Tyhjennä haku
Kanada
  • Bettina Binzegger
  • Kevin Binzegger
elok. – lokak. 2023

Kanada

Flitterwochen
West- & Ostkanada
Bettina & Kevin on Tour Lue lisää
SeuraaYhteenvetoKalenteriJaaJaaToivelista
Uusin ensin
  • Matkan aloitus
    30. elokuuta 2023
    Kanada

    Welcome Vancouver

    30. elokuuta 2023, Sveitsi ⋅ ⛅ 19 °C

    Gester Morge am viertel vor 6ii isches für eus losgange. Selina hät eus ohni Verzögerige am Flughafe gfahre. Danke vill mal😘.
    Ih nur 15 min hämer Koffere abgeh und sind dur Sicherheitskontrolle und händ eus mit Kaffi & Gipfeli gstärcht. Am 10:30 simer dä abgfloge. Isch en ruihge aber doch lange Flug gsi. Däne ahcho händ Daniela & de Kilian scho uf eus gwartet & und eus in Empfang gnoh. Schnäll is Hotel go umzieh und dä scho wiiter. Händ ned döffe müed werde😅.
    Dä hämer en Strand wele gseh und sind ahd English Bay. Isch no schön gsi. Nach es paar Föteli unf em Schnupf simer go ahstosse🍻.
    Irgendwänn häts eus dä richtig Vancouver Gastown zoge. Simer eis go schnappe und nachher die berüehmti Gastown Steam Clock go ahluege. Schöns Ührli😅.
    Go znacht ässe simer is Steamworks go znacht ässe. Das isch eh Brauerei mit ganz vill veeschidnige Bier. Isch also sehe guet gsi👍🏻.
    Doch scho sehr müed, hämer aber gfunde mir dörfed nonig go schlafe. Simer is Restaurant ufem Ussichtsturm no eis go zieh. Es hät sich alles drült, also somit au bi mir im Kopf😅.
    Nachher simer dä rächt müed is Bett gfalle und händ grad gschlafe. Schöne Ahkunftstag gsi.    Lue lisää

    Katso käännös
  • Kanada
    1

    1. Tag in Vancouver

    31. elokuuta 2023, Kanada ⋅ ☁️ 20 °C

    Hüt morge simmer rächt früeh wach gsii. Ja das isch halt so mit dem Jetlack😅
    Dä simer mal ganz Grandville Island go ahluege. Isch au mal schön so ohni Lüt. Spöter simer dä richtig fein go zmörgele und ich han ändlich mis Kaffi becho. Nach dere Stärchig simer dur ganz Vancouver gwatschlet. De Kevin isch chli de Tourguide gsii, schliesslich ischer doch mal 3 Mönet in Vancouver gsi. Bide Waterfront häts eus sehr gfalle, es Krüzfahrtschiff höt au no ahgleit. En chline Drink bi Sunneschii hät natürlich au ned döffe fähle. Langsam mit chli müede Bei simer richtig Grandville Island. Dasmer uf Insle wieder zrugg chömed, simer wieder ufs Böötli. In Yaletown hämer au no en Stop ihgleit und händ die cool Dampflocki entdeckt. Ufem Heiwäg simer no zum Publig Market. Richtig coole Märt isch das. Zum Schluss no go Znacht ässe. Echt schöne erste Tag gsi.Lue lisää

    Katso käännös
  • Kanada
    1

    2. Tag in Vancouver

    1. syyskuuta 2023, Kanada ⋅ ⛅ 23 °C

    Scho besser gschlafe simer dä um die halbi 8ti ume los. Hüt isch Ziel gsi mitem Velo um de Stanlaypark ume radle. Zerst hämer wieder mitem Bötli müsse fahre. Äne am Ufer ahcho simer no eh viertel Stund ade English Bay nache gloffe. Sehr schön gsi so am morge. Dä hät eus de Hunger packt und ich han natürlich mis Kaffi brucht😅
    Nach de Stärchig hämer üs dä es Velo gmietet und sind in Stanlaypark. Es isch alles am Meer entlang gange und wunderschön gsii. Sunne hät sich au de ganz Tag zeigt. Nach de Umrundig simer eis go zieh und händ üs Überleit wasmer als negst möched.
    Mir händ eus entschide dassmer namal ad Waterfront gönd. Dete ahcho hämer gseh, dass no es grössers Krüzfahrtschiff, wie am vortag, dete isch. Ganz schön spannend. Nochli Souveniers krömlet simer dä fein go ässe. Langsam müed hämer dä de Skytrain und s'Bötli zrugg gnoh. Isch en sehr schöne Tag gsi. Morn heissts dä Byby Vancouver.    Lue lisää

