Domaine de Cavailla

Mier hend en Zwüschehalt ufere Farm gmacht. Üsi Unterkunft isch es chlises härzigs Hüttli gsi. Es hed vieli verschiideni Tierli gha, d Hüehner hend üs bim ässe begleitet und de Güggel hed üs am morgä mitmene sanfte Kickeriki gweckt. 😂 De Ilai hed die Hüehner und de Güggel im Griff gha, er hed mit ine immer wider uf sini Art kommuniziert. 🐓😂
Am Abig hend d Chind chönne go Pony riite, mier hend d Chind sälber dörfe dur d Landschaft füehre mit de Ponys si hend üs eifach lah mache… d Mila heds sehr fescht gnossä und hed gar nüme welle ufhörä riite. Und am Ilai isch es chliises Mallör passiert, si hend de Sattel vo sim Pony z wenig fescht ahgmacht und er isch abe grutscht. Isch zum Glück nüd passiert usser daser nachher kei Freud meh gha hed am riite. 🙈
D Landschaft im Allgemeine isch sehr sehr schön det, d Farm isch zwüsched zwei riiisige Sunnebluemefälder, irgendwo im nirgendwo. D Sunne isch hinterem Bluemefäld abegange, eifach wuuunderschön. 🌼 Am Abig wo d Chind im Bett gsi sind hemmer d Stärne nu chli beobachted will mier die ultragued gseh hed det und mier hend die Satelitechetti vom Elon Musk entdeckt, öbe 20 Satelite sind nachenand ob üs verbi gfloge. 🌒
Hüt am Morge hend d Chinddörfe go d Tier füettere, nah hemmer fein zmörgeled in Begleitung vonere Äntefamilie. Und etz gads wiiiter richtig Weschtküschtä 😍🌊☀️Læs mere