Frankreich Roadtrip

Bonjour à tous ceux qui suivent notre voyage en France 🇫🇷

Mier sind am Samstig losgfahrä über Genf richtig Französischi Gränze. Vor de Gränze z Nyon hemmer den en chline Zmittagstopp gmacht und üs en Pizza gegönnt. Nah hemmers durezoge bis uf Serrières. Det simmer usgstiige, hend üs chli ad Rhône ghöckled will det irgend en komische Wettkampf stattgfunde hed. 😂 2 Boot mit je 2 Lüüt wo en Lanze hebed und sich gägesiitig versueched abeschüpfe. Gsehd us as wär das en sehr alte Sport wos früehner de Könige vorgfüehrt hend. 👑
Schön hemmer au die blau Brügg gfunde.. Mier hend det nu es Käffeli gnu, es Glace gässe und sind den nu ca. 10 Min zu üsere Unterkunft in Peaugres gfahre. De Eric hed det üs in Empfang gnu und üs üsi Ardèche zeigt womer für 2 Nächt übernachted hend. Meeega es schöns Hüsli mit Garte wo üs ganz elei ghört hed. Voll Chinderfründlich, es hed au Traktore füre Ilai und Spieli und Büechli für s Mili gäh.
Am Sunntig hemmer gemütlich zmörgeled und sind den an See Vernets gange. Das isch en chline härzige warme See, sind alli Zämä öbä en Stund im Wasser am bädele gsi. 💦
Nachher simmer wiiterzoge nach Boucieu Le Roi, d Autofahrt isch meeega schön gsi dur Fälder und Wiibärge und schöne chline Städtli, eifach wunderschön. Es gfallt mer mega das all die Städtli da voll vo Steihüsli sind, das gid dem ganze da en sehr tollä Scharm.
Mier hend den dettä in Boucieu le Roi so es Wägeli bueched wo mier so 12km uf Gleisä hend chönne dur d Landschaft cruise. Die Wägeli sind so Tresine gsi womer so mit Velopedale hed chönne trätte. En Zug hed üs zerscht zum Start bracht und den hemmer de ganz Wäg so chönne zrug fahrä. Mier hend d Fahrt dur so Viadukt gnu, ganz vill Brüggli wo über de Doux buut worde sind. Voll en tolli Erfahrig gsi und d Chind hend supergued mitgmacht.
Nachdem hemmer alli sehr fescht hunger gha, sind den nu id Stadt Annonay gange und hend sehr fein Znacht gässe.
Hüt gads wiiter richtig Süde, mier freued üs fescht ufs Meer. ☀️🌊Read more