    Katso käännös
  • Kanada
    1

    3. Tag Vancouver - Viktoria (VI)

    2. syyskuuta 2023, Kanada ⋅ ⛅ 24 °C

    Hüt morge häts wieder gheisse eusi Koffere z'packe. Eusi Reis gaht wiiter nach Vancouver Island, aber zerst simer euses Auto am Flughafe no go abhole. Da hämer also es schöns verwütscht😊. Eusi Fähri nach Vancouver Island hämer erst am 3ü gha. Zum die Ziit z'überbrücke simer s'erst mal ines Outletstores "Dorf" gange. Mir sind natürlich fündig worde😉.
    Dä simer wiiter gfahre zude Fähri und händ en Halt bimene Canadian Tier und eme Wallmart gmacht. GIGANTISCH...😅
    Hüt häts mitem ässe eher eifach müsse gah darum simer dä zumene Subway. Isch also no fein gsi. Und ab uf Fähri. Es isch traumhafts Wätter gsi und die Überfahrt eifach schön🤩.
    Dä simer in Swartzbay ab de Fähri gfahre und no eh halb Stund uf Victoria. Ahcho rasch go ih ckecke und dä hät eus grad an Hafe und ih Stadt zoge. Victoria hät eus scho mega guet gfalle. Dä simer no öppis feins go ässe. Nachem Ässe simer nochli am Hafe nache gschländeret und händ all die Belüchtige bewunderet. Victoria isch also sehr Sehenswert. Hät eus super gfalle.    Lue lisää

    Katso käännös
  • Kanada

    4. Tag Viktoria - Nanaimo

    3. syyskuuta 2023, Kanada ⋅ ⛅ 17 °C

    S'hütige Tagesziel isch Nanaimo gsi. Aber zerst musses en Kaffi geh. De hämer au miteme guete Zmorge ihgnoh. Dä hämer eus nochli wele bewege und sind Victoria bi Tagesliecht go ahluege und natürlich hät Fischerman's Wharf ned döffe fehle. Das isch es Dorf bestehend us Huusboot. Richtig schön gmacht. Isch aber au sehr touristisch... guet sind mir am morge immer so beziite unterwägs😅
    Dä simer ufbroche und händ en Halt im Goldstream Provincial Park gmacht. De isch aber eher entüschend gsii. Mir händ s'beste drus gmacht.
    En wiitere Stopp isch bim Malahat Sky Walk gsi. Übere Holzbrugg dur de Wald simer zu dem "Turm" cho. Dä hät de Kevin gmerkt, dass das ja gar kei Holzbälke sind... sondern nur mit Holz Ihkleidet isch. Vo obe hämer also eh atemberaubendi Ussicht gha. Han natürlich wieder ufs neue mini Höheangst müsse überwinde🫣.
    Chum im Auto gsii, häts dä ahgfange rägne. Dä simer is Hotel gfahre und s'Wätter isch scho wieder schön gsi. In Old City Quarter simer dä go Italienisch ässe. Es isch de hammer gsi. Bis jetzte s'beste Ässe😋.    Lue lisää

    Katso käännös
  • Kanada

    5. Tag Nanaimo - Campbell River

    4. syyskuuta 2023, Kanada ⋅ ☁️ 18 °C

    Da hüt Labour Day in Kanada isch, sind au vill Läde und Restis zue. De Labour Day isch de Tag der Arbeit wie bi eus de 1. Mai. So hämer euse Kaffi hüt To Go gnoh und sind mal de Küste nah gfahre. Hi und da mal ahghalte dete wos eus gfalle hät. Immer richtig Campbell River. Im Seal Bay Nature Park hämmer en halt gmacht und sind dä chli go laufe. Ziel isch de Strand gsii. Fast ehleige simer dete gsii. Echt cool mit dene grosse Stei und de Giireiziis😅
    Dä simer wiiter gfahre und plötzlich hämer es chliises Täffeli gseh mit Artisans Festival. Hämer natürlich müsse gah. Das isch sozäge en Märt zmitzt im Wald gsii. Überall häts Ständ verteilt gha, sogar inere Schür.
    Nach dem Ihdruck simer dä in negste Park und zwar in Elk Falls Provincial Park. Ich han es bitz zwenig recherchiert und mir händ darum zimli deruf müsse laufe für an Elk Falls. Jänu hämer halt no eh Wanderig gmacht😅
    Schön isches trotzdem gsii. De Kevin hät dä ehleige überd Brugg müsse. Das isch dä nüt für mich gsi🫣.
    Zimli uf de Stümpe simer nachher gsii. Also simer schnäll zum Hotel go früsch mache und dä fein go znacht ässe. Scho glii druf abe simer dä go pfuuse😅.    Lue lisää

