• Voll packt simmer
    Falafel Döner, gar nöd mal so guet gsi leiderTraum Ussicht vs.10min spöter...😅Süüss😍Die strich sind ALLES Vögel...mega krass 🐦

    Ab uf Puerto Princesa 🚎 + ersti Tag dete

    November 12, 2024 on the Philippines ⋅ ☀️ 31 °C

    Am letschtä Tag in El Nido hemmer nümme en huufe gmacht. Hend zum Glück erst am 12i müsse uschecke deshalb hets zerst mal en laaange nap gäh. 😴 Mer hend denn packt und sind mit em ganze Palager numal fürä id Stadt gloffe. Sind denn no eimal as Meer und no paar chlini Souveniers go pöstele. 🛍️
    Uf di 4i simmer denn wieder zrugg mit meh TukTuk und hend euses Bus Ticket für uf Puerto Princesa kauft. 🚌
    Hend kurz müsse warte und in därä ziit eus no mit snacks usgstattet, so wie mer das halt so macht bi lange Auto fahrte. 😌
    Hend denn dörfe i en leere Bus ihstiege😍 Deshalb zerst grad mal usbreitet unds eus gmüetlich gmacht. D Fahrt isch 5-6 Stund gange. Wommer denn am 8i im Hostel ahcho sind simmer vom ne riese Köter begrüesst wordä.🙂 Das wär dä Moment gsi wo d Jasy und d Noemi fast wieder hinderschi usegangä wäred…aber sie hend durre zoge au wenn sie jedes mal Angst hend zum us em Tor z laufe. 😅
    Da mer nix zum Znacht gha hend hemmer uhh mega hunger gha. Restis i dä nöchi hets chum und die wos het hend scho zue oder mached glii zue…🫤 Somit hemmer online Mac bstellt. Öppe am 9i isch d Bstellig use. Luut App het sie sölle 30 Minute spöter ahcho. Sind denn zur ahgseite Ziit usegstande aber denn glii wieder inä go sitze. Fazit vo dä Story: dä Fahrer hets wohl selber gfrässä, hend bis hüt nix vo därä bstellig becho oder ghört. 😶‍🌫️ Am 12i hemmer denn halt beschlosse eusi Chips und Cookies als Znacht z ässä. Lieber das als nüt.🫠

    Dä nächst Tag het mit meh GROSSE Zmittag ahgfange Pizza und Pasta hemmer eus gönnt.🍕🍝
    Nachher hemmer welle as Meer doch ohh weeehh, wo isch denn s Meer. 😮 Danke ah därä Stell ah d Ebbe wo üses ganze bade Wasser weggsoge hät.🤨😂 Naja wills z heiss gsi isch simmer am 2i zrugg is Hostel hend eusi Wösch ready gmacht, chli entspannt und sind denn am Abig use no chli is Städli. Und ich sägä bewusst „li“ es isch würkli munzig und het nöd viel. Isch aber sehr herzig und het richtig guets Glace gha.😍
    Hend hüt mal dä Dessert vor em Znacht gässä.😂 Es het denn no paar runde UNO gäh und am 10ni simmer no in Jollibee öppis richtigs go ässä. So hemmer denn mit vollem Mage is Bett chönä gheie.✌🏻😁
    Read more