Ab zur Honda Bay 🚤

Am letschtä ganze Tag i dä Philippine hemmer numal en Usflug gmacht und vo all dene Usflüg wommer da gmacht hend ischs euse lieblings gsi!😇
Es isch wieder früeh losgange am 7.10 simmer abgholt worde. Sind denn 30 Minute gfahre und denn au scho ufs Böötli gange.🚤
Dä Usflug het 3 Stopps:
1. Stopp isch bim ne Riff gsi wommer wieder viel cooli Fisch hend chönä gseh. Nach überstandene Ahfangsschwierigkeite mit eusem Schnorchel hemmer denkt jetzt chömers gnüsse, doch leider hets mal wieder mega viel Qualle gha. Hend öppe 20 Minute usgahlte sind denn aber chli früehner als mer eich hette müsse use. 😅 Mer chönt meine langsam sött mers eus eich gwöhnt sii…🪼
2. Stopp isch uf dä Luli Island gsi. Sind det ahcho und di erste 1,5h eifach ällei gsi!😍 Hend üs gfühlt wie gstrandet ufere einsame Insle. 🏝️ Hend denn grad numal dä Schnorchel gno und sind is Wasser go gugge was es denn da so für Fischli het.

No also chlini Vorgschicht: Wo mer no im Auto gsi sind het euse Tourguide verzellt das es chan si das eus Fisch bisset wenn mer z nöch zu ihrem Dihei chömed. Mir glacht und denkt jaja als ob en Fisch bisst… 🐟

Sind denn chli im Wasser gsi und hend wieder ganz lässigi Fisch gseh um eus ume. D Noemi isch denn mit ihrem Fuess ah so en Struch härä cho underem Wasser. 🪸 Sie hett denn au gseh wie en chline Fisch zielstrebig uf dä Fuess zueschwümmt. Sie het en sofort weg gno und isch wäg gschwumme. Dä Fisch hett sich aber nöd abhänge lah und isch nah gschwumme immer wieder hets so usgseh als ob er eus wett ahgriffe. Er isch schnell uf eus zue gschwumme und kurz vor eus het er denn aber wieder kehrt. (Gits au es Video zue) denn verstaht mers viellicht chli besser😂) Mer hends chli beobachtet und denkt das wird jetzt eifach sis „Angst“ mache si das mer nümm zu sim Strüchli schwümmed. Mer sind also wiiter weg gange und abgstande im Wasser. Und denn het doch tatsachwahr en Fisch d Noemi bisse. Und dass Schluss am End insgesamt 3 mal, ab dete simmer nümme würkli Abgstande sonder nur no gschwumme hend da ja kein Fisch meh welle belästige.😅😂 Nach öppe 40min simmer denn wieder use. Will eusi Badetüechli i dä Wösch sind hemmer beschlosse in Sand z hocke und euses Innere Kind glücklich z mache i dem mer mal wieder richtig im Sand buddle dünd… 😁
3. Stopp isch d Insle Cowrie gsi. Det simmer eifach vo ahfang ah Baff gsi 😧 Palme, wisse Sand und strahlend blaues Meer…besser chönt mer d Philippine nöd verabschiede!🤗
Hend denn dete en super feine Zmittag gässä, chli Fotis gmacht, badet, viel gsünnelet und UNO gspielt.
Am 4.30 simmer denn wieder im Hostel gsi und hend eus ready gmacht. Sind zu demm Ziitpunkt di einzige i eusem Hostel Zimmer gsi. Chli spöter hemmer denn no en vierte Mitbewohner becho und ratet mal vo wo er chunt: Eifach us dä Schwiiz!😂 Was en meega Zuefall.
Sind am Abig numal bitz is Städli und denn aber bi ziite wieder hei go pfusse.😴Read more