Vollpackte Tag (2/2)

Nach em Museum hemmer zwei Stund ziit gha bis di nächst Aktivität losgange isch und zwar ä Boots Tour. Hend eus eini mit Unlimited Drinks buecht. 🍺🍷
Uf em Weg det härä hemmer no paar sachä pöstelet und sind no ines Pub eis go trinke und Mozzarella-Sticks go ässä.😋 Mit chli Stress und meh schüch gnervte Guide simmer denn luut eusere Sicht pünktlich am 19.15 losgfahre mit em Boot. 🚤 Hend dä ein oder anderi Wiiswii gschlürft und chli d Ussicht gnossä. Am Abig hemmer denn no en Escaperoom buecht gha und wow das isch mal en geile Escaperoom gsi. Ich glaub mir werdet i dä Schwiiz nie meh eine chönä mache…🥲 Treffpunkt isch inere Garage gsi und es het so ahgfange das mer per Text Message äs Rätsel becho hend zum löse. Das Rätsel het eus denn is Parkhuus gfüehrt wo mer es Auto hend müsse sueche und i dem Auto sind denn eusi „Items“ gsi zum s Rätsel löse. Es isch also en Escaperoom dur d Stadt gsi mit sogar Schauspieler wo mir hend müsse demit interagiere. Mer hend en leider nöd fertig gschafft aber er isch also würkli es 10/10 gsi!😌 Nach dem simmer numal i en Coffeeshop und hend nach chli hi und her en Cake Pop gässä. 🍰
Zu eusem gwunder het er echt krass gschmöckt und d Würkig isch au nöd ohni gsi🧐🙂‍↔️
Als perfekte Schluss und au Ahfang vom Tag simmer denn am 00:00 no fett go Italienisch ässä🍝🍕Baca selengkapnya