Norwegen

So da schriibemer ez s erst mal öppis chlises und zwar us 2 gründ:

1. Zum betone wie cool de Tag gsi isch, well d Wanderig und s Ziel eifach atemberaubend gsi sind. Am morge früeh uuf, üsi overnight oats gesse, denn im Nebel die füechte Felswänd duruf. Unterwegs simmer no emne schwiizer mit Barfuessschueh begegnet😅 Nach chli weniger als 2h simmer dobe aacho und s hed - entgege üse erwartige - gar ned soo vill lüüt gha😍 träumli gsi!
Mer hend de no euses Käffeli dobe gmacht und hend per Zuefall no paar Wingsuiter gseh, absolut chrank😵‍💫

2. Sind no 3 erwähnenswerti Malheurs passiert🙃
#1: bevor mer d Wanderig hend chönne starte, hemmer natürli welle d Wanderschueh aalegge. Im jory sine schueh isch seltsamerwiis en wasserfläsche chopfüber gsi. Ned so tragisch hani denkt, woni de aber d fläsche usegnoh ha isch sie offe gsi und en See i mim schueh🫣 wie das hed chömne passiere ischmer ez no es rätsel😅 de see hani dusse entleert und de im güetige Loco sini wanderschueh chönne alegge, er hed defür sini trekkingschueh gnoh🫶🏽
#2: simpel: mer hend denkt, s isch neblig, iicreme unnötig, mer sind bestraft worde😅
#3: am abig bim choche, womer eh scho erschöpft gsi sind, hed de Jory s Regal ufgmacht und da ischem 750g Spaghetti entgegecho, z bode gheit und ufgange, dementsprechend hemmer anstatt Riis, d spaghetti gmacht, zum glück simmer flexibel🙃Weiterlesen