Hüt isch niso viu passiert. Mir hei dr Steuplatz vo letzt Nacht no richtig gnosse hüt morge. Hei zMörgelet, Yoga gmacht, tänzlet u dr Ort eifach so richtig gnosse. U Schwizer hei mr ou no troffe. Es isch wük witzig, aber mir chöi im hingerste Dörfli si u treffe geng widr Schwizer. Nach üsem Morgeritual simr no is Coop🤪 ga ihchoufe. Natürli es schwedisches coop... Ner simr 6.5h witrgfahre ih Norde. U di 'Outobahn' isch echt müesam gsi. Es het immer ca. e haube Kilometer 2 Bahne gha u ner ischs widr zu eire worde, drfür hets ner uf dr Gegefahrbahn 2 gha. Immer so abwechsligswis über 300km. Zudem hets öbe au 5 Kilometer e Blitzer gha mitere max. Gschwindigkeit vo 70km/h u ner hesch widr 110km/h chönne fahre. Gas gä, bremse, überhole u gad widr brämse, wöu "ACHTUNG ih 200m chunnt e Blitzer isch ahgschribe". Drfür simr ah richtig schöne Örtli vrbigfahre. Ah üsem neue Steuplatz simr ersch recht spät ahcho, wo mr lustigerwis widr Schwizer hei troffe. Hie hei mr no e Salat gmacht zum zNacht u di liebi Sabrina het Wasser gfiutert für morn. Iz no schnäu Tagebuech schribe u ner ab iz Bett.Read more
TravelerTipp topp für die interessante Infos, isch würklich toll, eu zfolge , freu mi scho uf de nöchscht Tag (em Dädy tuenis natürli vorläse - uf züritütsch - er hett süscht Müeh berndütsch zläse, glaubsch mers?
CorinaSRA seehr cool 🥰😍
Traveler Tipp topp für die interessante Infos, isch würklich toll, eu zfolge , freu mi scho uf de nöchscht Tag (em Dädy tuenis natürli vorläse - uf züritütsch - er hett süscht Müeh berndütsch zläse, glaubsch mers?
Traveler gerngern