    Katso käännös
  • Kanada

    6. Tag Campbell River - Ucluelet

    5. syyskuuta 2023, Kanada ⋅ ⛅ 18 °C

    Bimene guete Zmorge zu dütsche Schlager hät euse Tag gstartet😅.
    Euses Ziel isch hüt Ucluelet. Das isch näbed Tofino. De ersti Stop hämer dä im Little Qualicum Falls Provincial Park gmacht. Dete simer dä de Lower & Upper Falls go ahluege. Hät en schöne Waldwäg gha.
    Wiiter isches an Cameron Lake gange. Au dete hät eus Ussicht greizt zum ahhalte. Fast ehleige simer am See gsi. De liiht schön zwüsched de Berge. Eifach traumhaft.
    Next Stop Donut Shop in Port Alberni. Port Alberni isch es chliises herzigs Dörfli amene See.
    Dä is wiiter gange... über Berge und dur Wälder mit kei Empfang meh. Und irgenwänn simmer in Ucluelet ahcho. Dä hämer euses Zimmer also äh... eusi Suit bezoge. Mer händ üs fast ned chöne entscheide ih welem Bett dassmer wänd schlafe😅.
    No schnäll dur das chline Dörfli gloffe und öppis feins go znacht ässe. Und zägg de Tag isch au scho wieder dure.    Lue lisää

    Katso käännös
  • Kanada
    1

    7. Tag Ucluelet - Tofino

    6. syyskuuta 2023, Kanada ⋅ ⛅ 16 °C

    Dä Morge hämer sehr gmüetlich gstartet, das eh no rächt bewölkt und sogar grägnet hät. Ich han sowieso nochli müeh mit de Temperature😅. Es isch eh chli chalt😬.
    Da in Ucluelet sehr vill Restis am Ziestig/Mittwuch zue händ, hämer euse Kaffi to go gholt und sind richtig Tofino gfahre. Sehr schöni Strecki mit vill Hügel.
    In Tofino ahcho hämer Stadt chli erkundet. Ja vill häts ned geh zum ahluege. Am Kevin und mir häts ned so gfalle. Es isch sehr touristisch und eher höch ahprise worde weder dasses isch. Jänu gömer halt chli an Strand. Vo dene häts ja doch gnueg da und die sind mega schön😊
    Nachdem mer dur de Sand am Meer gloffe sind hämer gfunde mer münd hüt doch nochli meh mache😅
    Dä hämer en Teil vom Wild Pacific Trail gmacht und zwar de Lighthouse Loop. Das isch en sehr schöne Wäg, immer schön de Küste nah und immer wieder dur de Wald. Es sind ca. 2.6 km. gsi. Richtig schön🥰.
    Dä churz go frisch mache im Hotel und ab go Znacht habbere. Natürlich au wieder sehr guet gsi. Schlächt gässe hämer also no nie😅.    Lue lisää

    Katso käännös
  • Kanada

    8. Tag Tofino/ Ucluelet

    7. syyskuuta 2023, Kanada ⋅ ☀️ 16 °C

    Hüt morge isches für eus ufd Whalewatching Tour gange. Mir sind miteme Zodiac use. Läck isch das geil gsii. Nur scho mit dem Boot zfahre hät sich glohnt. Die ganz Tour isch 3 Stunde gange. Mir händ 3 Grauwale, en Delfin, Seeloie und ganz vill Seeotters mit Baby gseh. Es isch de wahnsinn gsi trotz eher bewölktem Wätter. Dank em Ahzug hämer au schön warm gha. Mir händ wie so Marsmändli usgseh😅.
    Dä hämer zimli Hunger gha und sind uf Tofino öppis go ässe. Ich han natürlich en Salat brucht. Das gsunde Zügs fähltmer also scho🫣.
    Dä simer zrugg richtig Ucluelet. Ufem Wäg hämer no so en Ort mit herzige Lädeli gseh und sind mal go luege. Mhm.... fein es hät es Glace geh😋.
    Nachane simer no de Cedar Loop gloffe. De Wäg isch zmitzt dur de Wald gange und es hät paar riise Bäum gha. Am Kevin häts gfalle.
    Zrugg im Hotel hämer no es paar Büro Sache müsse erledige. Dä schnäll go znacht ässe nochli Koffere packt und öppe go pfuuse. Morn gahts wieder zrugg ufs Land.    Lue lisää

    Katso käännös
  • Kanada

    9. Tag Ucluelet - Vancouver

    8. syyskuuta 2023, Kanada ⋅ ☀️ 18 °C

    Hüt heisst zrugg Reis nach Vancouver. Mir gönd wieder vode Insle Vancouver Island, da mir morn euse Camper chönd go hole. Sind scho ganz gspannt druff🥳.
    Vill erläbt hämer hüt ah dem Reisetag ned so. Überfahrt mit de Fähri isch wieder sehr schön gsi. Däne ahcho simer no schnäll is Outlet. De Kevin hät zwei Shirts gfunde und ich nüt. Ned so schlimm🤣.
    Dä simer schnäll is Hotel go ichecke und dä öppis go ässe. Isch sehr fein gsi. Zrugg im Hotel hämer all eusi siebe Sache zäme packt, dassmer dä am morge beziite los chönd. Guet nacht😴.    Lue lisää

