Tadaa än neue Pingu vo dä Lady Drivers, au wenn nur en kurze. (Und ja schli z spat aber bi 4 Täg hemmer jedi Sekunde müsse gnüssä)😌 Eis isch ja langsam typisch und zwar: Es chan nie alles nach Plan laufe… und au dasmal hemmer eus stetig ah das Motto ghebet.🙂 Am Dunnstig isch abreise Tag gsi, doch zerst hemmer nach em schaffe no direkt an Match müsse bzw. welle. Nach dä 35gischtä Minute hemmer denn leider vorziitig müsse gah zum dä Zug au ja z verwütschä. Am HB ahcho simmer in Zug gstiege und hend no di restliche Minute gugget. SIEG für dä ZSC, so chan s Weekend ja nur guet starte, hemmer zumindest denkt…😅 Denn in Basel ahcho und mal en Blick uf d Tafle gworfe: Ausfall. Öppe s schlimmste wo mer hettet chönä gseh…mir denn s Ticket ahguggt und ahfange google was mer jetzt münd mache. Doch irgendwie isch niergends was gstande. Hend denn dä SBB ahglütet, nach 20minute i dä Warteschlange hemmer ufgäh und sind en Konduktor go frögä. Dä het eus denn voll Hoffnig gmacht vo wägä mir sölled es Tram näh und an nächste Bahnhof. Vo dete fahri denn wohl en Ersatzzug. Guet mir natürlich wieder voller Freud is Tram gstiege und an neue Bahnhof kesslät. Doch au det isch absolut nüüt ahgschriebe gsi. Sind chli wie hilflosi Hüehner umegloffe und hend denn numal eine gfrögt, sini Antwort: „Oh sucht euch ein warmes Plätzchen, ich empfehle im Bahnhof drinn.“ Genau die Wort wommer hend welle ghöre.👍🏼

Somit SBB checkt und en Zug für am Morge usegsuecht. Und denn isch au klar gsi was mir mached: Zrugg uf Züri und wie mers halt eich nach em Match so mached no in Usgang…😅🥳
Uf em Weg hemmer no drüü mega liebi Konduktore gseh wo eine eus sogar es SBB Personalzimmer het welle gäh das mer nöd wieder uf Züri müsstet. Doch euse Plan isch scho i Stei gmeissled gsi deshalb seeehr danken abglehnt🫶🏻 Hend aber i dä 1.Klass dörfe fahre.😇

Ja dä Koffer isch denn is Schlüssfach cho und so simmer denn no is Xtra und is Memphis. Am 6:15 hemmer eus denn uf dä Weg gmacht an Bahnhof. Tickets umschribe lah und los ischs gange uf Ämsti! 🚄Read more