Sturm in Krabi

Ufem Weg uf Krabi simmer inen Sturm grate 🥴 S'Schiff het extrem gschwanket, Koffere wo dusse gstande sind, sind komplett durchnässt und ganz churz hemmer Angst gha, dass die ganz Fähre kippt. Das isch glücklicherwis nöd passiert & mir sind sicher, aber komplett verschiffed in Krabi acho. Nach de Hitz und sehr schwitzige Zit uf Phi Phi Island isch das gad e sehr willkommeni Abküehlig gsi 😍 mir sind denn direkt uf Post, womer ENDLICH euses z'viel ipackte Züg in Richtig Winterthur gschickt hend 🥰😍 Tally het denn Schueh vomene Barkeeper becho will ihri eigene kaputt gange sind - und i dere Bar hemmer, nachdem mer d'Schueh zruggeh hend, de best Mojito vode Reis bis ez gha! 🍹🙏 Zum Zmorge hets frischi Frücht für gad mal 1.50 Franke geh, zuebereitet vom Dr. Indiana Jonas. Ez sitzemer am Busbahnhof in Krabi, womer zersch 40min anegloffe sind; de erst länger Fuessmarsch mit de Rucksäck. Es geils Gfühl, findemer beid - vor allem mit weniger Gwicht ez! 🐾🐾Read more