Schweden 🇸🇪 | FindPenguins

最新のものから

足跡
写真

旅行の開始
2023年11月1日
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日1–2
2023年11月1日〜2023年11月2日
1泊
☁️ 13 °C
海抜: 16 m
ドイツ Rödingsmarkt 53.548944, 9.98734253°32’56” N 9°59’14” E
5
Auf nach Hamburg
2023年11月1日〜2日, ドイツ ⋅ ☁️ 13 °C
Gester simer am Morge früeh los richtig Hamburg. Mir hei e direkte Zug gha, was sehr gäbig isch gsi. D Zit heimer üs vertörlet mit läse, esse u gegenand Quiz spile. Mit ere Stund verspätig simer am späte Nami acho u hei i üses Cabhotel icheckt. Ner simer nume no ga zNacht esse u de früeh ga liege.

Hüt heimer e chlini Hamburg Tour gmacht. Nach em feine zMorge simer dür d Speicherstadt zur Elbphilharmonie gloffe u dert uf Plattform ufe. Es het zimlech gluftet u mir si froh gsi um die warme jagge.
Nachere halb Stund heimers de gseh u si dür d Stadt gschlenderet. Zum zMittag simer iz Katers Köök, ds isch es vegans Chatzekafi u e Tipp gsi vo Julians Schwost. Es isch sehr fein u gmüetlech gsi. Iz simer ume im Zug richtig Kopenhagen. Dert verbringe mer zwöi Nächt bevors när de uf Schwede witer geit. 🇸🇪もっと詳しく
翻訳をご覧ください
旅行者kes foto vo de chatze? 🫣
2023/11/02返信する翻訳する
旅行者Nei, di hei friedlech im Chörbli pfüselet u i ha se nid wöue störe 🙈
2023/11/02返信する翻訳する
旅行者happy dass uf dr plattform bisch gsi 😍
2023/11/02返信する翻訳する
旅行者Lebensziel doch no erreicht ☝️
2023/11/02返信する翻訳する
旅行者#jealous
2023/11/04返信する翻訳する
5以上のコメント
5いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日3
2023年11月3日金曜日
☁️ 11 °C
海抜: 18 m
デンマーク Kopenhagen Hauptbahnhof 55.672693, 12.56177755°40’22” N 12°33’42” E
1
Kopenhagen
2023年11月3日, デンマーク ⋅ ☁️ 11 °C
Z Kopenhagen simer gester Abe scho acho, aber si de glii ga liege.
Hüt simer de derfür dr ganz Tag dür d Stadt gloffe. Zersch hei mer üs mau es grosses Kaffi gönnt u ner simer de dür d Shoppingmeile zum runde Turm gloffe. Uf de Turm gits ke stäge, sondern me louft so im Kreis ufe. Dobe het me de e super Ussicht uf Kopenhagen.
Nachdem simer no witer zum Schloss Rosenborg u si ds oh vo inne ga aluege. Womer si usecho isch scho nachem Mittag gsi u mir hei beidi mega hunger ha, drum hei mer nis schnäu es Resti gsuecht.
Gstärkt simer de witer gloffe dür d Stadt u si natürlech no bim Nyhavn verbicho. Mir si beidi scho mau z Kopenhagen gsi, aber Julian het Nyhavn no nie gseh u drum hei mer ds unbedingt müesse nachehole.
Ab de vieri fahts hie scho afa dämmere, was ar Stadt oh ne spezielli Stimmig git. Müed simer iz ume zrugg iz Hostel zum Bei höchlagere u ner gömer de no ga zNacht esse. Morn geits witers uf Schwede.もっと詳しく
翻訳をご覧ください
旅行者 ❤️🫶🏽
2023/11/03返信する翻訳する
5いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日4
2023年11月4日土曜日
☁️ 9 °C
海抜: 15 m
スウェーデン Malmö 55.605083, 13.0030455°36’18” N 13°0’11” E
Einisch über Grenze
2023年11月4日, スウェーデン ⋅ ☁️ 9 °C
Am Morge hei mer no es sehr feins zmorge gha z Kopenhagen, ner hei mer packt u si gmüetlech a Bahnhof gloffe. Üses nächste Ziel isch Malmö gsi u dert here fahre Züg sehr regumässig. Nach ere halb Stund Zugfahre über d Öresundbrügg u somit über Grenze uf Schwede, simer de z Malmö acho. D Stadt isch nüt mega speziells. Mir hei aber e auti Mühli gseh, wo mer mega het gfaue. Was üs recht het fasziniert isch z Quertier Västra Hamnen mitem Turning Torso, e Turm wo sech um di eigeni Achse dräiht. Z Quartier u Malmö selber isch sehr am wachse u bekannt für ihri Architektur u Stadtentwickligsprojekt. Oh we mir nie i so grosse Komplexe wette wohne, isches no recht spannend gsi u erstunlech ruhig. Nach es paar Stund simer de witer gfahre uf Halmstad, wo üses Hotel isch.もっと詳しく
翻訳をご覧ください
6いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日5
2023年11月5日日曜日
☁️ 9 °C
海抜: 17 m
スウェーデン Vallgraven 57.705039, 11.96699757°42’18” N 11°58’1” E
4
Göteborg
2023年11月5日, スウェーデン ⋅ ☁️ 9 °C
Hüt morge hei mer z Halmstad no es meeega grosses zmorge Buffet gha. Dr Ort und z Hotel het mer mi Mitbewohner empfohle gha u es isch würk super gsi.

Da Halmstad nid so viu süsch z biete het, simer direkt witer uf Göteborg. Ds isch di zwöit gröschti Stadt vo Schwede u sogar z nachhaltigste Reiseziel weltwit, säge si.
Göteborg het chli meh z biete aus Malmö. Mir si dür d Stadt gloffe u i ds Quartier Haga. Dert gits e Spezialität namens Hagabullen. Ds si eifach so riesigi Zimtschnägge. Mir hei natürlech eini probiert, aber nur e Miniversion.
När simer no zum Skansen Kronan ufe, ds isch früehcher e Wachturm gsi u hüt het me eifach e mega guete Usblick uf d Stadt. Vo dert gseht me oh guet wie grüen dases isch u grössi isch eim gar nid so bewusst.
Üse Rhythmus wird aktuell recht beiflusst, das mittlerwile ab de 4i scho am idunkle isch. Mir wärde schnäu müed u hei zgfüehl es sig scho mega spät. Dür das gö mer aube früeh ga liege u schlafe oh sehr lang, was aber oh sehr guet tuet.もっと詳しく
翻訳をご覧ください
旅行者 hesch am schuumgott dankt?
2023/11/05返信する翻訳する
旅行者we love the schuumgott 🫶🏻😂
2023/11/05返信する翻訳する
旅行者I danke ihm immer ☝️😂
2023/11/05返信する翻訳する
旅行者wär seit dases nid ä Schuumgöttin isch? 👀
2023/11/13返信する翻訳する
旅行者I däm Fall isches e Herr gsi. We e Frou z Kafi macht ischs natürlich e Göttin 🤝
2023/11/13返信する翻訳する
3いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日6
2023年11月6日月曜日
☁️ 7 °C
海抜: 39 m
スウェーデン Linköping 58.41383, 15.62886658°24’50” N 15°37’44” E
E ungwollt länge Reisetag
2023年11月6日, スウェーデン ⋅ ☁️ 7 °C
Üses nächste Ziel vo üsere Reis isch Linköping. Ds isch zwüsche Göteborg und Stockholm. Mir si am Vormittag ufe Zug wo me het müesse reserviere. Dä isch aber scho e halb stund z spät abgfahre, was chli blöd isch gsi, wiu mir oh genau so viu Zit hei gha zum umstige in Katrineholm. Drum hei mer scho mau afa luege, wenn das de dr nächst würd fahre u hei gmerkt, das Züg vo Katrineholm uf Linköping nume au stund fahre. Irgendwenn ungerwägs isch de dr Zug nomau länger zum stah cho. Wiso wüsse mer leider nid, da Durchsage nume uf schwedisch si cho u mir absolut kes Wort hei verstande. 😜 Nach eme zitli simer emu de witergfahre u mit über eire stund Verspätig z Katrineholm acho. Aber isch no gäbig gsi, wiu so heimer emu de nüm lang ufe Aschluss müesse warte. Ungerwägs simer a vielne See verbi gfahre u schöne Herbstlandschafte, hei gläse oder gfachsimplet, was äch dr Zugbegleiter i sire Durchsag het gseit. Mir si guet acho in Linköping (oh wes 1.5h später isch gsi) u si de ga esse u no bitz dür z Städtli gloffe. Hie gäbs es cools Freiliechtmuseum, aber ds isch hüt leider zue gsi u morn tuets üs oh z spät uf für das mer no chönnte gah. Drum ischs iz eifach e Zwüschestopp u morn geits für paar Tag id Houptstadt.もっと詳しく
翻訳をご覧ください
5いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日7
2023年11月7日火曜日
☁️ 7 °C
海抜: 21 m
スウェーデン Norra Bantorget 59.335895, 18.05073159°20’9” N 18°3’3” E
Hej fran Stockholm
2023年11月7日, スウェーデン ⋅ ☁️ 7 °C
Ab id Houptstadt. Losgange isches oh dä Morge wieder mit ere Verspätig. Aber mir si guet gäge Mittag in Stockholm acho. Dert hei mer oh gad scho dörfe im Hostel ichecke.
Ner simer los solangs no hell isch. Zersch simer afa mau ines Kafi u mer hei mer früsch gstärkt Gamla Stan erkundet. Ds isch d Altstadt vo Stockholm. Mir si erstunlecherwis recht allei gsi dert, was mega friedlich isch gsi. Di Gässli u Hüsli si recht beidruckend. Wos de het afa dunkle simer ir Shoppingstrass glandet u dert hei mer de chli glädelet u paar Souvenirs kouft.もっと詳しく
翻訳をご覧ください
4いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日8
2023年11月8日水曜日
🌧 7 °C
海抜: 44 m
スウェーデン Skansen 59.326626, 18.10528259°19’36” N 18°6’19” E
E guet gnützte Rägetag
2023年11月8日, スウェーデン ⋅ 🌧 7 °C
Was macht me somne klassische Rägetag ire Stadt? Genau, me geit ines Freiliechtmuseum☝️Mir si im Skansen gsi, ds isch mitz ir Stadt u i däm Park wärde alte Kulture u Hüser vo Schwede zeigt. Dä Park gits scho sit über 100 Jahr isch würk sehr sehenswert. Da es würk dr ganz Tag het grägnet simer fasch allei gsi u ds isch würk cool. So hei mer üs mega viu Zit chönne näh u teilwis hets Mitarbeiter:inne gha, wo eim de die aute Hüser, Traditione oder Maschine erklärt hei. Nach em zMittag hei mer dr Räge doch de chli gseh u drum simer no ir Paradox Museum. Dert hets viu so Illusione u mir hei üs dert super chönne beschäftige.
Nachdem simer doch de rächt knüttlet gsi u si zrugg iz Hostel ga häre liege. Am abe simer de no feini Köttbullar ga zNacht esse. 😋もっと詳しく
翻訳をご覧ください
4いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日9
2023年11月9日木曜日
🌧 8 °C
海抜: 94 m
スウェーデン Skyview 59.293636, 18.08288359°17’37” N 18°4’58” E
Ussicht über Stockholm
2023年11月9日, スウェーデン ⋅ 🌧 8 °C
Mir hei hüt Hostel mau chli früecher verlah aus süsch, hei üses Gepack ines Schliessfach tah am Bahnhof u si afa mau ga zmörgele. När hei mer müesse üse Zug für hüt no reserviere, da über d Interrail App aus usbuecht isch gsi. Mir hei emu no es Plätzli übercho. Nach em bueche simer no zur Avicii Arena gfahre. Dert hets quasi so Chugle vo ufd Chugle fahre u ds nennt sech SkyView. Mir si di einzige gsi u hei d Chugle u d Ussicht für üs gha. Me fahrt dert 5 Minute ufe, het 5 Minute Ussicht u fahrt ume 5 Minute abe. D Ussicht isch würk super gsi, aber es isch schad, isch me nid so lang dobe. Z Fahrwärk het mi schlussendlich de meh intressiert 😂☝️
Nachdem simer ga Käffele, ga zMittag choufe und ab ufs Zügli. Es geit nämlech langsam heizue u drum simer iz uf Lund gfahre. Ds isch e Studentestadt ir nechi vo Malmö u morn wird die no erkundet.もっと詳しく
翻訳をご覧ください
旅行者aso mi hätt iz das fahrwerk o biz me interessiert als dussicht 😍
2023/11/10返信する翻訳する
旅行者I love it 😂😍
2023/11/10返信する翻訳する
3いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日10
2023年11月10日金曜日
⛅ 8 °C
海抜: 42 m
スウェーデン Universitetshuset 55.705211, 13.19118255°42’19” N 13°11’28” E
Es geit wieder gäge Süde
2023年11月10日, スウェーデン ⋅ ⛅ 8 °C
Hüt morge hei mer no Lund erkundet. Z Morge hei mer bire feine Bäckerei gha. Gloub isch ganz guet, das mir nid z Schwede wohne, mir würde üs gloub ständig überesse hie. Lund isch es chlises Städtli mit vielne alte Hüser u Charme. Üs hets mega guet gfaue hie. Sogar dr Dom simer ga aluege. Ds sig schins dr ältischt vo Skandinavie, hei mer de später usegfunde. Dr Dom selber hani eher gruselig gfunge, aber dinne hets sons auts Uhrwerk mit Kalender u auem druf gha (siehe Bild made by Julian). Die Uhr hani echt faszinierend gfunde, vorauem da die oh scho hunderti vo Jahr aut isch.

Nachem zMittag simer ufe Zug richtig Kopenhagen u vo dert geits iz no uf Lübeck. Ungerwegs isch mau no z Sünneli fürecho, mir hei Uno gspielt, freud gha ab dr Modellisebahn im Bahnhof Kopenhagen und die dütschi Bahn fahrt natürlech oh scho ume zspät chum simer über Grenze. Die Fahrt geit insgesamt 7 Stund (je nach Verspätig de no meh), drum gits süsch nüm viu spannends.もっと詳しく
翻訳をご覧ください
4いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日11
2023年11月11日土曜日
☁️ 8 °C
海抜: 32 m
ドイツ Holstenhafen 53.866361, 10.68492953°51’59” N 10°41’6” E
Hansestadt Lübeck
2023年11月11日, ドイツ ⋅ ☁️ 8 °C
Bevor das es hei geit, hei mer no e zwüschestop in Lübeck gmacht. Nach em ne feine ZMorge si mer dür d Altstadt gschlenderet. Di isch sehr schön u absolut sehenswert mit huufe aute Hüsli. Lübeck isch bekannt für z Marzipan u drum simer bi Niederegger Marzipan verbi, ds isch dr bekanntist. Di hei nämlech e Shop, es Cafe und es Museum. Mir si dert iz Museum u hei vieles über Marzipan und dHerstellig erfahre. Kouft hei mer üses Marzipan-Mitbringsel de aber im ne andere Lade vo ihne, da im Houptgschäft viiiiiu zviu Mönsche si gsi. Drum Tip faus dr mau in Lübeck sit: Si hei drü Läde ir Stadt u bi de andere zwöi louft grundsätzlech weniger.
Am Abe simer ume zrugg uf Hamburg, hei zNacht gässe u üs dr Abe miteme herte Uno-Fight verchürzt. När isches de ufe Nachtzug gange richtig Basel.もっと詳しく
翻訳をご覧ください
3いいね
Schweden 🇸🇪旅行者
旅行を表示する
死ぬまでにやっておきたいことリストに追加死ぬまでにやっておきたいことリストから削除
共有
日12
2023年11月12日日曜日
🌧 7 °C
海抜: 293 m
スイス Bahnhof Basel SBB 47.546752, 7.58919647°32’48” N 7°35’21” E
Back in Switzerland
2023年11月12日, スイス ⋅ 🌧 7 °C
D Schwiz het üs wieder... Mir hei e Schlafwage gha die Nacht u das isch scho recht komfortabel. Drum simer usgschlafe in Basel acho und si iz ufem heiwäg.
翻訳をご覧ください
旅行者schön siter ume da! 🫶🏻
2023/11/12返信する翻訳する
旅行者😍😊
2023/11/12返信する
3いいね
旅行の終了
2023年11月12日