Aramayı sıfırla
Serfaus & Südtirol
  • Bettina Binzegger
  • Kevin Binzegger
Eylül 2024

Serfaus & Südtirol

Bettina & Kevin tarafından 13 günlük bir macera Okumaya devam et
Takip EtGenel BakışTakvimPaylaşPaylaşYapılacaklar listesi
En yenisi başta
  • Gezinin başlangıcı
    2 Eylül 2024
    Serfaus & Südtirol

    1. Tag - Anreise nach Innsbruck

    2–3 Eyl 2024, Avusturya ⋅ ⛅ 29 °C

    Hüt am Mittag isches bi eus langsam los gange und mir händ eus uf de Wäg richtig Innsbruck gmacht. Da de Arlbergtunnel immerno gsperrt isch, hämer drüberd fahre müsse. Ja de Kevin und ich sind no nie drüberd gfahre. Isch no spannend gsii. Mir händ chli Angst gha, dass eusi Velos ned hebed. Sie händ aber ghebed. So gäge die 17:00 Uhr simer im Hotel Huberhof ahcho. Dä hämer rasch ihcheckt und alles usglade. Ja das brucht jetzte amel chli meh Ziit, da mer zerst Velo ablade münd. Womer dä Velos verstaut händ und euses Gepäck is Zimmer tah händ, hämer eus dä au grad id Badhose gstürzt. Schliesslich häts en Ussepool und es isch ja hammer wätter. Ja de Pool isch rächti abchüehlig gsi😅 Bettina isch dä ned so lang dinne gsii.
    Nachem Bädele hämer eus fürs Znacht fertig gmacht. Mir händ nümm möge uf Innsbruck ihne z'gah, darum hämer grad im Hotel im Resti gässe. Mhm.... isch das fein gsi😋
    Nochli Skipo gspilt und no eis zwei trunke und dä simer au scho bald go pfuuse😴    Okumaya devam et

    Çeviriyi gör
  • Serfaus & Südtirol

    2. Tag Innsbruck

    3–4 Eyl 2024, Avusturya ⋅ ☀️ 20 °C

    Zägg isch Nacht au scho wieder dure. De Kevin hät am Morge am 6i Chileglogge ghört. Ja die Chile isch au grad näbed drah. Ich han nüt ghört. Am 8ti simer dä ufgstande und händ eus parat gmacht. Ih dem Hotel hämer kei Zmorge buecht, darum simer au grad ufs Velo ghockt. Ich han grad mis neue Navi fürs Velo testet und muss säge... es isch gar ned mal so guet😅 mir sind eifach z'schnäll unterwägs gsi. Ufem schöne Velowäg am Fluss entlang simer dä id Altstadt vo Innsbruck cho. Dete hämer Velo noimed ahnegstellt und sind verusse bimene Kaffi ahneghöcklet und händ euses Kaffi und zmorge gnosse. Dä hämer überleit wasmer no so wänd mache. Es isch eich schnäll klar gsi, dassmer de Berg deruf wänd. Also hämer eus uf de Wäg richtig Top of Innsbruck gmacht. Schliesslich hämer die Nordketti chli gneuers ahluege welle. Zerst simer mitem Zügli zude Haltestell Hungerburg und dä umgstiege uf Seilbahn bis ih Seegrube ufe. Dete simer namal umgstiege für die letst Seilbahn, dassmer dä würkli über 2300 m über Meer sind. In Hafelekar ahcho hämer eh wahnsinns Usblick über Innsbruck gha. Mer händ dä no en chline Spaziergang gnoh, dassmer nochli höcher gsi sind.
    Nachher simer wieder eis abe und is Resti. Bi mega ussicht hämer es Jauseplättli gnosse.
    Womer dä wieder ganz unde ahcho sind, simer chli dur Altstadt gschländeret händ es Gelati und en Apero gnosse.
    So und jetzte wämer no go Bädele. Also simer mit de Bikes wieder zrugg is Hotel und händ eh abchüehlig im Pool gnoh.
    Da s'ässe im Hotel so guet gsi isch, hämer grad namal dete gässe. Isch wieder sehr fein gsi und en Kaiserschmarren häts au no geh😋
    Müed simer wieder is Bett gheit und händ gli gschlafe.    Okumaya devam et

