Prison Island

Am Nomittag semmer meteme chline Bootli uf Prison Island gfahre, wo zwar so heisst ond au es Gfängnis baut worde esch aber nie en Gfangene gsi esch. Spöter esches als Quarantäne brucht worde. Jede wo hed uf Sansibar wele ireise, hed 1 bis 2 Woche mösse uf dere Insle blibe bevor er weder abgholt worde esch ond uf Sansibar brocht worde esch. En General vode Seychelle hed, de einisch Sansibar wele es Gschnek öberreiche ond hed 4 Rieseschildkröt uf dere Insel agsidlet. Die heisech rasch usbreitet ond so lebe höt no Rieseschildkröt uf dere Insel. Die ältischti wosi momentan hei esch 120 Johr alt.
Weder zrög semmer d Hauptstadt vo Sansibar go aluege. D Hauptstadt Stone Town esch aber sehr chli ond esch schnell dörlofe gsi. De Markt det, esch chli andersch gsi, als mer en Martk vode Schwiiz her kenne. Siehe Bilder😉
Am Obe semmer mped aber glöcklech zrögcho, met ganz vellne Idröck, womer bemne schöne Mondufgang nomol eus döre Kopf hei lo go.Читать далее