Delphine und Schnorchle...

Hüt hämmer nomal oisi Delphin und Schnorcheltour ghaa. Hüt isch de Motor gloffe 🤣
Das Schwümme mit de Delphin isch nöd soo das gsii, wo mir ois vorgestellt händ. Öppe 20 Schiffli gfüllt mit Tourischte sind übers Meer brätteret und sobald sich noimeds e Delphinflosse zeiged hät, sind alli is Wasser gumped. Mir drüü Fraue händ denn recht schnäll entschiede, dass mir so nöd mit de Delphin schwümme wänd und händ die schöne Tier denn vom Schiff uus beobachtet. Nachher simmer no ho schnorchle gsii, mega schön und entspannend. Am Namittag bin ich denn chli am Schatte nah. Han mich au geschter mega verbrännt, obwohl ich im halbstundetakt SPF60 iigschmiert han. Glaub würkli no sälte sonen Sunnebrand ghaa. Git also lei Selfies in nächschter Zyt 🥵
Das ärgeret mich scho chli, zumal i miim Koffer richtig gueti Sunnecrème wäri. Villicht heisst das 60 uf de tanzaniische Crème au eifach nume für Huut ab 60gi? 🥴🤔
Jetzt gömmer denn no go Znacht ässe (miini noie dütsche Bekanntis Bettina und Andrea) zum de letschti Abig uf Sansibar z'gnüsse. Morn gangi denn wieder ufs Feschtland woni denn d'Bettina und d'Margrit us de Schwiiz triffe für oisi Safari 🤩Leggi altro