    Katso käännös
  • Kanada

    10. Tag Vancouver - Squamisch

    9. syyskuuta 2023, Kanada ⋅ ☀️ 25 °C

    Hüt am morge isches beziite für eus los gange. Mir sind an Flughafe euses Auto go zrugg geh. Nachdem mers problemlos abgeh händ, simer wiiter zude Fraserway Station zum euse Camper abzhole. Es isch also zack zack gange und mir sind scho vor eusem Camper gstande. No eh Ihwiisig becho vo all dene Knöpf und Sache und dä hämer au grad los chöne.
    Läck isch das es Schiff😅
    Aber echt cool👍🏻
    Euse Wäg mitem Camper isch grad uf Squamish gange. Dete simer zerst mal go ihchaufe, dassmer dä au öppis zässe chönd mache. Isch no guet gange wämers diräkt vom Wägeli in Küehlschrank chan biige🤣.
    De simer au scho wiiter zu eusem Campingplatz für die negste zwei Nächt. Es isch en traumhafte platz und ahnschinend heged scho villi nach dem gfragt. Guet hämer de reserviert🫣.
    Dä hämer mal all euses Züg verrumed und eus ihgrichtet und scho glii znacht gmacht. Läck isch das guet gsii. Mal wieder öppis sälber gmachts. Dä hämer Ussicht bimene Bierli no gnosse und es Skipo gspilt.    Lue lisää

    Katso käännös
  • Kanada

    11. Tag Squamish

    10. syyskuuta 2023, Kanada ⋅ ☁️ 24 °C

    S'erste mal im Camper gschlafe. Naja Nacht isch rächt bescheide gsi und mir händ ned so guet pfuused. De Morge hämer miteme feine sälber gmachte zmorge gstartet. Ja euses guete Brot vermissemer scho chli😅.
    Nachher hämer euse Rucksack packt und sind los gloffe. Am Shannon Falls verbii, da mer zerst uf de Berg ufe händ welle. Mit de Sky to Sea Gondola simer de Berg deruf. Isch also grad eh chli ufe gange. Dobe ahcho hämer scho eh geniali Ussicht gha. Mir händ dänn 4 so Rundwanderige gmacht. Richtig herrlich gsi und vode Lüt her dä au gange. Ja die ch... wänd amel ned so laufe😅.
    Spöter simer dä mitem Bähndli wieder abe und händ dunde sones geils (aber mega süesses) Glace gässe.
    Langsam hämer eus uf de zrugg wäg gmacht und sind dä de Shannon Falls go ahluege. Ja vill Wasser chunt ned abe, aber trotzdem schön. Zrugg ih eusem Camper hämer Ussicht bimene Bierli gnosse. Spöter no Znacht gmachg und Skipo/ UNO Flip gspielt. Wieder en schöne Tag gsi.    Lue lisää

    Katso käännös
  • Kanada

    12. Tag Squamish - Whistler

    11. syyskuuta 2023, Kanada ⋅ ☁️ 13 °C

    Hüt Morge simer bi Räge ufgwached. Es hät ide Nacht au scho grägnet. Guet chömer im Camper am schärme zmörgele. Nachem Zmorge hämer euses Züg chli zäme packt und sowit alles verstaut dassmer wiiter fahre händ chöne. Euses Ziel hüt isch Whistler. Zerst aber hämer no es paar Sache müsse go poste, wo mer gmerkt händ, dasses eus fehlt. Ufem Wäg nach Whistler häts leider immerno grägnet und us dem Grund au rächt Näblig und so gar kei Ussicht. Dä händ die verschidnige Stops au nüt bracht. Bis uf de Alice Lake, de isch sehr schön gsi. Dä in Whistler ahcho simer chli dur s'Dörfli gloffe und chli uf Lädelitour. Ja es isch sehr touristisch und jetzte au ned mega mega schön. Es isch herzig hergrichtet, aber ja...
    Nochli öppis go mampfe und dä scho glii uf de Campingplatz. Dete ahcho häts für eis gheisse... wösche, wösche, wösche... mir händ langsam gnueg Dräckswösch gha😅.
    Dä näbed bi no Znacht koched und gässe. Jetzte gnüssemer de Abig no gmüetlich😊    Lue lisää

    Katso käännös
  • Kanada

    13. Tag Whistler

    12. syyskuuta 2023, Kanada ⋅ ☁️ 13 °C

    Hüt morge womer ufgstande sind, sind Wulche scho ume gsi und grägnet häts au. Ja dä simer doch grad nochli ligge blube. Irgendwänn simer dä ufgstande und händ zmörgelet. Hüt alles eh chli gmüetlicher. De räge hät au ned nache glah. Mir sind trotzdem mal los.. euse Camper hät mal müsse glährt werde und neu gfüllt. Was muss... das muess...😅 isch also no guet gange dank em Kevin. Nach getaner Arbeit simer dä los no de Olympic Park go ahluege. Isch also zimlichi gähnende Leere gsi. Im Winter isch da obe aber sicher vill loos. Sprungschanze hämer scho vo wiitem gseh. Ufem zrugg Wäg hämer bim Alexander Falls no en Stop gmacht. Isch also wieder mal meh en schöne Wasserfall. Nachane hät de Kevin sin Biervorrat wieder gfüllt. Ja dä simer au scho wieder zrugg uf de Camping und händ chli Seele baumle lah. De Kevin hät mi sogar bim Skipo abzockt😅
    Zum Znacht hämer es Curry mit Poulet und Riis gmacht. Fein gsii😋 und dä au scho gli wieder is Bett😴.    Lue lisää

