Ägypten 2023

am zisti si mir am 8.00 vo üsem fahrer im hotel abhout worde und richtig marsa alam gfahre. der wäg dert häre füehrt eifach dürs nüüt düre. trotzdäm isches wunderschöön gsi. links isch das wunderschöne rote meer und rächts die riisegrossi wüesti. beides geit bis zum horizont und het kes ändi. in marsa alam ahcho si mir im ,hafe‘ usgstige (das isch eifach sone sandhügu wo is meer raagt). dert hei üs ganz viu ching wöue bändeli verchoufe. ahschliessend si mir ines gumiböötli ihgstige und zu üsem touchboot gfahre. mitem touchboot simer ä gueti stung zu däm sogenannte dolphinhouse gfahre. scho ufem wäg churz vor däm spot si üs delphine nachegschwumme und mir hei üsne ouge nid trout. d touchlehrer hei üs sofort gseit das mir üs söue ready mache und när is wasser hüpfe. und äntlech isches so wit gsi… mir hei dörfe mit wiude delfine ga schwümme. das einmalige erläbnis isch wunderschöön gsi und eifach unvergässlich. nachem erste touchgang hetts ä churzi pouse gäh. ahschliessend si mir zumnä riff gange und hei dert di schönste farbe u fische chönne bestuune. wo mir de wieder zrügg ufs touchboot hei müesse, hetts när ä lunch gäh und mir si derzue zrügh uf marsa alam.
in marsa alam simer zersch vom abdo umegfüehrt worde u hei chli kultur lehrä kennä. nach der tour het är üs zum ahmed i lade brunge wo üs när züg isch ahträit worde. är het ä shisha ready gmacht und üs es tee bracht u när isch übers gschäft diskutiert worde…
vo parfüm über bodylotion über biuder und so witter hei si üs wöue verchoufe. öppe am 18.00 hei mirs gschafft das gspräch am ändi la zue cho und wieder üsem fahrer bscheid gäh. är het üs wieder is hotel zrügg bracht und mir si när no is pool ga bade.Read more