Ersti Duschi, Witrfahrt, Stockholm

Hüt Morge hei mr di ersti ...chauti🥶... Outdoor Duschi gno. Brrrr, ja es isch chaut gsi. Aber iz simr früsch duschet. Nachemne Müesli u emne Kaffi ir schöne Sunne simr witrgfahre. Aso so schnäu wini ds iz gschribe ha, ischs ni gange. Am Morge hei mr mind. 2h bis mr parat si zum Witrfahre (Bett vrrume, Gepäck umrume, dusche, aues füre nä zum zMörgele, aues widr vrrume, etc.) Es brucht haut eifach sini Zyt im Camper. In Stockholm simr e churze Zwüschestopp ga mache u ner aber de gad witrgfahre. Ane wunderschöne Ort, womr widr e prachtvolle Sunneungrgang hei chönne gniesse. Köcherlet am Meer bimne wundervoue Sunneungrgang, ganz fridlech für üs allei. Eifach nume schön.Read more