsche, da mer en morn abgeh münd. Nachem wäsche simer zrugg uf de Campingplatz und händ all eusi dräckige Kleider gwäsche. Sozäge s'letst mal😅. Ja und nachane isches au as Koffere packe gange. Wieder alles chli schlau ih Koffere tue, da mer die negste 3 Wuche us de Koffere läbed. Nachem packe hämer au scho znacht gmacht. Sozäge reste verwertet. Und zägg isches au scho wieder abig gsii.. Dusche und nochli putze und dä au scho ab is Bett. Hüt hämer ned so vill erläbt, isch aber au mal völlig OK gsi😅. Darum häts au nur eis Föteli geh🫣🤣Read more

    See translation
  • Kanada

    31. Tag Calgary

    Sep 30–Oct 1, 2023 in Canada ⋅ 🌧 5 °C

    Hüt Morge hämer beziite uf müsse, dassmer de Camper au rächtziitig abgäbed. S'letst mal im Camper zmorge gässe und dä au scho alles fertig putzt und die restliche Sache packt. Dä hämer natürlich no alles müsse leere und go tanke au. Dä simer au scho bide Fraserway ahcho. Chum usgstige isch die nett Dame au scho cho. Ahand üsem Name hät sie dänkt mir redet sicherlich dütsch😅🫣.
    Das abgeh isch zack zack gange und ohni Problem. Eifacher gahts gar ned.
    Dä hämer üs no bim Shuttle gmulde, dassmer richtig Downtown wänd. Tiptop... eh viertel Stund simer au scho im Büsli ghocked. Ahja fast vergässe z'erwähne... es rögnet hüt nume😅.
    Euse Fahrer hät en zimliche Umwäg müsse fahre, wäge Baustellene undere Demo.
    Womer dä ahcho sind, hämer glück gha und sie häts machbar gmacht, dassmer scho es Zimmer bechömed. Will es isch nonig eh mal 12i gsi und die meiste händ ned mal us checkt.
    Ja was sellmer säge es mega Zimmer im 20igste Stock vo 23😅.
    Dä hämer no rasch es Päckli für deheime gmacht. Scho gli hät eus de Hunger packt und mir sind loos. So cool s'tram fahrt ide Innestadt sogar Gratis. Dä simer richtig Stadt-Innere und sind au grad fündig vomene Resti worde. Mhm.... isch das guet gsii😋.
    Leider häts ned ufghört rägne. Mir sind dä no so labg dur Strasse gschländeret bis eusi Füess nass gsi sind. Dä simer zrugg is Hotel und händ eus chli usgruebed. Schono guet wänn s'Hotel ehs Resti/Bar grad unde inne hät😅 Natürlich simer dete chli eis go zieh und händ no öppis chlises gässe. Hüt hämer üs sogar en Key Pie gönnt. Fein gsii😋 Nachher simer dö is Bett grugeled😅    Read more

    See translation
  • Kanada

    32. Tag Calgary

    Oct 1–2, 2023 in Canada ⋅ ☀️ 12 °C

    In voller frischi simer hüt morge ufgwached. Ja also es isch scho wieder schön imene richtige Bett z'schlafe😅.
    Dä hämer eus au scho uf de Wäg gmacht zum Zmorge womer gester Abig rasch use gsuecht händ. Sehr guets zmorge gsi. Isch also au sehr guet bsuecht😅.
    Gstärcht simer mit em Trämli richtig Stempede gfahre. Dete ahcho simer zerst am Icehockey-Stadium verbii gloffe. Leider zue gsi. Dä wiiter simer anere Halle verbii wo offe gsi isch. Dä gömer doch ihne. Guete Entscheid gsii. Sie händ dete en chline Wettkampf gha. Um wasses gnau gange isch hämer erst nachem chli zue luege checkt😅. Es isch so spannend gsi und vorallem eifach au mal öppis anders. Nach öppe zwei Stunde simer dä wiiter. Natürlich no dur Stempede Rodeo Arena. Isch scho gross. Wär scho mal cool so öppis z'gseh. Sitem 2016 gits näbed dra no en Park. Mir sind dä dure gloffe richtig Inglewood. Ja irgendwo hani mal gläse, dass das eh schöni Strass mit Lädeli isch. Ja sie sind überall am boue gsi und es hät meh Boutique wo eus au ned ganz eh so entspricht😅.
    Dä simer zrugg gwatschlet richtig City-Centre. Negst Ziel ich ganz klar de CN Tower. Er isch 190 m höch. Zum glück häts en Lift😂.
    Scho Wahnsinnig wasmer für eh Ussicht vo det obe hät. Aber es hät näbed drah schono vill höcheri Hotels. Er isch im 1867 erbaut worde. Irgendwänn seitmer de Kevin obis merke daser sich rächt bewegt. Ja ab dem Momänt isch bi mir dä scho fast fertig gsi🫣. Langsam sind eusi Bei chli müed gsi. Dä simer zrugg is Hotel mitem Trämli. Rasch go dusche und frisch mache. Go znacht ässe simer namal is Resti wo im Hotel isch. Isch wieder sehr guet gsi. Ja de eint oder ander Drink/Bier häts au geh. No churz de Koffer chli grob parat gmacht und dä is Bett go pfuse.    Read more