    Katso käännös
  • Kanada
    1

    14. Tag Whistler - Lillooet

    13. syyskuuta 2023, Kanada ⋅ ☀️ 20 °C

    Hüt morge isch immerno wulchig gsi, aber Sunne hät s'erst mal sit zwei Täg richtig dure druckt. Nachem zmorge hämer alles zäme grumt und sind ufbroche. De Kevin und ich sind fängs es guets Team😅 jede weiss was sis jöbli isch😉.
    No rasch go Tanke dassmer au ja nie Angst münd ha.
    Und los gahts euse ersti Stopp isch bide Nairn Falls gsi. Dete simer zerst 1.5 km dur de Wald gloffe. Richtig schöne Wäg über Stock und Stei gsi. Dete ahcho hämer de wunderschön Wasserfall gseh. Hät sich also glohnt. Chli mulmigs Gfühl hämer scho gha, da am 01. Sept. en Bär gsichtet worde isch. Mir händen aber ned gseh.
    Dä isches wiiter gange. Immer mal wieder hämer en Stop gmacht wos schön gsi isch. Völlig ab vode Zivilisation simer gsi und natürlich au ohni Empfang. Ich han am Vortag ufem Facebook gläse, dass bi Lillooet ide nöchi en Bär gsichtet worde isch. Und plötzlich chömemer um Kurve und es händ mehreri Autos de Panneblinker dinne. Es hät mich fast vom Stüehli grüehrt vor Freud. Da zottled doch am Strasserand en Schwarzbär ih einere rueh. Irgendwänn isch die schwangeri Bäredame (händs im FB gmeint) über Strass und verschwindet ide Büsch. Die einte händ partou nümm welle wiiter fahre. Das isch leider für die Bäre ned so guet.
    Und wiiter isches gange... Natur isch da um Lillooet ganz anderst. Sehr troche scho fast Wüeste mässig. Darum händ mir dä au gfunde mir wänd ned in Lillooet sälber bliibe und sind wiiter gfahre. Zwüsche zwei See häts de Marbel Provincial Park geh. De hät no freie Stellplätz gha und mir händ eine usgläse für nur 18 CAD. Sehr schön ischer gsi. De schönsti bis jetzte. Diräkt am See. Natürlich ohni Strom und au kei Empfang. Bruched mir aber alles ned😊.
    Nochli Sunne gnosse und znacht gmacht. De Abig hämer dä mit Skipo verwiiled.    Lue lisää

    Katso käännös
  • Kanada
    2

    15. Tag Lillooet - Williams Lake

    14. syyskuuta 2023, Kanada ⋅ ☀️ 20 °C

    So schön gsi am See zverwache. Natur pur. Sunne isch au scho schön ufgange. Nachem zmorge simer dä wiiter düsed. Hüt hämer eh langi Reis vor eus gha. Zerst simer an Green Lake. Läck isch de schön gsii. Dä hämer grad no en Stellplatz gseh, wo eus sehr gfallt. De dümer eus mal merke. Dä simer wiiter gfahre nach Williams Lake. Dete isch die Firma wo Blockhüser bout. Sie sind grad au dranne gsi eis ufzstelle. Leider isches voll am Highway gsi und mir händ ned chöne usefahre. Dä simer witer ih Stadt gfahre und händ unmängene ah Baumstämmhüüfe gseh. Sehr beeihdruckend gsi. No rasch öppis go poste und dä au scho wiiter. De Kevin hät miteme Schuelkolleg vode Vorarbeiterschuel abgmacht. De läbt jetzte in Kanada und schaffed inere Zimmerei. De Kevin und ich händ dä die Zimmerei döffe ahluege. Sehr spannend gsi, da sie nur Neubaute möched. Die Ziit isch so schnäll verbii gange dassmer eus dä au mal ufd Suechi nacheme Schlafplatz gmacht händ. Mir isch de vom Morge am Green Lake ned usem Kopf. Darum hämer de ahgstüred. Chli Angst hämer gha, dassmer kei Platz meh händ. Womer aber ahcho sind, sind genau die zwei Plätz bsetzt gsi vom morge. Die restliche sind frei gsi. Es isch eifach traumhaft gsi. Dä hämer znacht gmacht und de Abig usklinge lah.Lue lisää

