Lavorgo-Livorno😅

Nach etliche Vorbereitige a und mit eusne Camperlis, simmer am Sunntig Morge gäg di 10ni losdüüsed in Richtig Livorno. Planet wär eigentlich gsi, am Tag druf, uf die 9-stündig Fährefahrt z gah, doch wil die annulliert worde isch, hämer halt d Nachtfahrt müesse wähle, da mir euse 1. Campingplatz bereits bueched gha händ..
"Vom Räge id Traufi"...sprich; vom Tessiner-Räge- i no schlimmers Wätter, hetemer eus allerdings ned gwünscht/dänkt gha😅mer händ uf eusere fascht 5-stündige Fahrt so zimli alles a Wätterbedingige erläbt! Vo scho fascht summerliche Temperature (simer eus gar nüme gwöhnt..) über Starchräge/Gwitterfronte und sogar en uuunglaubliche Blitzischlag, genau näbed eus während de Fahrt🙉🙈
Nach emene chline Apéro inere typische italienische Bar ganz ide Nöchi vode Fähre, hämer eus ide Warteschlange vor dem riisige Moby-Schiff schochli gwundered, wie vil Autos/Turis i dere Jahresziit as gliche Ziil möchted, wie mir😉 uuunglaublich, was dä "Fährbuuch" mag schlucke...!! Nach zwei Std. warte, hät dänn euse "chlini Konvoi" auno sis Plätzli grad hinder enand gfunde, genau so wie mir eusi Schlafkabine dänn (Stäge ufe/Lift abe..nei doch ufe/und gfühlti 10km laufe..) im Deck 7 schliesslich bezoge händ.. huii, das isch ja schono es Erläbnis gsi..
Pfused jetzt über motoregrüüsch-gwagglig-vibrierende Bettlis und freued eus uf de Tag wos am 7ni heisst:
benvenuti in Sardegna😎😍Les mer