Kwenda statt Delphin

Hüt Morgä hani früeh müesse uufstah, will ich e Tour zum Schnorchle und Delphin luege buecht han. Pünktlich bini ade Reception gsii, deet hani zwei dütschi Fraue (Bettina und Andrea) känneglernt. Nach öppe 50 Minute warte hämmer zum Boot chönne. Das hät ois ufes grössers Schiff braacht. Mir sind aber allei uf dere Tour gsii 🤗
Womer ufem grosse Schiff gsii sind, isch de Motor nöd aagloffe. 🥴 Nach knapp einere Stund ufem Schiff simmer denn wieder zrugg zum Hotel braacht worde. Bettina und d'Andrea händ denn gfräged, ob ich mitem Schifftaxi mit uf Kwenda (de schönschti Strand uf Sansibar) choo wett. Drum hämmer es mega schöns Alternativprogramm gmacht. Trotz laufendem iicreme hani en Sunnebrand iigfange 🥵.
Es isch en lässige Tag gsii 💖Leggi altro