    Çeviriyi gör
  • Serfaus & Südtirol

    3. Tag - Innsbruck nach Serfaus

    4–5 Eyl 2024, Avusturya ⋅ ⛅ 26 °C

    Hüt morge hämer all eusi Sache packt und au wieder Velos glade. Mir händ eus es Stettli usegsuecht wo ich scho mal gsi bin. Es gaht nach Rattenberg. Das isch die chlinscht Stadt vo Östrich und hät grad mal knapp 500 Ihwohner. Dete ahcho simer zerst ihnes Kaffi und händ dete öppis zmörgeled. Nachher simer no dur das chline Stättli gschländeret. Rattenberg isch für sini Glaskreature bekannt und ah jedem Egge chasch öppis us Glas chaufe. Mir sind aber au fündig worde... ABER natürlich miteme Möckli Fleisch😅
    Dä hämer eus wiiter uf de Wäg nach Serfaus gmacht. Plötzlich hämer es Schild gseh mit Achensee. Dä bini mal rasch go luege und gfunde det ahne mümer doch au no. Und da Selina und de Däddi nonig abgfahre sind, hämer no gnueg Ziit. Nur scho Fahrt isch schön gsii und de See gaht zwüsched de Berge rächt wiit hindere. Sehr klar und im schöne türkisblau ischer daher cho. Mir händ dä noimed parkiert und sind dä chli am See entlang gloffe. Irgendwänn häts eus dä packt und mir händ au drih gumpe welle. Zrugg zum Auto go Badzüg mondiere. Uhhh... isch doch chli chälter gsi wie erwartet😬 aber eh herrlichi abchüehlig gsi.
    Nachher hämer eus dä würkli uf de Wäg uf Serfaus gmacht. Voll ih die Schlächtwätterfront simer au gfahre. Richtig gruusig gsi. Also simer grad is Hotel und händ mal euses Zimmer bezoge. Richtig schöns Zimmer mitere mega Ussicht. Scho glii isch Selina und de Däddi cho. Ich bin dä mit de Selina de Pool go usteste und Manne sind is Bier😅
    Znqcht hämer au grad im Resti ignoh wo bim Hotel gsi isch. Mhm... soo fein. Mir händ dä no en Spaziergang dur s'Dorf gmacht, hät aber alles zue gha.
    Darum simer dä im Hotel ade Bar no eis go zieh und scho gli is Bett.    Okumaya devam et

    Çeviriyi gör
  • Serfaus & Südtirol

    4. Tag Serfaus

    5–6 Eyl 2024, Avusturya ⋅ ☁️ 10 °C

    Herrlich gschlafe aber leider gseht s'Wätter ned so rosig us. Jetzte gömmer zerst mal go luege was so zum Zmorge git. Es wahnsins Zmorgebuffet. Dä chömer eus dä satt ässe. Selina und de Däddi fiirets au. Nach de Stärchig hämer gluegt wasmer möched.
    Euses Tagesziel isch hüt Quellenwanderig. Für das simer zerst mitem Wanderbus uf Fiss übere ah Talstation. Dete mitem Gondeli zoberst ufe. S'wätter isch würkli ned so prikelnd gsi. Es isch en rächte Wind gange. Mer sind grad losggloffe. De Wäg füehrt eus alles am Berg nache bis uf Serfaus übere. Es isch eus scho fast es bitz z'fest abe gange.
    Nach öppe 1 Stund und 45 min simer dä ahcho. Da ah dere Station ned so vill gloffe isch simer mitem Bähndli no zoberst ufe. Läck isch das chalt gsii. Darum simer grad eis go schnappe.
    Mitem Bähndli wieder abe und dä simer wieter abe gloffe zude Hög Alm. Dete isch dä es Kinderparadis.
    Mir sind dete is Resti go öppis trinke und händ eis es feins Plättli gönnt.

    Spöter simer mitem Bähndli wieder abe richtig Hotel. Dä simer in beheizte Pool gumped. Herrlich gsii. Fürs Znacht simer wieder usem Hotel gange. Sehr fein gsii. Zimli müed simer is Bett gheit.    Okumaya devam et

    Çeviriyi gör
  • Serfaus & Südtirol

    5. Tag Serfaus

    6–7 Eyl 2024, Avusturya ⋅ ☁️ 12 °C

    Nachem mega feine Zmorge sind scho Nadia und de Luca ahgreist. Schnäll hämer eus ih Velochleider gstürzt und scho simer ufem Velo ghockt. Ja hüt gömer mitem Velo de Berg uf. Ja isch rächt stutzig gsi. Zwüscheziel isch wieder Hög Alm gsi. Ahcho hämer churz die schön Ussicht gnosse und sind no wiiter gfahre ih Mittelstation. Manne sind dä no ganz ufe tramped und mir Fraue sind ih Beiz go Skipo spiele. Ja s'Wätter hät gmacht was wott. Zwüsched dure immer wieder chli grägelet und dä wieder Sunne.
    Nacheme Ziitli sind Manne wieder abe cho und mir händ es feins Plättli gässe.
    Spöter simer dä wieder id Hög Alm go Rodle. Das hät mega Spass gmacht. De Däddi hät solang ned brämst biser de Luca ihgholt hät. Ja sie händs zäme ufs Föteli gschafft🤔😅

    Nacheme feine Aperetiv simer zrugg is Hotel go bädele.
    Da Nadia und de Luca nonig ih dem Resti unde am Hotel gsi isch, hämer dete znacht gässe. Isch sehr fein gsi. Sind aber all au chli grederet und uf de Stümpe. So simer au scho bald is Bett go pfuuse.    Okumaya devam et

    Çeviriyi gör
    Gezinin sonu
    14 Eylül 2024
  • 2025© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga