Lobuche - Kala Pattar 5545m - Lobuche

No engem räichhaltegen Breakfast mat Porridge, Toast Eeër an vill Téi fir eis opzewiermen, sinn den Fränk, den Haribadu an ech fréi lassgaangen fir op den 5545m héijen Kala Pattar - schwaarzen Hiwwel - ze kommen, dem Héichpunkt vun eisem Everest Trek. Iwwert Gorak Shep op 5200m hunn mer den Kala Pattar an Ugrëff geholl. Et war immens ustrengend, zum Schluss hunn ech just nach 10 bis 15 Schrëtt gemaach, ier ech erëm eng Paus gemaach hunn fir duerch ze ootmen. An et war immens kal. Géint Mëtteg hunn mer den héchsten Punkt vun eisem Trek, den Kala Pattar op 5455m erreecht. Ech hunn e puer Fotoen gemaach an war dono just nach iwwerwältegt vum Panorama ronderëm eis 🤩. Pumori, Everest an Lhotse an den Khumbu Gletscher waren d'Arena ronderem eis. Um Wee erof war mäin Kapp esou eidel, dass ech näischt méi konnt denken. Zeréck zu Lobuche hat den Fränk ganz vill Kapp wéi an ech hunn gehofft, dass mer Nuecht nach gutt géifen iwwerstoen 😨.Читать далее