Relax pur uf eusem Lieblingsplatz😎😍

Nachere Nacht uf de Fähre, womer i eusere Kabine gnächtiged händ wied Murmelis, simer in Olbia guet gstrandet. E knappi Stund spöter hämer eus in San Teodoro ufem Camping Cala d'Ambra, womer euse bekannti Traumplatz für die erschte vier Nächt wider übercho händ, igrichted. Die wunderbari, farbefrohi,  früehligshafti Blüetepracht isch eus bereits uf de Hifahrt ufgfalle🏵🌸😍au s Wätter hät sich vonere fründlichere Siite zeiged😅so isches die letschte Täg immer wärmer worde - Sunne pur🌼
Vom Camping us, simer mit de Vespa (und z Fuess!😉) oft unterwägs und händ au s schöne Altstädtli vo Neuem erkundet, womer vil neui Eggeli känneglehrt händ. Zäme mt eusne Fründe, wo ihre Motor ide Wädli händ (per Velo💪👍) verbringemer gmüetlichi Stunde, au d Lachmuskle und feini Apérööli chömed natürli ned z churz..😆🥂 Nach ere stränge Ziit ide Schwiz, hämers eus ned näh lah, "d Flügel ächli hange" z lah-grad wie de idrücklichi Kormoran😎🧘🧘‍♀️ Morn gaht eusi Reis über de Pass 'Genna Arramene' nach Arbatax witer, wo eus s nächschte drü-tägige Abentür, devo ein Tag ufeme gmietete Boot, erwarted🛥🛟😅Read more