Tag 3 in Budapest

Definitiv üsen kürzischta und chilligsti Tag het gstartet. Nochdem alli usgschlofa hend, dia einta kürzer dia andera länger hemmer üs im Kaffee zum zmorga troffa. Dr Gian isch leider nüm drbi gsi, er het am morga schu sini Haireis mim Zug ind Schwiz gstartet. 🚂 Also hend miar gmüatlich käffelet und üs für de letschti Tag gstärkt😎
Den simmer nomol ins Zimmer, Zähnliputza und Koffer fertig packaa, damit miar usschecka hend könna. D Koffer hemmer no dörfa im Hotel loh, das miar nomol biz ind Stadt sind go umalaufa… bis üs den spöter s Taxi go hola kho isch. Kurz bevor, isch d Oma vom Benjamin und Mike no d Glücksfee gsi wo üsen nöchsti Städtetrip hera goht. ( wos den hera goht gsehnder nöchst Johr im Pinguu🤫😉)
Aber miar freuend üs!!
Verabschiedet und vollbepackt simmer zum Flughafa gfahra worda. Wieder dur dia Sicherheitskontrolla- dermol hends mii no gnau wella kontroliara🙄
Üsend Flug het zwor 30min verpötig kha, aber sus isch alles guat ganga. Mit am Flüger Swiss „Davos“ simmer heil in Züri ahkho und direkt Hai zrugg ins schöna Bündnerland!
Isch a mega schöns, idruckvolls, strengs und lässigs Wuchanend gsi! 🌞😍 Wer mol uf Ungarn will, lohnt sich uf jedafall!
Bis bald🙋🏼‍♀️Leggi altro