Restin af ferðinni...

Ég ók beint til Egilsstaða frá Stöðvarfirði, og eins og a.m.k. tvisvar sinnum áður keyrði ég inn í mun betra veður þegar ég kom niður af Fagradal. Það entist hins vegar ekki lengi: ég ók yfir Hellisheiði eystri í dimmri þokusúld og roki, og í svipuðu veðri áfram til Þórshafnar, þar sem ég eyddi nóttinni.
Það sást aðeins til sólar um kvöldið, en morguninn eftir var lágskýjað og þungbúið og ég nennti ekki að bíða til að sjá hvort það mundi létta til og því tók ég stefnuna á Húsavík. Auðvitað var svo hið besta veður þar, sól og hlýtt. Þetta var þriðja misheppnaða tilraunin mín til að skoða mig um á Langanesi og Melrakkasléttu.
Veðrið batnaði eftir því sem vestar dró, og á Akureyri var c.a. 15°C hiti og sól.
Ég var komin á Harrastaði - ættaróðal fjölskyldunnar - um fjögur, og var þar 2 nætur í rólegheitum með foreldrunum, og hélt svo heim á leið.Weiterlesen