Rege u chille

Hüt hei mrs am Morge gmüetlech gno. Hey no chli d Sunne u ds Meer gnosse, bevor mr ner ab uf Reine si. In Leknes hei mr no e churze, resp ner eig e sehr länge, Zwüschestopp gmacht um no schneu paar Sache ga z choufe, "wo mr bruche". Im Shoppingcenter hei mr aber ner guet viu Zyt vrbracht. 🥴 Ih ha mr dert es gäubs Stirnband kouft, woni mega freud dran ha (gseht me nume no uf eim Foto vo hüt😅😂). In Reine hei mr z Grauwasser, Pipi u Kacka gläärt u Früschwasser ufgfüut, dr Küder entsorgt u aues putzt. Ds isch eh super Ort gsi um gd aues zemme chönne z erledige. Wöus schüsch scho dr ganz Tag gregnet het, simr ner eig nume no zum nächste Steuplatz gfahre. Womer Sushi zum zNacht hei gmacht. Mitem super orange Duschvorhang (mersi Vogusanger/Hofstetter) hei mr e churzi Zyt im Rege chönne choche, het aber de ner gli mau düregla. Mit dr dräite Drehsitzkonsole ischs im Outo z 2 ner eig super bequem. U d Sushi si bombastisch gsi. Wöu mr hüt so tolli Charte hei kouft, hani ar Sabrina vrsuecht z erklere, wi mä duet Jasse. Iz rouchne beidi üsi Chöpf, darum gö mr iz ga schlafe.🥱
God natt.Okumaya devam et