    See translation
  • Kanada

    33. Tag Calgary - Montreal

    Oct 2–3, 2023 in Canada ⋅ 🌙 18 °C

    Hüt morge hämer beziite uf müsse. Eusi Reis im Weste gaht am Ändi zue. Mie flüged hüt uf Montreal. Schnäll es Uber bstellt und ab an Flughafe. Eusi Koffere ufgeh und dur Sicherheitskontrolle. Alles tiptop gange. Dä simer no öppis go ässe. Händ ja no nüt gha. Nachher nochli Ziit vertribe mit de Fotiboxföteli vom Hochzig dureluege😂🫣.
    Ja de Flüger isch gstosse voll gsi. De Kevin und ich sind hinderenand ghocked. Chli rumplig isch de Flug au gsi, isch aber schnäll dure gange. Glandet und schnäll euses Gepäck gholt und zude Autovermietig gloffe. Ahcho... ja dänn isch s'theater los gange🤦🏼‍♀️ das glaubt eus niemert was dete abgange isch! Mir sind mal bide Schlange ahgstande. Näbed eus sind au Schwiizer gsi. Mir händ die dä gfragt obmer bide richtige Schlange seged zum ahstah. Ja dä händs eus verzellt, dass sie zwei stunde ahgstande sind zum nur mal zmälde dass sie da wäred zum s'Auto abzhole. Dä säged die vode Herz doch tatsächlich dass sie eich gar kei Autos meh heged. Ja es händ soo vill Lüt uf ihri Autos gwartet. Das chunt ja guet use. Nachere Stund warte simer dä mal drah cho. Euses Depot fürs Auto händs natürlich au grad abbueched, obwohls ja gar kei Autos händ...! Also so ganz verstah hät das eich niemert chöne, da ja all Reservatione ide Händ gha händ. Ja und mir händ das ganze ja au scho zahlt. Ich han dä mal gfragt wie lang dass mir warte müssed. De netti (ironisch) Herr am Schalter hät dä gmeint er wüssis ned... Eh Stund oder soo... dä isch s'Echo vo hinde cho all händ gmeint nei öppe 3-4 Stund wartets scho🤦🏼‍♀️.
    Ja was bliibt eus anders Übrig weder z'warte... es isch ja ned scho 8ti am Abig. Es hät sich langsam immer meh ufklärt... also das spektakel gächi scho sitem Juni eh so und das jede Tag. Mer hetti Möglichkeit gha, sini Reservation storniere, aber Gäld häts natürlich ned grad zrugg geh. Mer hett bide andere Ahbüter go es Auto miete, aber das zu gspunnige Priise. Eifach devo laufe hämer au ned chöne, schüscht wärs ja eusi Schuld gsi. Ich han no gfragt gha obmer ned am negste Tag euses Auto chänged go hole. Nei das gächi au ned. Die händ kein Plan wie vill Autos dass bechömed und wie vill dass brucht zum use geh. Ja Stimmig isch demändsprächend bi allne zimli Schitter gsi🫣.
    Die händ locker 20 Zädel vo Reservatione gha und KEI Autos. Ja isch eis zrugg cho, isches grad an negst passende geh worde. Nur bringed ja am abig am 9i ja no so vill ihri Autos zrugg😬 Öppe ned.....
    Mir händ dä nach 4.5 Std. warte ändlich euses Auto becho. Ja es isch scho 11i. Zum Glück hämer es Hotel womer eh sälber münd Ihchecke. Ander händ da no ganz anderi Problem gha😬
    En Parkplatz gfunde simer no rasch in MC öppis z'ässe go hole. Will vill hämer nonig gha. Ja es hät zum ganze Tag passt, will de MC-Food isch so gar ned guet gsii🤮. En Tag zum definitiv abhagge😅 also ab go pfuuse🙈    Read more

    See translation
  • Kanada

    34. Tag Montreal

    Oct 3–4, 2023 in Canada ⋅ ☀️ 27 °C

    Hüt Morge, simer trotz chli längerem schlafe, rächt grederet ufgstande. Zerst es Kaffi und öppis guets zum ässe hät ahne müsse. Für das simer mitem Auto los. Dete ahcho hämer au schnäll scho gwüsst wasmer ässe wänd. Mhm... isch das fein gsi😋.
    Nachher simer de Mont Royal deruf gfahre, bim Parkplatz parkiert und z'fuess wiiter. Zerst an See und nah wiiter. Es isch sonen schöne Park so nöch ah Montreal. Am Schluss no eh rächti Stäge deruf und eh wahnsinns Usblick hät uf üs gwartet. Blick über Montreal hämer gha. Wiiter gahts richtig Île Sainte-Hélène Insle. Ja isch nüt los aber trotzdem schön. Irgend eh Kugle häts au no gha. Was das gnau sett sii 🤷🏼‍♀️.
    Churz über die negst Brugg gfahre simer au scho uf de Formel 1 Strecki gfahre. Leider sinds mega am baue und darum hämer ned meh druff fahre chöne. S'negste Ziel isch Old Town. Das isch Altstadt vo Montreal. Sehr touristisch aber schön gmacht. Lädeli sind ih so Gasse. Dete simer dä au grad go znacht ässe. Italienisch häts hüt geh. Es isch de Hammer gsi😋😍.
    Das dete es Riiserad hät, hämer natürlich au no det druff müsse🫣. Aber zerst hämer gwartet bis es dunkel isch, dassmer Montreal vo obe bi Nacht gsehnd. Es hät sich so glohnt z'warte.
    Spöter simer dä zrugg is Hotel und ab is Bett😴.    Read more

    See translation
  • Kanada

    35. Tag Montreal - Lac-Mégantic

    Oct 4–5, 2023 in Canada ⋅ ☀️ 26 °C

    Chli besser aber nonig so optimal simer dä ufgstande und händ eusi Sächeli packt. Ja hüt gömer scho us Montreal use. Chli usserhalb simer go zmörgele. Hmm... isch grad eh chli eh grossi Portion gsi. Mir bruched hüt glaub nüme bis zum znacht😅.
    Dä simer mal losgfahre und händ de ersti Halt in Chambly gmacht. Es chlises, herzigs Dörfli am See. Chli go bewege und dä au scho wiiter. Mir händ in Nationalpark du Mont-Mégantic welle. Fahrt det hi isch rächt lustig gsi. Strasse sind immer ufe, abe, ufe, abe gange. Sehr schöni fahrt dur Wälder. Ja de Indigo-Summer isch im volle gang. Traumhafti Herbstfarbe und das rot erst. 🍁
    Bim Park ahcho sind Schranke dunde gsi😅 ja dä gömer halt wieder. Ich bi dä go google und han usegfunde, dass de Park am 4i zue macht. Simer eh chli knapp. Gömer halt morn. Isch ja ned so wiit weg vom Motel. Ja richtig Motel simer jetzte au. Im Stettli Lac-Mégantic ahcho, simer no rasch in Park am See. Im Motel ahcho simer dä au glii scho näbed drah is Resti. Ohje alles Französisch🫣 ja wie so Touris hämer Spiischarte übersetzt😅
    Mir händ beid en Burger bstellt. Ich au s'erst mal en Burger😅. Aber was händ dä die da ih min Burger tah...? OLIVE!! Isch das dene ihre ernst?🤣 jänu hanis halt use gfischt🙈 isch trotzdem guet gsi. Und jetzte ab is Bett go pfuuse.    Read more

    See translation
  • Kanada

    36. Tag Lac-Mégantic - Lévis

    Oct 5–6, 2023 in Canada ⋅ ☁️ 26 °C

    Hüt morge hät üs Sünneli wieder ahglächlet. Mir sind dä zerst es Zmorge to go goo poste. Dä hämer üs au scho uf de Wäg gmacht in Nationalpark. Mal luege obs hüt klapped. Dete ahcho isch die cheibe Schranke immerno dunde. Gömer mal ihne go frage. Ja mir händ es Ticket müsse chaufe. Gemacht, getan. Dä simer au scho de Berg uf gfahre. Isch also grad chli ufe gange. Dobe ahcho isch soned enart Ufoteil dete gstande. Ja die dünd dete irgendwie Planete erforsche oder so. Mir chömed da ned so drus😅 (es interessiert eus aber au ned so🙈)
    Wieder ufem abewäg hämer es schöns Plätzli gfunde zum Picknicke. Es hät sogar es knusprigs & frisched Baguette geh. Oh wie mir s'guete schwiizer Brot vermissed🤤.
    Spöter simer dä abe gfahre und uf de anderi Berg deruf. Das isch de Saint-Joseph. Sehr schöni Ussicht hämer gha. Nacheme ziitli hämer üs ufe Wäg richtig Québec gmacht. Hät wämer aber ned grad ihn Chueche vode Stadt😅. Darum simer richtig Lévis. Das isch es Stettli vis à vie vo Québec. Sprich ähne am Fluss. En churze Stop hämer dä bim Chutes de la Chaudière Wasserfall gmacht. No rasch es Motel buecht und dä an chline Hafe vo Lévis. Vo dete gsehtmer uf Skyline vo Québec. Sehr schön. Mir sind scho sehr gspannt wies däne so usgseht.
    Aber zerst simer jetzte eh Nacht da. Ide zwüscheziit hämer mit de Daniela & Kilian no kontakt gha. Ja sie händ sich entschide dass au no abe zu eus chömed. Im gliche Motel händs buecht. Es Resti hani au scho usegsuecht. Es isch soo en lustige Abig bi guetem Ässe & 🍻🍹.
    Ja chli spöter isches au worde😅. Ab is Bett go pfuuuse😴.    Read more

    See translation
  • Kanada

    37. Tag Lévis - Quebec

    Oct 6–7, 2023 in Canada ⋅ ⛅ 21 °C

    Im obere Stock häts ahfah poldere. Ja Daniela & Kilian sind uf😅. Dä stönd doch mir au uf und möched eus parat. Mir sind dä no zäme go Zmörgele und händ nochli gschwätzt. Ja nachher händ sich eusi Wäg wieder trännt. Mir sind deruf und si derab.
    Aber bevor mir deruf gönd, mümer natürlich Québec no ahluege. Es isch mega schöns Altstettli. Überall isch herbstlich dekoriert worde. Isch wahrschindlich au will am Mäntig kanadischs Thanksgivin (Erntedankfest).
    Leider häts extrem vill Lüt. Das isch halt au wänn 4 Krüzfahrtdampfer ahlegged. Das Château Frontenac isch scho ihdrücklich. Natürlich isch en chline Teil ihpackt, das am boue sind.
    Bevor mir eus uf de wiiteri Wäg gmacht händ, hämer no öppis chlises gässe.
    Wiiter fahre dümer eifach immer richtig Gaspé. Mir händ dä au es Motel gfunde. Ih dem Motel häts au eh Bar. Sie dünd dete ihres eigene Bier braue. S'ässe isch ned so de Böörner gsi. Halt alled TK🫣.
    Mir sind dä scho gli mal is Bett go pfuse😴    Read more

