Peniche.

Am nögschte Tag isch den de Surfkurs ahgstande.🏄🏽‍♀️🏄🏻‍♂️ Wills Wetter am Morge nöd eso guet mitgmacht het isch de Kurs den uf de Namittag verschobe worde. Die Zit am Morge hemmer den fürs Poste und e Joggingrundi durs Dörfli an Hafe gnutzt.🛳
Ez chans endli looooosgha.🏄🏻‍♂️🏄🏽‍♀️ Bi öppe 27Grad simmer zum Surgunterricht gange. Traumhafts Wetter, sehr heiss und perfekti Welle zum surfe.😍 Mir hend gwüsst dassmer sicher en Neoprenahzug ahlegge müend und hend üs drum au nöd gross mit Sunnecreme ihgstriche. Mit zwei Östricher, also innere 4er Gruppe hemmer den s‘Surfbrett packt und sind knapp 20 min am Strand entlang gloffe bis zum perfekte Surfplatz. Ahschlüssend hemmer e Stund Ufwärmüebige, Theorie natürlich ohni Neoprenahzug gha. DSunne het gschunne und d‘Schultere hend brennt.🔆 1,2,3,4, SUUUURF, das sind dWort gsi vom Surflehrer.. Ich muss sege, bi de Theorie hanich echli bedanke gha dasses du den im Wasser ufs Surfbrett schaffsch.😝 Im Wasser het den de Spass richtig ahgfange und mir hend e unglaublich cooli Stund ufm Surfbrett verbracht. Praxis isch der definitiv besser glege uns du bisch gsurft und gsurft wienen Weltmeister.🏄🏻‍♂️🥰 Dini Ihversüchtige Blick wommich de Surflehrer immer und immer wieder globt het und nur mir Handklatschs ghe het, vergissi nümme eso schnell.😋😘
Nudelfix und feritg hemmer ahschlüssend mit üsne zwei bekanntgmachte Östricher no de Abig am Strand mit Bierli usklinge lah.🍺Read more