Tag 2 in Budapest

Usgschlofa und fit isch de zweiti Tag au schu gstartet. Hüt simmer am morga in ma edla Restaurant go zmörgala. Am 9i halb 10i bisch so zsega dia Ersta vo allna ( dia meista Ungarner stönd glaub gern biz spöter uf)
Dr Zmorga isch mega fein gsi, sogar mit Musik begleitet worda. Gstärkt simmer den in dia gross bekannt Markthalla. Voll mit Essa und Suvenir, Alkohol und Menscha…🥗🧍🏼‍♂️
Es het menga an frischem Gmüass und Fleisch kha, Honig, Gwürz und verschiedeni Krömlii Ständ…Gmüatlicher wia gester isch de Tag wiiterganga, eins go trinka und biz go d Stadt ahluaga mit paar Shops. A cools Liachtermuseum hemmer au no endeckt, so entspannend gsi, zum iischlofa😴😂
Zmittag Znacht hemmer wieder um dia 3i 4i gessa, im na Ungarnischa Restaurant. Mit volla Mäga sind den zwei vo üs ins Hotel go ligga und dia andera hend nomol a Rundi in dr Shoppingstreet dreht, natürlich au öpis gfunda. 🛍️
Am obet hemmer den a Bootstour uf dr Donau gmacht- wunderschön und iidrücklich wia dia Gebäude belüchtet worda sind.
Ungefähr am 9i hemmer no Znacht gessa, dia einta meh dia andera weniger. Gmüatlich simmer no dussa am sitza und pläuderla gsi und spöter no a klini Stadttour in dr Nacht gmacht vo Bar zu Bar - drink zu drink! Viva🍹🍻Læs mere