    See translation
  • Kanada

    38. Tag Baleine Endiablée - Montane

    Oct 7–8, 2023 in Canada ⋅ ☁️ 18 °C

    Hüt morge simer ufbroche richtig Matane. Mir händ extra de Wäg gnoh, wo immer am Meer nache gaht. Zmorge simer hüt im Tim Hortons go hole. Händ dä das unterwägs gässe. Es isch also eh sehr schöni Fahrt gsi. Wättermässig isched rächt bewölkt gsi. Es hät aber ned grägnet. Zwüsched dure hämer no em Fotistop oder Pinkelpause gmacht.😅
    In Matane ahcho, isches no zfrüeh gsi zum bim Motel ihchecke, also gömer doch in Walmart. Mir sind dete beid mit paar Kleider fündig worde. Die Ziit gaht bim shoppe amel scho schnäll dure🫣. Dä hämer au scho chöne go ihchecke. Mir händ es Motel diräkt am Meer. Und sogar vom Zimmer us hämer s'Meer gseh. Sehr schön isch zimmer au. Dä hämer eus chli usgruebed. De Kevin hät natürlich Football gleuegt🙈. Spöter simer dä go znacht ässe. Isch also grad chli voll gsi und mir händ grad no knapp es Plätzli ade Bar becho. S'ässe isch sehr guet gsi. Nachem znacht simer wieder is Motel und scho gli go Küssi lose😴.    Read more

    See translation
  • Kanada

    39. Tag Montane - Gaspé

    Oct 8–9, 2023 in Canada ⋅ 🌧 14 °C

    Morge... Ufstah😴😅
    Es isch scho mega bewölkt und es rägnelet au scho chli. Ja de Wätterbricht hät gar ned guet. Aber was wämer... Ändere chömers eh ned 🤷🏼‍♀️🤷‍♂️.
    Mir sind dä zerst in Super C es feins Baguette und chli Ufschnitt fürs Picknick go poste. Dä simer au scho los düsed. Mir nämed imer s'Navi über Google Maps. Hmm... mir händ euses Ziel ihgeh und es isch eh Sturmwarnig mit Fluetwälle cho. Ja das chönt no spannend werde😬. Mir händ wieder Route am Meer nah gnoh. Sehr schöni Route. Ja s'wätter hät immer meh zue gmacht und es hät immer meh gwindet und grägnet. Ja Wälle sind au immer grösser worde. Eich hämer dä diräkt is Hotel welle, jedoch simer am Forillon Nationalpark verbi gfahre. Ja es hät eus doch no wunder gnoh wasmer so gseht und ja falls nüt isch, chömer ja wieder gah. Mir sind dä amene Ussichtspunkt ahcho. Rägejagge ahzoge und los gloffe. Womer vode Klippe obenabe lueged, gsehmer eh Plattform zum abe luege. Dä simer dete abe. Es hät no eh Holzstäge zum abe gah. Hämer dä grad in ahgriff gnoh. Es hätt also grad eh chli abegleert und gwälled hät das. Also Stäge isch oft au im Wasser verschwunde. Nachher simer zrugg zum Auto. Läck mir sind pflotschnass gsi. Das brucht es ziitli bis die Kleider wieder troche sind😅.
    Bim Hotel ahcho häts grägnet und gwindet. Das hät also grad chli tah.
    Leider häts ide negste paar Stund ned ghört. Jänu öppis znacht ässe hämer trotzdem welle. Isch eus nüt übrig blube zum wiedr usw z'gah. S'Resti isch ned wiit weg gsi. Znacht isch sehr fein gsi. Bim Heiwäg häts zum Glück nümm so fest grägnet.
    Scho gli simer under Decki gschloffe.    Read more

    See translation
  • Kanada

    40. Tag Gaspé - Campbellton

    Oct 9–10, 2023 in Canada ⋅ ☁️ 14 °C

    Ja hüt morge hät eus Sunne wieder ahgstrahled, als wär nüt gsi😅.
    Mir sind ufgstande und händ eus uf de Wäg gmacht. Mir händ gester ein Ussichtspunkt ned gmacht, das würkli nüme gnützt hät. Also simer wieder zrugg gfahre in Forillion Nationalpark. Dä simer ganz hindere gfahre. Hinde ahcho hämer ehn wahnsinns Usblick gha. Wie gruefe häts au Tisch mit Bänk gha und mir händ euses Picknick chöne ässe. Nachher simer no an Strand abe. Dete händ eus zwei Seeloie schön verarscht😅. Mir hettet dene no Stunde chöne zue luege. Aber au Möwe sind interessant gsi. Die sind nämli im Sturzflug is Wasser gfloge und das grad mehreri. Sind wohl am fische gsi. Eusi Fahrt gaht wiiter. Ziel isch hüt Campbellton. Route gaht immer schön am Meer entlang. Sehr sehr schön. Mir münds nochli gnüsse, lang gsehmer s'Meer nümme. Mir händ dä ab und zue no eh Fotipause gmacht. Und plötzlich fallt eus uf dass sich Ziit veränderet hät. Sie händ eus eh Stund klaut😱. Jänu morn bechömemer sie wieder zrugg.
    Zum znacht simer dä go Pizza ässe. Ja was sellemer da dezue säge. Es isch OK gsi😅
    Mir sind rächt gschaffed und sind scho bald ih Fädere😴.    Read more