    Katso käännös
  • Kanada

    16. Tag Green Lake - Clearwater

    15. syyskuuta 2023, Kanada ⋅ ⛅ 24 °C

    Mir sind am morge ah dem wunderschöne Green Lake verwached. Sunne isch au scho am schiine gsi. Dä hämer eus es feins zmorge gmacht und sind nochli veruse ghökled händ de See & Sunne gnosse. Debii hämer eusi wiiteri Reis eh chli besproche. Hüt gahts richtig Clearwater in Wells Gray Park. Nach churzer Fahrt simer de Bridge Lake Ice Coves Trail gloffe. Er isch schön gsi aber nüt wahnsinnigs. Hät aber guet tah😅.
    Unterwägs hämer dä no müsse euse Camper uf fordermann bringe. Sprich alles ablah und neu fülle. Für das hämer das mal 5 CAD zahlt. Nur blöd das nur einer und zweier gange sind und wer hät ächt ned gnueg gha?😅 Tja dä simer halt go poste und händ gluegt dassmer gnueg Münz bechömed. Nachane simer dä würkli go leere.
    Nachdem mer das erledigt händ, simer dä würkli los in Wells Gray Provincial Park. Dä simer zimlich obe inen Campground gfahre und händ eus mal en Platz gsichered & reserviert. Wills doch nochli früeh gsi isch, hämer gfunde mir gönd de Helmcken Falls go ahluege. Richtig schön gsi. Er isch eich no rächt liislig gsi. Dä simer au scho zrugg und händ scho gli znacht gmacht. Det obe hämer natürlich gar kei Empfang gha😅.    Lue lisää

    Katso käännös
  • Kanada

    17. Tag Clearwater - Valemount

    16. syyskuuta 2023, Kanada ⋅ ☀️ 24 °C

    Nachere wiitere kalte Nacht hämer eus bimene Kaffi wieder chli ufgwärmt.
    Nachem Zmorge hämer euses Züg packt und sind wieder richtig Zivilisation gfahre. Ufem abewäg hämer dä no de Dawson Falls ahglueged. Isch also au sehr impolsant gsi. Amene Viewpoint richtig Berge hämer au no en Halt gmacht. Oh... ohhh.. ohh... was gsehmer dä da... hinde bide Berge sind ganz dicki Rauchwulche. Berge gsehtmer fast ned.
    Dä simer wieder in Clearwater ahcho und eusi Handy händ nur no gschälled. Händ grad chli vill öppis vo eus wele und ja Tagesbricht händ au gfehlt... das isch halt wämer kei Netz hät😅.
    Dä simer mal wiiter gfahre immer richtig Jasper. In Valemount hämer dä en Campingplatz gsuecht und gfunde. Dä simer nochli use ghöckled, da Sunne no so schön gsi isch. Plötzlich sind so rötlichi Wulche cho und Sunne hät au nur no rot usgseh. Eus verfolged die Rauchwulche zimlich. Dä hämer Znacht gmacht. Reste vo gester😉 und scho gli eh mal is Bett😴.    Lue lisää

    Katso käännös
  • Kanada

    18. Tag Valemount - Jasper

    17. syyskuuta 2023, Kanada ⋅ ⛅ 15 °C

    Ja de Morge isch leider ned so toll gsii. Chli es böses erwache gsi, da leider die Rauchwulche ned nur dure zoge sind. Nei si sind richtig fest ghange. Mir händ dä zmorge gässe und sind wiiter uf Jasper. Unterwägs hämer dä bim Visitor Center vom Mount Robson en Stop gmacht. Ja was selli da säge. Mer hät eifach nüt gseh wäg dene Rauchwulche. Chlii Stimmig trüebt hät das scho. Dä simer wiiter uf Jasper is Städtli ihne. Chli dur Läde gschländeret und no öppis chlises go ässe. Nachane simer dä no in Supermarket chli öppis go poste, will mir händ nachegläse dassmer evtl. chli füürle dörftet. Dä simer au scho zum Campground gfahre und händ mal gfragt obs platz händ für eus. Sie händ also no ganz vill Plätz gha. Dä simer grad no zerst go holz hole und ab uf euse Platz. Chum dete gsi hät de Kevin natürlich scho ahfah füürle. So es richtig feins znacht isch das gsi. Mir händ beid gnosse, dasses mal öppis vom Grill geh hät. Dä simer nochli am füür ghocked und händ de Abig no gnosse.Lue lisää

