Tag 1 in Budapest

Moiiins😎
Wieder mol gits öpis zverzella!
Gester morga simmer am 03:45 Uhr ufgstanda und ab go d Peggy de Renato und de Mike go abhola, zum zemma an Flughafa zfahra! 🛫 S Flugzüg isch ohni Turbulenza 1h35min spöter in Budapest ahkho. Im Hotel hemmer uf de Gian gwartet, wo mim Zug ahgreist isch!
Kurz simmer in da Zimmer gsi, het üs d Oma vom Benj und Mike überrascht, wo in Wian wohnt und au uf Budapest greist isch- Surprice🥳
Zerst simmer alli mol go öpis trinka zum ufwacha und nocher isch üsi Tour losganga.
Miar sind dr Donau entlang glofa, hend jensti Sehenswürdigkeita ahgluagt und am Schluss simmer sogar uf da Berg uffa gwanderet. Vo dött us het ma d ussicht vom Royal Palace aba uf ganz Buda gseh. Budapest isch in zwei Teil ufteilt Buda und Pest.
Todmüad und mit schmerza in da Bei, hemmer no öpis z essa gsuacht. Schlussendlich hemmer am 15:00Uhr Zmittag oder Znacht gessa🥘🥗
Nochem essa simmer dur alli iikaufsstrossa zrugg zum Hotel, zum warmi Jacka ahzlegga wills am obet no recht frisch isch.
Zum Abschluss vom Tag isch üsi Vampiarstadttour gstartet, wo üs dr Joe Gschicht vo früahner mit Grusselgschichta verzellt het. Todmüde und kapuut vom wenig schlof und da knappa 23‘000 Schritt sind a Teil vor Gruppa go Pfussa und dia andera no öpis go trinka.
Isch an mega coola idrucksvolla Tag gsi! Üs gfallts do!🌞💃🏼Read more