    See translation
  • Kanada

    41. Tag Campbellton - Québec

    Oct 10–11, 2023 in Canada ⋅ ☁️ 14 °C

    Hüt morge simer ufgstande und händ eus au grad uf de Wäg gmacht. Zerst rasch in Walmart es Baguette für euses Sandwich go poste und dä no in Tim Hortons de Kaffi to go go hole.
    Hüt isches bewölkt. Mal luege was s'Wätter hüt no macht. Binere mega schöne Rest-Area hämer dä euses Sandwich gässe. Es hät sogar en Elch gha.
    Witer simer zude Grandfalls gfahre. Mir sind die einzige gsii. Ja Saison isch langsam würkli verbii. De Wasserfall isch no cool. Chunt mega vill Wasser, hät also grad eh chli eh Chraft.
    Sünneli laht sich au ab und zue blicke☀️.
    Während em Fahre isch dä eus plötzlich die gstohlnig Stund wieder zrugg geh worde. Und us dem Grund hämer dä gfunde mir fahred doch no wiiter abe. Chli usserhalb vo Québec hämer es Hotel gfunde. Mir händ es Kingsizebett becho. Oh isch das grooosss🤩.
    Mir sind dä namal loos und sind go znacht ässe. Hüt isch italienisch uf de Karte gstande. De Kevin hät natürlich Spaghetti Carbonara gnoh und ich han gfüllti Caneloni gnoh. Mhm... das isch sooo fein gsi.
    Nachane simer dä wieder zrugg is Hotel. De Kevin hät no Icehockey gluegt und ich eh Serie. Spöter simer dä herrlich ihpfused ih dem grosse Bett.    Read more

    See translation
  • Kanada

    42. Tag Québec - Lachute

    Oct 11–12, 2023 in Canada ⋅ ☁️ 11 °C

    Herrlich gschlafe hämer🤩.
    Auf auf... rasch go Picknick poste und dä au grad wiiter. Ja s'Wätter hät ned so welle wie mir. Jänu das haltet eus ned uf. Euse hütig Plan isch dur de La Mauricie Nationalpark z'fahre und gwüssni Stops zmache. Zerst simer dete ufe gfahre und sind mal rasch is Visitorcenter wägere Karte go frage. De netti Herr hät eus dänn erchlärt dass über helfti vom Park zue isch. Okey🤔. Er hät eus no Wanderroute zeigt. Hmmm... nach wandere isch eus ned so, das abeleert und näblig isch😅. Ja mir sind dä losgfahre. Händ dänkt ja guet gwüssnigi Attraktione sind zue und die öffentliche Sache. Aber falsch gedacht nacheme Stückli isch die ganz Strass gspeert gsi😅. Dä chömer wohl ned dure fahre😅.
    Guet cheremer wieder und luegemer mal wos eus dure füehrt. Mir händ eus dä dezue entschlosse richtig Montreal wiiter abe zfahre. Chli usserhalb dümer dä Übernachte. Ufem Wäg isch no en Outlet gsi. Dete hämer no en churze Halt gmacht. Mir sind beid fündig worde. Und dä simer au scho richtig Hotel. Gli druf abe simer dä au go znacht ässe. Fast die einzige simer gsi. S'ässe isch mega fein gsi, aber vill z'vill😅.
    Vollgfrässe simer dä go pfuuse😴.    Read more

    See translation
  • Kanada

    43. Tag Lachute - Gatineau

    Oct 12–13, 2023 in Canada ⋅ ⛅ 11 °C

    Hüt hät de Morge bimene zmorge im Hotel gstartet. Ja es isch eher chli dürftig gsii. Morn möchemer wieder euses Picknick😅. Mir händ dä euses Züg pack und im Auto verstaut. Eusi Wäg gaht hüt zerst in Omega Park. Das isch en Park wo Tier drinne läbed und en Teil zimli frei ume laufed. Mir fahrt mitem Auto dur de Park. Dete ahcho hämer rasch ufs WC müsse. Dete häts natürlich au grad no en Shop gha. Mir händ sones Merkblatt becho und det druff staht, dassmer Tier ned döff füettere. Aber ih dem Shop hätmer Rüebli chöne chaufe zum fuettere. Das han ich natütlich welle und mir händ sonen Sack kauft. Dä hämer eus uf de Wäg gmacht. Ja Reh und Elche händ scho gwartet😅. Dä simer über die Gitter gfahre und das spektakel isch losgange. Es hät gheisse Fänster ned ganz abe lah. Eus isch schnäll klar gsi warum. Mir händs en spalt ufgmacht, dassmer Rüebli chönd geh.... ABER das sind so giirigi Fiecher... die händ ihres Mull ih de Spalt gsteckt. Mir händ nümm chöne🤣 händ sones Lachflash becho🤣😅 Träneglached hämer😅 Die händ eusi ganze Schiibe versabberet und ja de eint hät mir sogar ufd Hose gsabbered. De Rückspiegel isch au keis Hinderniss gsi. De hänts eifach ihne klappt. Wänns nüt becho händ, händs ahgfange Gummidichtig vom Fänster ahknabbere. So fräch sinds gsii...
    Nachere Ewigkeit simer dä langsam vo dene weg choo.. ja uf Siite gönd die bestimmt ned😅.
    De Park isch mega schön. Es sind no Wildschwein und diversi Änte frei umegloffe. Gseh hämer no Wölf, Füchs, Bison, Wissi Berggeisse, Mooses, Bäre, Gämsi. Also sehr vill. Sind also über zwei Stunde ih dem Park gsi. Für Kind isch de Park em traum.
    Mir händ eus dä uf de Wäg nach Ottawa gmacht. Parkplatzsuechi hät sich rächt schwirig usegstellt. Mir händ dä nach langem eine gfunde.
    Mir sind dä z'fuess Stadt go erkunde. Es isch also sehr schön mit dene alte Gebäude. Im Downtown häts eus ned so gfalle. Isch vill zvill los😅.
    Mir sind dä no bide Market strasse dure gloffe. Die sind sicherlich no herzig wänn dä em Market isch.
    Mir händ eus dä langsam uf de Wäg richtig Motel gmacht. Euses hütige Motel isch in Gatineau. Chli usserhalb vo Ottawa. Go znacht ässe simmer ines Burger-Restaurant. De Kevin hät sich fast ned chöne entscheide😅.
    Nachher simer is Motel und ich scho zimli gli go schlafe, da mich hüt es zimlichs Kopfweh begleitet hät🙈 De Kevin hät natürlich nochli Icehockey gluegt😅.    Read more