    Katso käännös
  • Kanada

    19. Tag Jasper

    18. syyskuuta 2023, Kanada ⋅ ☀️ 7 °C

    Am morge am halbi 7ni hät mer chöne dänke d'Wält gaht under. Das hät grad eh chli abegleehrt und gwindet hät das. Händ also scho fast eh chli angst gha, dass euse Camper übeeschlaht. Die wo ide Zält gschlafe händ, sind is Auto gflüchtet oder händ zäme packt. Mir sind dä mal ufgstande und händ eus zmorge gmacht. Es hät eus nonig so pressiert😅
    Plötzlich bländets dur euses Fänster und Sunne isch tatsächlich cho. Mir händ eusi Sache packt und sind richtig Maligne Lake. De Wäg dethi isch scho mega schön gsi, dur Wälder und Berge. Am Maligne Lake ahcho simer chli am See nache gloffe. Es isch eifacht traumhaft gsii😍 aber mer muss scho säge. So warm isches also nümme. Sogar de Kevin hät kei churz Hose meh ah. Dä simer no öppis go trinke une händ de Abewäg in Ahgriff gnoh. Ufem Abewäg hämer bim Medicine Lake no en halt gmacht und es paar Gämsi gseh. Mir händ dä gfunde mir gönd grad no rasch zum Patticia & Pyramid Lake. Bim Pyramod Lake hämer übere Brugg chöne laufe uf eh chlini Insle übere. Isch sehr schön gsi, aber chalt. Ich hanmer also scho chli de Arsch abgfrohre.
    Schnäll zrugg in Camper und richtig Campingplatz. Churz vor de Ihfahrt hämer doch würkli en Elch gseh🥳.
    Bim Check-In händs eus dä no druff hiigwise das Elche im Gebiet sind und rächt aggresiv chönd sii... hmmm....😅🤣
    Dä simer uf eusem Platz und händ au wieder ahfah füürle. Wo dä euses Fleisch ufem Grill gsi isch, staht doch plötzlich sonen Elch vor eusere Nase😬. Er isch dä nacheme Ziitli wieder devo zottlet. Aber mir händ also scho chli Angst um euses Ässe gha😅
    Nachane hämer dä de Abig no usklinge lah.    Lue lisää

    Katso käännös
  • Kanada

    20. Tag Jasper

    19. syyskuuta 2023, Kanada ⋅ ☁️ 8 °C

    Hüt morge simer wieder bi Räge ufgwacht. Dä häts eus au ned so pressiert mit Ufstah😅.
    Irgendwänn simer dä ufgstande und händ zmorge gässe. Plötzlich gsehn ich wieder en Elch vor de Tür... nei es isch sogar eh ganzi Herde😅.
    Spöter hämer eus dä uf de Wäg gmacht, aber zerst wieder alles leere und neu fülle. Nach dere Arbet simer dä zum Valley of the Five Lakes. Ja hüt hämer eh chlini Wanderig eus vorgnoh. S'Wätter isch ned so toll, aber es rägnet ned. Immerhin😅
    Mir händ dä ned bim erste Lake ahgfange... Nei bim füfte🤣.
    S'google Maps hät ahgeh, dasses grössten Teils Flach segi... mhm... für das hämer grad chli obsi müsse laufe. Ned mal gross nidsi isches gange😅.
    Es isch trotz Wulche sehr schön gsi. Jede See isch grüen und klar gsi. Nach dere chline Wanderig hämer dä no es paar Sache müsse ha und händ no euse Camper tanked. Ich han unbedingt eh Kappe brucht🙈 dä simer eini go poste und händ für de Kevin au no grad eini gfunde. Und zägg isches au scho Abig gsii und mir händ eus znacht gmacht und scho glii is Bett.    Lue lisää

    Katso käännös
  • Kanada

    21. Tag Jasper - Lake Louise

    20. syyskuuta 2023, Kanada ⋅ ☁️ 6 °C

    Hüt isch eusi Reis witer gange. Sprich mir händ Jasper verlah. Aber zerst mal fein Zmorge ässe und zäme packe.
    Uf de Route nach Lake Louise hämer no diversi Stops uf de Liste. De ersti Stop isch bim Athabasca Falls gsi. Isch also en sehr schöne Wasserfall gsi, aber mir händ natürlich scho schöneri gseh. Wieter isches an Sunwapta Falls gange. Au schön gsi.
    Nachher simer zimli gfahre, da s'Wätter immer meh zue gmacht hät. Ja Räge wär ja no guet gsi... nei es hät sogar gschneeit😅.
    Bim Icefield Glacier simer dä eifach dure gfahre, da eifach würkli nüt gseh häsch. Es isch so Näblig gsii. Bim Skywalk sind lüt sogar ahgstande😅 dä häsch ja grad gar nüt gseh, dä hett ich sogar uf die Glasplattform chöne🤣.
    Nachere längere fahrt hät dä plötzlich Sunne truckt und mir händ dä doch mal chli meh vode Berge gseh. Läck isch das chalt...🥶
    In Lake Louise simer dä uf Campingplatz suechi gange. Mir händ scho ahgnoh dasses chli schwirig wird, aber eh so schwiirig😬 entweder sinds volle gsi oder sie sind scho zue gsi. Dä simer wiiter gfahre und bim 5te häts dä ändlich klapped. Womer uf Karte gluegt händ, hämer gmerkt dassmer scho gli in Banf unde sind😅.
    Ja mir glaubed dass jetzte Ziit cho isch, zum die Campingplätz doch vorane scho z'reserviere🫣.
    Womer euse Platz ihgnoh händ, hämer ahfah füürle und Znacht gmacht. De Abig hämer mit Skipo/ Uno Flip und läse usklinge lah.    Lue lisää

