Sjoa River Rafting

Nach de strenge Beseggen Wanderig hemmer eus ufmne Camping in Heidal iigrichtet, well mer en Tag vorher spontan uf d Idee vum River Rafting gstosse sind. 🙃
Dementsprechend heds recht vill KajakerInne uf dem Camping gha.😁

Mer sind de au bi Ziite is Bett und hend am nöchste Morge gmüetlich Zmörgelet und sind am 10i vor Ort gsi. Die ganz Aktivität hed 3h duuret mit aaschlüssendem Zmittag 😋
De afänglichi Respekt vum Fluss-schüche Loco hed sich nach wenige Minute ufm sichere Gummiboot (und schwümmweste und Helm) schnell gleid und er heds mit volle Züüg chönne gnüsse. Mer sind extra vore ghocket, well mer det am meiste nass werd, was niemert us de Gruppe gfühlt hed ussert mer 🙃 s isch aber alles riibigslos gloffe, weder s Boot isch kippt, no isch öpper usegheit. Mer sind eifach z guet! 😉
De Sjoa Fluss isch luut eusem Guide eine vu de bekanntischte Wildwasserflüss zum Kajake/Rafte. Und mer sind so per Zuefall über s stichwort rafting im Google druuf gstosse😅 jedefalls isch im Jory no gseid worde, dass Rotorua Rafting (Neuseeland) und Sjoa Rafting zude Top 5 Raftings ghöret, und per Zuefall sind das tatsächlich die zwoi woner bis ez gmacht hed i sim Lebe (Loco ist stolz) 🫠Baca lagi