    See translation
  • Kanada

    44. Tag Gatineau - Huntsville

    Oct 13–14, 2023 in Canada ⋅ ☁️ 13 °C

    Hüt häts mich packt zum schnäll usem Motelzimmer z'cho. Es ischmer eifach zu schmudelig gsii🤣.
    Mir sind hüt de Kaffi im Starbucks go hole. Mhm.... isch de fein😋🤤.
    Hüt hämer strecki dur de Algonquin Park gnoh. Ja isch chli en wiite Wäg für hüt, aber schliesslich wämer morn zude Niagara Falls. Unterwägs hämer en Halt gmacht bimene See zum eused Sandwich z'ässe. Richtig schöne Usblick hämer gha.
    Nach öppe 2 Std. hämer de Park erreicht. Es isch sehr bewölkt aber es rägnet zum glück ned.
    Händ eus dä am Ahfang eh Map gholt. Hmmm... es git mega vill Wanderwäg. Das isch ja scho mega cool, aber mir hettet für das meh Ziit müsse ha. Mir händ dä dete womer händ chöne ahhalte en Stop gmacht und Ussicht gnosse. Es isch trotzdem sehr schön gsii. Langsam hämer gnueg See gseh😅.
    In Huntsville ahcho, hämer eused Zimmer bezoge und sind dä au scho gli go Znacht ässe. Hüt simer is Chuck Roadhouse. Ih dem doch chlinere Stettli isch ih dem Resti grad chli öppis los gsii. S'Ässe isch de Hammer gsi. Für mis Filet Mignong grad mal 24 CAD zahlt. De Kevin hät natürlich en Burger gnoh😅.
    Langsam hämer eus uf de Wäg is Motel gmacht und sind au scho gli go pfuuse.    Read more

    See translation
  • Kanada
    11

    45. Tag Huntsville - Niagara Falls

    Oct 14–15, 2023

    Hüt gahts ändlich richtig Niagara Falls. Mir freued eus scho mega. Leider heisst das aber au langsam gahts richtig hei. Mir freued eus aber au😊.
    Nachdem mer euses Zügs im Auto verrumt händ simer au los gfahre. Zerst öppis zum habbere go hole und dä no es Kaffi im Starbucks. Hmmm... die händ nur Drive In offe. Ja dä hät de Kevin bstellig müsse ufgeh. ( I need...😅😂)
    Nachdem mer s'Kaffi becho händ hämer eus richtig Barrie uf de Wäg gmacht. In Barrie hämer üs dä es Örtli gsuecht bim See unde und händ öppis gässe. Isch chli windig aber sehr schön gsi.
    Ja Landschaft isch jetzte hakt scho anderst richtig Stadt. Womer dä ahcho sind hämer grad rasch ihcheckt. Händ also es sehr schöns Zimmer becho für die negste zwei Nächt. Es hät eus dä glii packt und mir händ eus z'fuess uf de Wäg gmacht und sind grad zude Fäll abe. Isch also mega schön und sehr ihdrücklich. Mir händ eus dete chli Ziit vertriebe und sind chli umegloffe. Irgendwänn hämmer dä hunger gha und sind is Hard Rock Cafe. Mir händ au scho gabz klar gwüsst wasmer wänd ässe. Fajitas... hämer scho ewigs nümm gha. Es isch sehr guet gsi. Natprluch au tüür🫣.
    Nachem znacht isches au scho dunkel gsi und mir sind grad namal zude Fäll abe, das ide Nacht immer belüchtet werdet. Mir sind dä dranne verbii gloffe richtig Tower, da mer si ide Nacht no vo obe händ welle gseh😊.
    Mir händ dä grad sones Kombi kauft. Dä chamer am Abig ufe und am negste Tag au namal.
    Es isch scho eh wahnsinns Ussicht vo obe bi Nacht. Alles lüchtet und funklet. Und ja Fäll sind richtig cool. Es isch aber au Arschchalt🥶. De Biise isch also grad chli gange😅.
    Nachdem mers gseh händ simer zrugg zum Hotel gloffe und mit schöne Ihdrück go pfuuse😴.    Read more