    Katso käännös
  • Kanada

    22. Tag Lake Louise

    21. syyskuuta 2023, Kanada ⋅ ☀️ 9 °C

    Am morge simer mit Sunnestrahle ufgwached. Ändlich... mir händ rasch zmörgeled und händ dä eus au graf wieder uf de Wäg richtig Lake Louise gmacht. Sind doch no öppe 45 min Wäg gsi. Mir händ eus no zwei Last Minute Tickets kauft für de Moraine Lake. Für das simer vor zwei Täg extra am 8ti am Laptop ghockt😅
    Mal luege ob das klapped. Mir glaubed da nonig eh so drah😅
    Mir sind ahcho bim dem Shuttle und händ euse Camper parkiert. Läck isch das chalt. Dümer eus doch chli wärmer ahzieh😅. Dä simer mal los und händ gluegt ob das klapped. Und tatsächlich... mir händ eusi Tickets becho und händ au scho in Bus chöne Ihstige. Nachere churze fahrt simerau scho dobe gsi. Zerst simer grad mal id Höchi gloffe, dassmer eh gueti Sicht über de Moraine Lake händ. Sunne isch no hinderem Berg gsi, us dem grund häter nonig eh so türkis usgseh. Aber mer hät gseh dasses langsam chunt. Ja dasses en richtige Touriuflauf isch hämmer ja gwüsst, aber eh soo vill... isch eus also fast eh chli z'bunt worde. Dä simer nochli am See nache gloffe und nachher es Kaffi go trinke. Dä hämers dä au öppe gseh und sind wieder zrugg. Ade Station ahcho simer no ih das grosse Blockhuus. Im Winter sind dete all Gondle & Sässle für Skipiste. Isch also no es grosses Gebiet.
    Spöter simer no go poste und händ eus uf de hütig Campingplatz begeh. Ja de isch rächt überloffe gsi, das hämer aber au scho gwüsst. Spöter hämer no fein Znacht gmacht und dä öppe is Bett.    Lue lisää

    Katso käännös
  • Kanada

    23. Tag Lake Louise - Golden

    22.–23. syysk. 2023, Kanada ⋅ ☀️ 12 °C

    Hüt morge simer rächt grederet vo dere Nacht gsi. Mir händ gester abig, die Züg wo grad äne dra dure fahred, scho ghört. De Kevin hät dä gmeint die Huped ide Nacht nümm so. Ja dem isch wohl ned so gsi. Es isch fast halb stündlich eine dure und hät also fast no meh ghupet🫣
    Dementsprächend händ mir gschlafe😅
    Us dem Grund simer chli länger gläge und das ganze hät sich dä chli verspötet. Nachem zmörgele und zäme ruume simer is Visitorcenter gange. Dete häsch als einzige Ort chli Empfang ubd WLan gha. Mir händ eusi wiiter Reis ahgluegt und au gluegt ob Campingplätz offe händ und au platz. Dä hämer eus entschide, dass eusi Wiiterreis nach Golden gaht. Zerst hämer aber no an Lake Luise welle. Dobe ahcho händs eus au wieder abegschickt. Parkplatz isch voll gsi. Mir händs ja eich scho ahgnoh😅.
    Dä simer wiiter zum Yoho Nationalpark. Dete ahcho simer grad zum Takkakaw Wasserfall gange. De Fuesswäg zum Fall isch sehr schön gsi. Die Ussicht hämer grad chli gnosse. Wiiter isches zum Emerald Lake gange. Das isch sones richtigs Postchartemotiv. Wänns kei Lüt hät😅.
    Da simer chli am See nache gwatschlet und dä au scho gli wieder wiiter. In Golden ahcho, hämer eus au grad en Campground gsuecht und gfunde. De hät sogar Wäschmaschine... dä hämer doch grad en Sut ob tah, dassmer negst Wuche ned so vill händ. Scho gli hämer znacht gmacht und de Abig mit Spilie usklinge lah.    Lue lisää

    Katso käännös
  • Kanada

    24. Tag Golden - Revelstoke

    23.–24. syysk. 2023, Kanada ⋅ ☁️ 9 °C

    Ja de Räge hät eus wieder gfunde. Es hät rächt abe gleehrt. Jänu mümer halt s'beste drus mache. Hüt hämer wieder alles müsse leere bi eusem Camper. Nachher simer no es paar Sache go poste, wo eus usgange sind.
    Dä hämer eus richtig Revelstoke gmacht. Ja de Wäg wär mega schön dur Berge gange, aber ja es isch wulchig gsi und mir händ nüt gseh😅
    In Revelstoke ahcho simer chli dur s'Dörfli gloffe. Es hät grad no en chline Markt gha. Sehr spannend gsi was die so verchaufed. Dä hämer no öppis chlises im Camper gässe und sind nachher is Railway Museum. Chli Schlächtwätter alternative. Isch also sehr spannend und ihdrücklich gsi. Am Kevin hät natürlich au s'Gebäude sehr guet gfalle. Nachem Museum simer dä zum hütige Campingplatz und händ de Nami/Abig mot Spili spiele und Znacht mache verbracht.    Lue lisää

    Katso käännös
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä