Reinebringen

Di Nacht hets richtig gwindet, ha scho z gfüu gha üs luftets drvo. Am Morge wo mr si ufgwache, hets ner no so chli grägnet, womer ner ni sichr si gsi, ob mr üse Plan chöi dürezieh. Zum Glück hei mrs abr ner dürezoge u si ufe Reinebringen ufegloffe. E Wanderig ischs ni gsi, meh es Treppeloufe. Über 1500 Stegetritte ischs ufwärts gange. Haaaaiaiai isch ds ahsträngend gsi. Dobe ahcho, hei mr e hammer Ussicht gha. Mängisch isch chli d Sunnd füre cho, aber meistens ischs bewölkt gsi. Ner hets de aber guet mau ahfah lufte und wiiiieee. Isch gad richtig chaut worde. Mir si wük guet ihpackt gsi, aber d Häng hei gfrore. 1500 Stegetritte widr abwärts, sichr nüt für Lüüt mit Höheangst. In Reine simr no es Kaffi ga trinke, Grauwasser lääre u z Wasser ga uffüue. Ner simr richtig Nusfjord gfahre, womer es schöns Plätzli für die Nacht hei gfunge. Brrrr, hüt Abe ischs so chaut, wöus eifach so luftet, da mache mr aues nume no dinne. Hei e feini Gmüespfanne gmacht. U gö gli mau widr is Bett.Read more