    See translation
  • Kanada
    1

    46. Tag Niagarafalls

    Oct 15–16, 2023 in Canada ⋅ ☁️ 10 °C

    Wunderbar hämer gschlafe😊
    Mir sind ufgstande und sind grad zum negste Starbucks gloffe und händ dete euses Käffeli gnosse. Nachher hämer eus ufe Wäg richtig Tower gmacht. Dasmal simer hinde dure gloffe. Ja de Lift ufe gfallt mir ned eh so. Er gaht nämli usse ufe. Ja ich stah dä halt eher hinde bide Wand😅.
    Hüt isches eher bewölkt aber mer gseht trotzdem wiit. Mer gseht sogar Skyline vo Toronto.
    De Niagara und Horseshoe Falls gsehnd au de Tag us vo obe mega schön us. Es zieht au hüt en chüehle Wind. Guet de Tower isch au 160 m höch. Nachdem mer dobe gsi sind, hämer nochli nöcher an Horseshoe Fall welle gah. Für das simer dä nochli wiiter hindere gloffe. Ja es hät mega vill Lüüt. Mir sind dä ah de Punkt ahne wo s'Wasser de sturzflug macht😅.
    Krass was da für eh Wassermängi tag täglich dure schüsst.
    Langsam simer zrugg gloffe und händ es chliises Hüngerli gha. De Kevin höt de Wunsch gha is Hooters zgah. Dä möchemer das doch.
    Hmm... was selli säge... ich finds immer nonig guet und verstah de ränn druff ned soo😅 de Kevin häts aber au ned guet gfunde. 😂
    Mir sind dä namal dur die Strass gloffe wo rächt nach Las Vegas erinneret eifach in chlii. Es Blinkt und macht und tönt vo jedem Egge😂. Ufem Wäg hämer nochli nach Souvenir usschau ghalte. Ufem Wäg is chline Wachsmuseum hani doch eini verbii laufe gseh mitere Bretzel. Hmmm.. uf so eini hani jetzte also Luscht😋.
    Gesucht, gefunden😁 ja sie isch scho med sgliche wie deheime, aber trotzdem sehr guet gsi.
    Im Wachsmuseum häts eus au gfalle. Isch no lustig gsii. Mit händ aber au gmerkt dass mir vill Film ned känned😅.
    Mir sind dä nachane eus chli go usruebe und spöter go znacht ässe. Das eus vorgedter so guet gschmöckt hät im Chucks, hämer entschide mir gönd das da au go probiere. Ja was sellmer da nur säge... es isch wieder mega fein gsi und mit verstönd ned ganz wie das sell gah mit so günstige Priise. Satt simer dä is Hotel go chli packe und dä go pfuuse.    Read more

    See translation
  • Kanada
    1

    47. Tag Niagara Falls - Toronto

    Oct 16–17, 2023 in Canada ⋅ ☁️ 13 °C

    Hüt dümer no einisch s'Hotel wächsle. Sprich mir gönd ines Apartment in Toronto. Das chönt no spannend werde. Es isch hüt eher rägnerisch. Mir händ üs entschide rasch en Kaffi z'hole und dä is Niagara Outlet z'gah. Ja s'letste mal😂.
    Unterwägs simer dä no rasch de Niagara Whirlpool go ahluege. Das isch dete wo de Fluss eh 90 Grad dreihig macht. Dur das entstaht en sogenante Whirlpool. Es gächt no es liecht kriminells Bähndli det übere, aber wills grägnet hät, hämer das ned gmacht.
    Mir sind dä wiiter is Shoppingcenter. Das da au en Bass Pro Shop hät, hämer natürlich no ihne müsse go schneugge😅.
    Nachem Shoppe undere chline Stärchig simer dä au grad zum Appartment gfahre. Ja das isch no lustig gsi. Will es isch es ziitli gange bis mir checkt händ wie mir überhaupt is Appartment chömed. Das isch ja es riisigs Hochhus😱.
    Mir händ in 22igste Stock vo 39 müsse. Türe isch offe gsi, da Schlüssel dinne gsi sind. Läck händ mir eh mega Ussicht. Wänns dä dunkel isch, gsehts sicherlich au mega us.
    Nachdem mer eus eh chli Ihgrichtet händ, hät eus s'Hüngerli packt und mir händ eus ufe Wäg gmacht.
    Hüt gömmer ihd Old Spaghetti Factory. Mir händ lust uf Pasta😅.
    Isch also sehr guet gsii. Ja die old Spaghetti Factorys sind amel no lustig ihgrichtet. Mir sind dä scho rächt müed gsi und händ eusi Ussicht vom Appartment welle gseh😅
    Ja vode Ussicht her isch das eusi schönscht Unterkunft😍.
    Mir sind dä aber au scho glii go pfuuse.    Read more

