Back Home

Am Morge simmer mit Rege begrüesst wordä was eich es guets Zeiche gsi isch zum Heigah. 🌧️ Sind no bitz go ässä, i paar Lädeli und denn am Mittag uf dä Zug. Eusä eigentlichi Zug hets natürlich nöd gäh aber hend kei Bock meh gha uf die SBB und sind eifach uf irgend en Zug wos eus ahzeigt het. 🚆 Bi dä Billetkontrolle het jeweils niemert öppis gseit, sprich ich glaub hend alles richtig gmacht.😂 Es sind denn zwei Züg sponti no usgfalle plus eine het 30 Minute verspötig gha…😴 Zug fahre isch nur was für starki Nerve. Dur d Verspötig hemmer denn dä Ahschluss Zug verpasst in Köln aber janu hend s beste drus gmacht und eus Pizza und Pasta gönnt. UND sind sogar no dä Kölner Dom go bestuhne.😁 Dä Zug vo Köln uf Stuttgart isch denn aber ä chlini Katastrophe gsi. Es het absolut kei Platz gha deshalb hemmer eus kurzerhand id Gepäckablag verzoge. Det hemmer denn chillt in mitte vo viele Bei…d Bilder helfed das besser z verstah. Und es sind 3h gsi…🙂😂 Ah ja und hani scho erwähnt das mer mit 20 & 15 Prozent us em Huus sind? 🪫 Hend also kei Platz gha und nöd mal Akku zum irgendwas am Handy z werklä. 🙂 Sind würkli langweiligi Stunde gsi. ⌛️
Im letschte Zug hemmer denn aber en Sitz gha und sogar ä Steckdose, somit hemmer immerhin 3h vo dänä 12 chönä „gnüssä“.😅
So am 00.00 hemmers denn gschafft gha und sind diheime gsi.😇 Somit gaht dä nächst Ladydrivers Pingu verbii. ABER wer weiss vielleicht gahts ja im Summer numal es weili weg?!🧐🫢Læs mere