Lady-drivers on the road🌍

Dä Tag hät hüt so schön gstartet, wer het det denkt das er mal so endet…!
Also mer fanget mal vo vorne ah. Mer sind zunere neue Underkunft gfahre und hend det euse Kolleg dä Alessandro in empfang gno.
Direkt hemmer eus uf dä Weg gmacht zum Turtle Conservationscentre. Mir hend ä gratis Füehrig becho und viel über d Schildkrote dörfe lerne. Zum Schluss hemmer dä grossi Schritt gwagt und eus dezue entschiede je eini z Adoptiere und somit ihri Freiheit z ermöglichä. Mir hend sie dörfe Taufe:
👩🏽->Bubble | 👩🏼-> Shelly | 🧑🏽->Flippy
Nachher ischs ufs Böötli gange und use richtig Meer. Voller Herzschmerz hemmer sie is grosse wiite Meer entlah.🌊
Spöter hets en feine Zmittag gäh und denn simmer ab an Strand.🏝️
So jetzt fang di ganz Story erst richtig ah. Mir hend denkt: Wow was en guete Wechselkurs!🤭
Mir drüü Dubble hend die Chance gseh und natürlich SOFORT ergriffe. Geld gholt und ab i di erst Wächselstube (Naja es isch öppe ein Meter lang und eine breit gsi und bis uf es chlises Tischli hets nüt gha.) Im Nachhinein het das dä ersti Hinwiis sölle si. Mit meh doch nümm ganz so guete gfühl hemmer mal erst 100 vo 500 umtuscht. Alles tiptop gloffe aber er isch eus mit sine ganze Frage doch nöd so vertrauenswürdig überecho. Deswege simmer am Endi vo dä Strass is nächste Wächselstudio inä. Det hemmer no di restlichä 400 wächslä lah. Dä isch eus jetzt glaubwürdiger übere cho, hät d Nötli sogar under s Blauliecht ghebet.👍🏼 Es nötli vom Flughafe hemmer den sicherheitshalber au no uf d Identidät überprüeft. Mer chönt also meine mir hend würkli alles geh, inklusive Taktik!
▪️Noemi, zueständig für überprüefig vom Wechselkurs und s rede.
▪️Alessandro, zueständig für s nahzelle vom Geld und stichprobenartig unders Blauliecht z hebe.
▪️Michelle, zueständig für nie die cheibe Händ vo ihm us dä Auge lah 👀
Alles i allem eich en Wasserdichteplan. (Hemmer denkt)
Nach dä viele Frage vom Händler wo euses Hotel isch simmer mit grosser Angst überfalle z werde im zickzack Spurt zrugg is Hotel.
Puhhh gschafft ahcho im Hotel, Geld versorgt und denn eich wieder welle uf d Pirsch nach äsää da dä Schreck!
Am Alessandro fehled 700‘000 Rupie. D Michelle und d Noemi stelled sini Mathekünst drastisch in Frag. Nach drüfachem nahzelle denn dä spurt zrugg is Zimmer. Eus fehled fucking 3,5Mio Rupie!!!!🤬->dä Noemi ihre usdruck!
Jetzt folgt en Dialog: *in U 18 Version (ohni Flueche)
Noemi: Zu denne gömmer jetzt aber sofort
Alessandro: Chill bringt ja eh nüt
Noemi: Moll das macht mi jetzt aber putze hässig!
Michelle: ja die werdet eus das Geld eh nöd gäh
Noemi: Sie sölled wenigstens wüsse das mir das jetzt checkt hend die ******

->mached eus uf dä Weg richtig Wechselbüro, Noemi voraus Michelle und Alessandro hinedrii

Alessandro: Uii nei Michelle d Noemi isch so hässig beruigh sie chli
Michelle: nei das bringt nüt wenn sie hässig isch
Noemi: Ja hend recht mer chan mi jetzt nöd beruhigä, mached chli nöd das er weg isch

-> vor em Händler: d Noemi setzt ihres breitiste Grinse uf! Und ab isch s Schauspiel mit dä beste Englischkünst gange.

Noemi: hello it’s us back again. Would you be so gentle to show me how the trick goes with the money who disappears? That would be so interesting for me.
Händler: silence
Noemi: Look I know you cheated on us and the money is gone.
Alessandro: We have 3,5 Millions ähh…
Michelle: (verfolständigt dä Satz) …less
Händler: Don’t speak englisch (vorher wie google translate mit eus uf Englisch gredet…aber ja du chasch kei Englisch)
Alessandro: You can speak English
Noemi: You did a great job, enjoy your meal
Alessandro: But it’s not okey
Michelle: have a good evening
Noemi: sleep well with this in mind
Alessandro: Bye, but it’s not okey

So mit erholter Seel simmer denn wiiter und hend übers gschenigä chönä lache. Het mer mal en chline Blick ufs Handy grichtet, hett eus Google vollumfänglich gwarnt: scheisse wemmer mal kei Internet het. Für alli wos interessiert es git es Video wo zeigt wie die das mached mit em Trick…

Ab is Resti hemmer denn denkt. D Uswahl isch uf Vegireis und zwei Hamburger glandet.
Nach zwei bisse vom Burger jedoch wieder en neue schreck: Das schmöckt nach Fisch. 🐟
Joa hend s Fleisch den nöd gässä, aber vom meega liebe Resti-Inhaber defür ahbotte becho en neue Hauptgang z bstelle. Mir hend dankend abgleht aber hend au würkli gnueg gha vo dä Vorspies. Als chlini überraschig isch er denn doch no mit vier Kuglä Glace fürächo. Somit dä Tag doch no guet gendet.

Am spötere Abig hend denn am Alessandro sini Eltere no drüü Frage zu sim erste Tag gha die wäred:
1. Wie ischs Hotel?
2. Wie ischs esse?
3. Hender en guete Tag gha?
Am liebste hett mer die all mit: „frög lieber morn numal“ beantwortet.

So Fazit: Tag zwei chan nur besser werde.
Sorry für dä langi Roman aber hend eu bi dem Erlebnis müsse debi Teil lah ha. 😇😘もっと詳しく