Euse Ostersunntig 🐰

Am letschtä ganze Tag hemmer chli uspfussed und sind denn zu dä Manja Pizza gloffe. Luut Ussag vo eusem Amsterdam Profi em Jarod söll das di best Pizza si. Am 11.30 simmer dete gstande doch dummer Weis macht sie erst am 12.00i und somit simmer fast zwunge gsi scho is erste Pub z gah. 🍺 Mir hend übrigens es neus Favorit Getränk gfunde und zwar Apple und Raspberry Bandit. Das chamer sogar scho am Morge trinke.😁
Am 12.15 simmer denn wieder uf dä Matte gstande, doch mir sind scho Vorgwarnt worde das Holländer nüt vo Öffnigsziite haltet und eifach chli mached wies gern wend. Somit hemmer denn erst am 14.00 eus chönä an Fluss setzä und die Pizza ässä. Es isch ja glaub selbsterklärend das mer i dä zwüsche ziit numal i es Pub sind…
Übrigens isch nöd z viel versproche worde, d Pizza isch meega gsi!🍕
S Ziel vo hüt isch d ICE Bar gsi. Uf em Weg det härä hets immer mal wieder es überlegigs-Bier gäh wie dä Fäbe und dä Sascha das so schön nenned…😂
Sind au no in Dungeon, isch eich wie es grussel Huus wo wohl d Gschicht vo Ämsti verzellt werde sött. Naja viel Gschicht hani nöd mitbecho aber grusslig ischs gsi.🫢
Am 19.00 simmer denn au mal no i dä ICE Bar ahcho und hend eus det paar Cocktails gegönnt. I dä Bar selber isch -9,5 Grad gsi und d Gläser sind au us Eis gsi. Isch also nöd so en lange Ufenthalt wordä.😅
Hend übrigens au no Konkurrenz für dä Big Burger entdeckt. Burger sind echt dä Hammer gsi doch was für d Jungs viel spannender gsi isch, isch d Zapfsäule i dä Mitti vom Tisch. 😂Okumaya devam et