    See translation
  • Kanada

    48. Tag Toronto

    Oct 17–18, 2023 in Canada ⋅ 44 °C

    Leider händ de Kevin und ich die Nacht trotz fabelhafter Ussicht ned so guet gschlafe. Warum wüssemer au ned😅
    Willmer nonig würkli Hunger gha händ, hämer üs eifach es Kaffi vom Starbucks gholt. Mir sind sehr nöch vode Hockey Hall of Fame. Darum simer hüt grad als ersts det ihne. Isch also würkli guet und spannend gmacht. Mer chan ganz vill verschidnigi Sache mache. Obe isch au de Stanley Pokal usgstellt womer vo nöchem cha ahluege. Natürlich wirder immer Überwacht. Das isch aber ned de einzig Pokal gsi. Mir sind au fündig worde vom EVZ Liibli und de Händsche.
    De Kevin hett no Stunde dete chöne verbringe. Aber mir häts dä nach eine halb Stunde langsam glanged😅.
    Mir sind wiiter richtig Bus Station vom Hop off Hop on Bus. Mit dem hämer dä grad Umrundig gmacht. Leider häter ned zum CN Tower und ad Waterfront fahre chöne. Irgendwie segeds en Film am dreihe. Was das heisst hämer dä am negste Tag gseh😅.
    Als negst simer dä id Distillery District. Das isch en ganz alte Ort. Gebäude sind usem 19te Jahrhundert wo früehner eh grossy Whisky brännt worde isch. Isch en mega coole Ort jetzte. Überall häts Bars/Restaurant und Lädeli ih dene alte Gebäude. Mir händ dä mal öppis chlises gässe.
    Mir händ eus nach de Distillery District uf de Wäg zude St. Lawrence Markethall. Das isch eh Markthalle uf zwei Stöck. Also riiisig. Dete chöntmer sind Wucheihchauf mache. Es hät eifach alles. Und es gseht eich rächt guet us. Guet Hygiene döffmer ned zfest beachte😅. Da mir doch scho chli spöter dranne sind, isch scho villes leer oder usverchauft. Was ha es guets Zeiche isch. Dur die ville Düft hät eus langsam es Hüngerli packt und mir händ eus ufe Wäg richtig Stadtinnere gmacht. Schnäll hämer es Resti au gfunde. Ja was sellemer nur ässe...? Es hanged eus so langsam alles zude Ohre us😅. Was gäbtet mir nur für es Rahmschnitzeli mit Spätzli und guets Gmües wie au en Salat mitere feine Salatsauce..😅🤣

    WER macht eus das am Fritig womer hei chömed?😉

    Mir händ fein gässe und sind dä no durs Ihchaufscenter obe drah gloffe. Nachane hämer üs dä richtig Apartment gmacht und Nachtussicht gnosse.    Read more

    See translation
  • Kanada

    49. Tag Toronto

    Oct 18–19, 2023 in Canada ⋅ ☁️ 14 °C

    So de letzti Tag startet. Morn gahts richtig hei. Mir freued eus uf hei sind aber au chli trurig, dasses so schnäll dure isch🙈

    Mir sind losgloffe richtig CN Tower. Mir händ de jetzte mal welle gseh. Grad näbed drah häts es Resti gha womer dä sehr fein zmorge gässe händ. 😋 Nach dere Stärchig simmer richtig Waterfront abe gloffe. Sunne höt au chli druckt und es isch en mega schöne Spaziergang am Wasser entlang.
    Ja was möchemer jetzte no? Uf de Tower hämer nonig welle, da mer uf dd Abig reserviert händ. Also simer is Stadtinnere is Little Canada. Das isch es Miniaturmuseum. Isch mega cool gsii so zum Abschluss. Mir händ chöne go nacheluege wo euse Wäg so dur de Oste dure isch. Leider macht de Weste erst negst Früehlig uf. De hettemer au no gern gseh🫣.
    Es isch scho spannend was die alles so möched. Es hät gwächslet vo Tag zu Nacht, alles hät sich bewegt, Autos sind ume gfahre und ned mal ihnenand ihne😅.
    Ziit isch au rächt zügig dure und mir sind wieder zrugg zum CN Tower gloffe. Unterwägs simer ah dir Strass cho wos am Vortag gfilmed händ. Ja und au hüt sinds am Filme gsii. Es sind da sogenanti SWAT-Autos gfräsed. Für das händs Strass gsperrt für churzi Ziit und Fuessgänger händ au ned dure chöne. Isch also grad chli es grosses Ufgebot gsi. De Kevin und ich sind aber ned schlau worde was das für en Film isch und die Ahgstellte dete händ nüt döffe säge. Das bliibt wohl ed Gheimnis😅
    Mir sind no churz en Absacker go neh im Roundhouse Park. Dete ischs Railway Musem wo ganz alti Lockene usgstellt sind. Isch no spannend gsi mit dene Lockene und Schienene.

    So und jetzte hämer eus uf de Wäg zum CN Tower. Dur Kontrolle dur simer deruf gfahre. Läck isch das höch😬
    Wills euse letzt Abig isch gönnemer eus es feins (etwas gehobener) Znacht miteme wahnsinnige Usblicke. Mir hocked ah eusem Plätzli uf dere Plattform wo sich rund ume dreht. So gsehmer ganz Toronto vo obe. Da mer jetzte am Abig gange sind, gsehmer bi Tag und Nacht. Es hät sich definitiv glohnt chli meh uszgeh. S'ässe isch de Hammer gsi😋
    Am Kevin isches nonig gnueg höch gsi🫣 Darum hämer no es Ticket für ganz obe glöst. Nei läck isch das höch gsii. Und ja mer hät jedi Bewegig gmerkt. De Tower hät au no gwaggled. Das isch also nüt für mich gsii. Ich bin dä froh gsi, dassmer schnäll wieder abe sind. Im Shop hämer dä die letste Suveniers kauft.

    Langsam simer zrugg is Apartment gloffe. Mir händ dä eusi Sache nochli packt und de Usblick ide Nacht gnosse✨️    Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice