🤢 uf Koh Rong

Lang ischs gange, trotzdem simmer ned devo verschont blibe: Magen-Darm-Problem. Zersch hets de Jonas gnoh, denn Tally. Mir hend beidi mit rumordende Mäge & Dünnpfiff z'kämpfe gha 🥲

Glücklicherwis hemmer e super tolli Unterkuft gha, s'Guesthouse vode Lily. Mer sind gad no acho dete, bevors Tally gnoh het.

Das Guesthouse isch direkt am Fluss gsi, ganz abglege vom Rest uf de Insle. I eusem Zuestand isch das sehr agnehm gsi. Mir hend eifach es paar Täg mit Schlafe, Podcast & Hörbuech verbracht, inkl Malibufläsche als improvisierti Wärmeflasche. D'Regesaison isch denn losgange & so sind Täg sehr unspektakulär, aber erholsam gsi. D'Hünd vode Unterkunft hend uf jede Fall ghulfe, dases eus beidne bald besser gange isch 🥰🐶Read more