Mézos, L‘especier und Contis ☀️🌊

Mier sind am Fritig in Mézos ahcho und hend 4 Nächt imene Tippie-Zält übernachted. Es isch ufmene Campingplatz gsi mitmene Tippiedorf, Kampaoh heisst die Organisation und hend Tippiedörfer in Spanin, Portugal und Frankriich. De Camping isch zmitzt im Wald gläge ca. 10 Min Autofahrt vom Strand entfärnt. Mier hend üs alli fescht uf das gfreut und es hed üs au ultragued gfallä det. ⛺️
Am Fritig simmer ahcho am Nami und hend de Campingplatz abcheggt, sind im Pool go bädele und hend am Abig bi üs vorem Zält Znacht kocht.
Am Samstig simmer zum Plage L‘especier gange. De Strand isch sehr sehr schön, wisse Sandstrand, wilds Meer und wenig Mänsche. Au da hemmer wider üses Schwämmholzzält ufgstellt und hends de ganz Tag gnossä. Am Abig simmer den is Surferstädtli Contis gange und hend sehr fein Znacht gässe und die letschtä Farbe vom Sunneuntergang nu gluegt.
Am Sunntig ischs uuuultra fescht heiss worde, 40 Grad hed s Termometer ahzeigt, so warm hemmer z letscht mal in Mexico gha.. Mier hend de Tag ide Lagune bim Camping verbracht und am Abig simmer wider uf Contis. Mier hend de wuuunderschön Sunneuntergang gluegt, d Surferlüüt beobachted und sind de is Städtli nu chli go umeschländere und hend üs es feins Glace gegönnt. S Städtli isch mega schön, mit villne härzige Lädeli womer üs au 1-2 Sache kauft hend.
Am Mäntig simmer in Biarritz gsi (siehe eigener Footprint).
D Mila hed üs gseid si wür gärn nu chli länger bliibe, es hed ire seeehr fescht gfalle. De Ilai hed gseid: ich nid Zält blibe. 😂
Hüt gads wiiter quer dur Frankriich richtig Schwiiz. ✌🏽❤️Læs mere