🇨🇭- 🇹🇷 - 🇿🇦

Irgendwenn ischs den glich mal no losgange. Z‘Züri am Flughafe hani de Ferres kenneglernt und per Zuefall simmer den grad auno nebet e nand im Flugi gsesse. Dank ihm und sine Reisestorys sind die paar Flugstunde uf Istanbul wie im Nu vergange. Willmer wetterbedingt nöd hend chöne in Istanbul lande, hemmer immer meh und meh Verspötig gha und langsam isch eus Zit devo grennt.😵‍💫 Diversi Passagiere hend de Ahschlussflug verpasst aber de Ferres wo witer uf Singapur gfloge isch und ich uf Kapstadt, sind dur de Flughafe in Istanbul grennt und hends zum Glück beidi no ganz knapp is Flugi gschafft. @Ferres, bim Witerflug hani tatsächlich e ganzi Sitzreihe für mich gha.😂 Ich hans mer den gmüetlich gmacht, mich usbreitet, de zNacht verschlafe und bim zMorge bini den wieder verwachet. Nach zwei witere Flugstunde simmer den in Kapstadt glandet. Völlig unkompliziert isch Passkontrolle wie au dGepäckusgab verloffe und somit bini churz drufabeh scho im Taxi richtig Stadtzentrum gsi. Da het mich den mini gmüetlich Wohnig erwartet.Lue lisää